ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵏⴽⴻⵕ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⴰⴽⵛⴰⴼ ⵏ ⵢⵉⵙⴻⵏⵜⴰⵍ ⵏ ⵜⴻⴷⵡⵉⵍⵜ ⵏ ⵓⵄⴰⵡⴻⴷ ⵏ ⵍⴱⴰⴽ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⴽⴻⵕ, ⴰⵙⵙ ⵏ ⵜⵜⵍⴰⵜⴰ, ⵢⵉⵡⴻⵏ ⵏ ⵓⵎⴰⵙⴰⵢ (ⵎⴰⵙ’ⵓⵍ) ⵏ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⴰⴽⵛⴰⴼ ⵏ ⵢⵉⵙⴻⵏⵜⴰⵍ ⵏ ⵜⴻⴷⵡⵉⵍⵜ ⵏ ⵓⵄⴰⵡⴻⴷ ⵏ ⵡⴻⵃⵔⵉⵛ ⵙⴻⴳ ⵢⵉⴽⴰⵢⴰⴷⴻⵏ ⵏ ⵍⴱⴰⴽ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵉⵙⴻⵏⵜⴰⵍ ⴰⵢ ⴷ-ⵙⵙⴻⵔⵙⴻⵏ ⴷⴻⴳ ⴽⵔⴰ ⵏ ⵢⵉⵥⴻⴹⵡⴰⵏ ⵉⵏⵎⴻⵜⵜⵉⵢⴻⵏ ⴷ ⴰⵎⵛⴰⴱⵉ ⴽⴰⵏ ⴰⵢ ⵜⵜⴻⵎⵛⴰⴱⵉⵏ ⴷ ⵢⵉⵙⴻⵏⵜⴰⵍ ⵏ ⵜⴻⴷⵡⵉⵍⵜ-ⴰ ⵏ ⵓⵄⴰⵡⴻⴷ ⵏ ⵍⴱⴰⴽ, ⴰⵎ « ⵜⵓⵜⵜⵔⵉⵡⵉⵏ-ⵏⵏⵉ ⴰⵢ ⴷ-ⵢⴻⵜⵜⵓⵏⴻⴼⴽⴻⵏ ⴷⴻⴳ ⵓⵙⴻⵏⵜⴻⵍ ⵏ ⵜⴼⴻⵍⵙⵓⴼⵜ ».
« ⴰⵔ ⴰⵙⵙ-ⴰ (ⵜⵜⵍⴰⵜⴰ), ⵓⵔ ⴷ-ⵢⴻⵍⵍⵉ ⵡⴻⴽⵛⴰⴼ ⵏ ⵢⵉⵙⴻⵏⵜⴰⵍ ⵏ ⵢⵉⴽⴰⵢⴰⴷⴻⵏ ⵏ ⵜⴻⴷⵡⵉⵍⵜ ⵏ ⵓⵄⴰⵡⴻⴷ ⵏ ⵡⴻⵃⵔⵉⵛ ⵙⴻⴳ ⵍⴱⴰⴽ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵎⴰⵙⵡⴰⴹ (ⵎⵓⴼⴰⵜⵜⵉⵛ) ⴰⵎⴰⵜⵓ ⵏ ⵓⵙⵙⴻⴳⵎⵉ, ⵎⴻⵙⵇⴰⵎ ⵏⴻⴷⵊⴰⴷⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵉⵙⴻⵏⵜⴰⵍ ⴰⵢ ⴷ-ⵢⴻⵔⵙⴻⵏ ⴷⴻⴳ ⴽⵔⴰ ⵏ ⵢⵉⵥⴻⴹⵡⴰⵏ ⵉⵏⵎⴻⵜⵜⵉⵢⴻⵏ (ⴼⴰⵛⴻⴱⵧⵧⴽ) ⵜⵜⴻⵎⵛⴰⴱⵉⵏ ⵛⵡⵉⵟ ⴷ ⵡⵉⴷ ⵏ ⵜⴻⴷⵡⵉⵍⵜ-ⴰ ⵏ ⵓⵄⴰⵡⴻⴷ ⵏ ⵡⴻⵃⵔⵉⵛ ⵙⴻⴳ ⵍⴱⴰⴽ, ⵎⴰⵛⴰ ⵎⴰⵛⵉ ⴷ ⵉⵙⴻⵏⵜⴰⵍ-ⵏⵏⵉ ⵙ ⵜⵉⵎⵎⴰⴷ-ⵏⵙⴻⵏ ⴰⵢ ⴷ-ⵢⴻⵜⵜⵡⴰⴽⴻⵛⴼⴻⵏ.
ⴷⵉⵎⴰ ⴷⴻⴳ ⵜⴻⵎⵙⴰⵍⵜ ⵏ ⵓⵙⴻⵏⵜⴻⵍ-ⵏⵏⵉ ⵏ ⵜⴼⴻⵍⵙⵓⴼⵜ, ⵢⴻⵏⵏⴰ-ⴷ ⵎⴰⵙⵙ ⵏⴻⴷⵊⴰⴷⵉ ⴷⴰⴽⴽⴻⵏ ⵉⵙⴻⵏⵜⴰⵍ ⵣⴻⵎⵔⴻⵏ ⴰⴷ ⴷ-ⵜⵜⵓⵏⴻⴼⴽⴻⵏ ⵖⴻⴼ ⵢⵉⵡⴻⵜ ⵏ ⵜⴻⵎⵙⴰⵍⵜ, ⵎⴰⵛⴰ ⵎⴰⵛⵉ ⵢⵉⵡⴻⵜ ⵏ ⵜⵔⵉⵔⵉⵜ ⴰⵔⴰ ⴷ-ⵢⴻⵜⵜⵓⵏⴻⴼⴽⴻⵏ ⴼⴻⵍⵍ-ⴰⵙⴻⵏⵜ.
ⵢⴻⵏⵏⴰ-ⴷ ⵎⴰⵙⵙ ⵏⴻⴷⵊⴰⴷⵉ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴰⴽⴽⴻⵏ ⵓⵔ ⴷ-ⵢⴻⵍⵍⵉ ⵡⴻⴽⵛⴰⴼ ⵏ ⵓⵙⴻⵏⵜⴻⵍ ⵏ ⵜⴻⴼⵕⴻⵏⵙⵉⵙⵜ, ⵢⴻⵔⵏⵓ ⵓⵔ ⵢⴻⵜⵜⵡⴰⴱⴻⴷⴷⴻⵍ ⵙ ⵢⵉⵙⴻⵏⵜⴰⵍ ⵏ ⵍⵄⵓⵍⴰ.
« ⵜⵓⵜⵜⵔⵉⵡⵉⵏ ⵏ ⵍⵄⵓⵍⴰ ⵇⵇⵉⵎⴻⵏⵜ ⵜⵜⵡⴰⵛⴻⵎⵎⵄⴻⵏⵜ ⵢⴻⵔⵏⵓ ⵓⵔ ⵜⵜⵡⴰⵙⵇⴻⴷⵛⴻⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵢⴻⵙⵎⴻⴽⵜⵉ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⴰⵖⵍⵉⴼ ⵏ ⵓⵙⵙⴻⴳⵎⵉ ⵢⴻⴷⴷⴻⵎ ⵉⵃⴻⵣⵣⵉⴱⴻⵏ ⴷ ⵓⵎⵇⵉⵜⴻⵏ ⵙ ⵡⴻⵎⵄⴰⵡⴻⵏ ⴷ ⵢⴻⵃⵔⵉⵛⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⵉⵄⴻⴷⴷⵉ ⵍⴱⴰⴽ ⴷⴻⴳ ⵜⴻⴳⵏⴰⵜⵉⵏ ⵏ ⵎⴻⵏⵡⴰⵍⴰ.
