ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵉⵏ ⵏ ⵢⵉⴼⴻⵔⴷⵉⵙⴻⵏ ⵢⴻⵜⵜⵄⴰⵡⴰⵏⴻⵏ ⵉⴷⴻⴼⵔⵉⵔⴻⵏ ⵏ ⵢⵉⵔⴻⵎⵎⴰⵖⴻⵏ ⴷⴻⴳ ⵜⵡⵉⵍⴰⵢⵉⵏ ⵏ ⵍⵡⴰⴷ ⴰⴽⴽⴻⴷ ⵎⵉⵍⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵙⵉⵏ (2) ⵏ ⵢⵉⴼⴻⵔⴷⵉⵙⴻⵏ ⵢⴻⵜⵜⵄⴰⵡⴰⵏⴻⵏ ⵉⴷⴻⴼⵔⵉⵔⴻⵏ ⵏ ⵢⵉⵔⴻⵎⵎⴰⵖⴻⵏ, ⵜⴻⵟⵟⴻⴼ-ⵉⵜⴻⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⵡⵉⵍⴰⵢⵉⵏ ⵏ ⵍⵡⴰⴷ ⴰⴽⴽⴻⴷ ⵎⵉⵍⴰ, ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⴰⴽⴽⴻⴷ ⵢⵉⵎⴻⵥⵍⴰ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴰⵔⴻⴱⵄⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ (ⵎⴷⵏ).

‘’ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵉⵔⴻⵎⵎⴰⵖⴻⵏ, ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵜⵓⵛⵔⵉⴽⵜ ⴳⴰⵔ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⴰⴽⴽⴻⴷ ⵢⴻⵎⵥⵍⴰ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⵟⵟⴼⴻⵏ, ⴰⵙⵙ ⵏ 21 ⵢⵓⵏⵢⵓ 2016, ⵙⵉⵏ (02) ⵏ ⵢⵉⴼⴻⵔⴷⵉⵙⴻⵏ ⵉ ⵢⴻⵜⵜⵄⴰⵡⴰⵏⴻⵏ ⵉⴷⴻⴼⵔⵉⵔⴻⵏ ⵏ ⵢⵉⵔⴻⵎⵎⴰⵖⴻⵏ ⴷⴻⴳ ⵍⵡⴰⴷ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 4) ⴰⴽⴽⴻⴷ ⵎⵉⵍⴰ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 5)’’, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ-ⵏⵏⵉ.

ⵙⴻⴳ ⵢⵉⴷⵉⵙ ⵏⵏⵉⴹⴻⵏ, ⴷⴻⴳ ⴱⴻⵛⵛⴰⵔ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 3), ⵉⴼⴻⵔⴷⵉⵙⴻⵏ ⵏ ⵢⵉⵄⴻⵙⵙⴰⵙⴻⵏ ⵏ ⵜⵍⵉⵙⴰ ‘’ⴽⴽⵙⴻⵏ ⴰⵙⵙ-ⴰ ⴷⴻⴳ ⵢⵉⴷⵉⵙ ⵏ ⵜⵖⵉⵡⴰⵏⵜ ⵎⴻⵔⵔⵉⴵⴰ ⵢⴻⵍⵍⴰⵏ ⴷⴻⴳ ⵜⵍⵉⵙⴰ, ⵎⵔⴰⵡ (10) ⵏ ⵢⵉⵇⴻⵏⵟⴰⵔⴻⵏ ⵏ ⵍⴽⵉⴼ. ⵙⴻⴳ ⵜⴰⵎⴰ ⵏⵏⵉⴹⴻⵏ, ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ) ⵜⴻⵟⵟⴻⴼ ⵙⵉⵏ (02) ⵏ ⵢⵉⵎⵙⴻⵜⵜⵉⵢⴻⵏ ⵉ ⵓⵎⵉ ⵜⴻⴽⴽⴻⵙ ⵙⴻⵎⵎⵓⵙ ⵏ ⵜⵎⴻⵔⵡⵉⵏ ⴷ ⵙⴹⵉⵙ ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵍⴽⵉⴼ ⴰⴽⴽⴻⴷ ⵢⵉⵡⴻⵜ ⵏ ⵜⴽⴻⵔⵔⵓⵙⵜ.