Asebter amenzawi

Tamsetlelt: 10% seg umarud n 2014 yettunefk i lemɛawna n tgerda (taneɣlaft)

LEZZAYER TAMANEɣT – Tenna-d tneɣlaft n temsetlelt (taḍamun) taɣelnawt, Mounia Meslem, ass n laṛebɛa, dakken 10% seg umarud (mizaniyya) n weḥric-a tettunefk, deg 2014, i wethelli usrid s yigerdan.

Tenna-d Massa Meslem deg yiwet n wemyager ay d-yellan ɣef uqeddem n yegmaḍ n yiwet n tezrawt ɣef wethelli deg yigerdan dakken « 10% seg 23 n yimelyaṛen n yidinaṛen ay yettunefken i weḥric n temsetlelt deg 2014 ttwasqedcen i wethenni usrid deg yigerdan ».

Igmaḍ n tezrawt-a sseknen-d dakken « yessefk ad ttwarnun ɣer waya yimeṣrufen niḍen ay d-yellan i wethelli arusrid deg yigerdan », ladɣa imeṣrufen n ussegrer (ta’ṭir) d weḍfar n yeɣsuren yemmuzzgen (mutaxaṣṣiṣa).

Tenna-d Massa Meslem dakken ɛejben-tt yegmaḍ n tezrawt-a (dirasa) ay d-yesskanayen dakken ameṣruf yettwaṣerrfen ɣef wethelli s tgerda deg weḥric-a « iɛedda i talast yellan deg kra n tmura ».

Tenna-d daɣ i lmend n waya dakken iswi n tezrawt-a netta d aqeyyem n wussisen (maǧhudat) ay d-yellan deg webdad i tgerda d tifin n lexṣaṣat yellan d aɛewwiq deg uǧǧuǧǧeg n wegrud deg tmetti akken ad ttwakksen seg webrid.

Tenna-d daɣ dakken tazrawt-a tesban-d daɣ tamuɣli tamatut yerzan amarud ay yettunefken i webdad i yigerdan d weḥkam deg uṣerref n yedrimen s webrid uṛcid, d uheyyi n yiɣawasen (muxaṭṭaṭat) d wahilen i lmend n weḍman n ccɣel d amellil (faɛɛal).