Asebter amenzawi

Yettwaḥṛem uselway n Temɣunt Tagramnaḍt n Tcirḍart seg uxeddim deg tsuda n tcirḍart (Tafidiṛalit)

LEZZAYER TAMANEɣT– Tenna-d Tfidiṛalit Tadzayrit n Tcirḍart deg udeg-nnes unṣib dakken aselway anaffaɣ n Temɣunt Tagramnaḍt n Tcirḍart, Mohamed Hadj Boukaroum, yettwaḥṛem seg wakk lecɣal deg tsuda n tcirḍart ɣef lǧal n « uqader ur iquder iẓuyar d yeslaganen ».

Aɣtas-a (qarar), ay yettwaddmen ass n ttlata deg temlilit n Tnarit Tafidiṛalit tella-d ɣef lǧal n wembibbi ay d-tembabb ḍḍlafa ɣef Temɣunt Tagramnaḍt n Tcirḍat, yernu ḍḍlaba-a ttekkant deg-s lexḍeyyat ay werɛad ur tent-id-xellṣent teɣlamin, ɣef wakken ay d-tenna teɣbalut-a (maṣdar).

« Aselway aqbur n Temɣunt Tagramnaḍt yeǧǧa ad d-tili ḍḍlaba-a yernu iḍurr Tamɣunt seg yidis n adriman, adeblan d waddalan », ɣef wakken ay d-twekked Tfidiṛalit Tadzayrit n Tcirḍart, am wakken ay d-tecreḍ « seg teɣlamin n Temɣunt Tagramnaḍt ad xellṣent lexḍeyyat-nsent tiqburin uqbel ma ttekkant deg tsemhuyt n 2016-2017 ».

Amaru amatu aqbur n Temɣunt Tagramnaḍt iwekked-d dakken llan wuguren-a deg temɣunt yernu ɣef lǧal n waya ay yettaxer, ɣef leḥsab n Tfidiṛalit.

Agraw amatu n tefrant n Temɣunt Tagramnaḍt n Tcirḍart yella yessefk ad d-yili ass n 4 Yunyu, maca yettwawexxer ɣer uzemz niḍen.

Igensasen (mumattilin) n teɣlamin heyyan-d umuɣ n yissutren yeqqnen ɣer wamek ara d-ili tefrant.

Tanarit Tafidiṛalit twekked-d dakken « tamsalt n Temɣunt Tagramnaḍt n Tcirḍart ad tɛawed ad tettwassekyed deg tgara n tallit n weklas » n teɣlamin.

Benmedjeber Youcef d netta ay d amazwar (muraccaḥ) awḥid ay d-yessersen iman-nnes ɣer tselwit akken ad d-yexlef aselway anaffaɣ Mohamed Hadj Boukaroum.