Asebter amenzawi

Sin n yiferdisen yettɛawanen idefriren n yiremmaɣen deg twilayin n Lwad akked Mila

LEZZAYER TAMANEɣT – Sin (2) n yiferdisen yettɛawanen idefriren n yiremmaɣen, teṭṭef-iten ass n ttlata deg twilayin n Lwad akked Mila, tsensirt n Tredsa taɣelnawt taɣerfant akked yimeẓla n Tɣellist taɣelnawt, i d-yenna ass n larebɛa yiwen n ulɣu n uɣlif n Temḥaddit taɣelnawt (MDN).

‘’Deg ukatar n umennuɣ mgal iremmaɣen, yiwet n tsensirt tucrikt gar Tredsa taɣelnawt taɣerfant, akked yemẓla n Tɣellist taɣelnawt, ṭṭfen, ass n 21 yunyu 2016, sin (02) n yiferdisen i yettɛawanen idefriren n yiremmaɣen deg Lwad (Tamnaḍt taserdasant tis 4) akked Mila (Tamnaḍt taserdasant tis 5)’’, i d-tesseddi teɣbalut-nni.

Seg yidis nniḍen, deg Beccar (Tamnaḍt taserdasant tis 3), iferdisen n yiɛessasen n tlisa ‘’kksen ass-a deg yidis n tɣiwant Merriǧa yellan deg tlisa, mraw (10) n yiqenṭaren n lkif. Seg tama nniḍen, yiwet n tsensirt n Tredsa taɣelnawt taɣerfant (ANP) teṭṭef sin (02) n yimsettiyen i umi tekkes semmus n tmerwin d sḍis n yikilugramen n lkif akked yiwet n tkerrust.