Asebter amenzawi

Tewwi-d teɣlamt n AJ Auxerre amarir Ghislain Guessan akken ad t-teɛreḍ

PARIS– Amenṭag aqbur ivwaṛi n RC Laṛebɛa, Ghislan Guessan, yedda ad yurar deg AJ Auxerre (Tamɣunt tis 2 n Fṛansa) akken ad yettwaɛreḍ yernu ad tẓer teɣlamt-a ma t-tessidef neɣ uhu, ɣef wakken ay d-tenna tɣemsa tadigant (maḥalliyya) ass n ttlata.

Deg tsemhuyt (mawsim) yezrin, yessadef Ghislain (23 n yiseggasen) 10 n yeswan i lfayda n teɣlamt n RC Laṛebɛa (ay yeɣlin ɣer Temɣunt tis 2 n Ldzayer). Ass n letniyen, yebda asleɣmu-nnes (tadrib) deg teɣlamt n AJ Auxerre.

Menɣir Auxerre, bɣant daɣ teɣlamin n Valence, Nimes d Troyes ad d-ssidfent amarir-a, am wakken ay la d-sseqsayent fell-as daɣ teɣlamin seg Lalman d Ṭṭerk.

Amenṭag-a (muhaǧim) ivwaṛi yella, naqal, deg wammas n ussileɣ (takwin) n Nantes, maca yettwaẓẓeɛ-d seg-in ɣef lǧal n kra n tuffɣiwin i webrid. Sakkin, yedda ɣer Padova (deg Ṭṭalyan) anda ay yurar yiwet n tsemhuyt, uqbel ma yedda ɣer Tours yernu yeqqim din war ma yurar. Deg 2014, yusa-d ɣer Ldzayer.

Ghislain Guessan, ay yellan mazal yesɛa leɛqed d RC Laṛebɛa arma d 2017, terra-t tmara ad yeffeɣ seg telɣuɣa tadzayrit imi ay teɣli teɣlamt-nnes ɣer Temɣunt tis 2, imi ay tegdel Tfidiṛalit Tadzayrit n Tcirḍart i teɣlamin n Temɣunt tis 2 ad sxedment imariren iwerdaniyen.