ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵔⵔⴰⵣ ⴰⴳⵔⴰⵖⵍⴰⵏ ⴰⵎⴻⵇⵔⴰⵏ ⵏ ⵓⵊⴻⵡⵡⴻⴷ ⵏ ⵍⴻⵇⵔⴰⵏ: ⴷ ⵜⵜⵉⵄⴰⴷ ⵏ ⵜⴻⵎⵍⵉⵍⵉⵜ ⵏ ⵢⵉⵎⴰⵙⵙⴰⵏⴻⵏ ⵙⴻⴳ ⵡⴰⵛⵃⴰⵍ ⵏ ⵜⵎⵓⵔⴰ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⴰⵟⴰⵙ ⵏ ⵢⵉⵎⴰⵙⵙⴰⵏⴻⵏ ⵏ ⴷⴷⵉⵏ ⵙⴻⴳ ⵜⵎⵓⵔⴰ ⵢⴻⵎⴳⴻⵔⵔⴰⴷⴻⵏ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵥⵔⵉⴳⵜ ⵜⵉⵙ 13 ⵏ ⵡⴰⵔⵔⴰⵣ ⴰⴳⵔⴰⵖⵍⴰⵏ ⴰⵎⴻⵇⵔⴰⵏ ⵏ ⵓⵊⴻⵡⵡⴻⴷ, ⴰⵀⴻⵍⵍⴻⵍ ⴷ ⵓⴼⴻⵚⵚⴻⵔ ⵏ ⵍⴻⵇⵔⴰⵏ ⴰⵔⴰ ⵢⴻⴱⴷⵓⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
ⴰⵔⵔⴰⵣ-ⴰ ⵢⴻⵙⵙⵓⴷⴷⵓⵙ-ⵉⵜ ⵢⴰⵍ ⴰⵙⴻⴳⴳⴰⵙ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ, ⵢⴻⵔⵏⵓ ⴰⴷ ⵢⵉⵍⵉ ⴷ ⵜⴰⴷⵢⴰⵏⵜ ⴰⵢⴷⴻⴳ ⴰⵔⴰ ⴷ-ⵎⵍⵉⵍⵉⴻⵏ ⴰⵟⴰⵙ ⵏ ⵢⵉⵎⴰⵙⵙⴰⵏⴻⵏ ⴷ ⵢⵉⵎⴰⵣⵣⴰⴳⴻⵏ (ⵎⵓⵅⵜⴰⵚⵚⵉⵏ) ⴷⴻⴳ ⵜⵓⵙⵙⵏⵉⵡⵉⵏ ⵏ ⴷⴷⵉⵏ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵉⵍⵉⵏ, ⴷⴻⴳ-ⵙ, ⵢⴻⵎⵙⵉⵣⴻⵡⵔⴻⵏ (ⵎⵓⵙⴰⴱⴰⵇⴰⵜ) ⵢⴻⵎⴳⴻⵔⵔⴰⴷⴻⵏ. 3 ⵏ ⵢⴻⵎⵜⵜⴻⴽⴽⵉⵢⴻⵏ ⵉⵎⴻⵣⵡⵓⵔⴰ ⴰⵔⴰ ⴷ-ⵢⴻⴼⵔⵓⵔⵉⵏ ⵙⴻⴳ ⵢⴻⵎⵙⵉⵣⴻⵡⵔⴻⵏ-ⴰ ⴰⴷ ⴰⵙⴻⵏ-ⵜⵜⵓⵏⴻⴼⴽⴻⵏ ⵡⴰⵔⵔⴰⵣⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵡⴻⵀⵀⵉ ⴷ ⵓⵙⵙⴻⵍⵎⴻⴷ ⵏ ⵍⴻⵇⵔⴰⵏ, ⴽⵀⴰⵍⴻⴷ ⵢⵧⵓⵏⵙⵉ, ⴷⴻⴳ ⵢⵉⵊⵉⴼⴻⵕ ⵏ ⵜⵓⵣⵣⵢⴰ ⵏ ⵜⴻⵔⴽⴻⴼⵜ ⵏ ⵜⴻⵎⵙⴻⵜⵍⴻⵍⵜ ⴰⵢ ⵉⵇⴻⵍⵄⴻⵏ ⵙⴻⴳ ⵡⴻⵅⵅⴰⵎ ⵏ ⵍⵉⵎⴰⵎ (ⵎⵓⵃⴻⵎⵎⴰⴷⴻⵢⵢⴰ) ⵖⴻⵔ ⵢⴻⵙⴱⵉⵟⴰⵔⴻⵏ ⵏ ⵎⵓⵙⵜⴰⵒⵀⴰ-ⵒⴰⵛⵀⴰ ⴷ ⵣⴻⵎⵉⵔⵍⵉ.
ⴰⵔⵔⴰⵣ-ⴰ ⵢⴻⴱⴷⴰ-ⴷ ⴷⴻⴳ 2003, ⵢⴻⵔⵏⵓ ⴰⵙⴻⵇⵇⴰⵎⵓ-ⵏⵏⴻⵙ ⵏ ⵡⴻⵙⵏⴻⴼⵔⵓ (ⵜⴰⵃⴽⵉⵎ) ⵜⵜⴻⴽⴽⴰⵏ ⴷⴻⴳ-ⵙ ⵢⵉⵎⴰⵣⵣⴰⴳⴻⵏ ⵙⴻⴳ ⵍⴻⵣⵣⴰⵢⴻⵔ ⴷ ⵜⵎⵓⵔⴰ ⵜⵉⵏⵙⴻⵍⵎⵉⵏ ⵏⵉⴹⴻⵏ ⵙ ⵓⵇⴰⴷⴻⵔ ⵏ ⵢⵉⵡⴻⵜ ⵏ ⵜⴰⵏⴰⴹⵜ (ⵎⴰⵔⵙⵓⵎ) ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.
ⵢⴻⵏⵏⴰ-ⴷ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴷⴰⴽⴽⴻⵏ 10 ⵏ ⵡⵓⵙⵙⴰⵏ ⵉⵏⴻⴳⴳⵓⵔⴰ ⵏ ⵔⴻⵎⴹⴰⵏ ⴰⴷ ⴷ-ⵉⵍⵉⵏ ⵉ ⵓⵅⴻⴷⴷⵉⵎ ⵓⵇⵔⵉⴱ ⵖⴻⵔ ⵢⵉⴷⵉⵙ ⵏ ⵎⴻⴷⴷⴻⵏ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵓⵙⵙⵓⴷⴷⴻⵙ ⵏ ⵜⴻⵔⴽⴻⴼⵜ (ⵇⴰⴼⵉⵍⴰà ⵏ ⵜⵎⵓⵙⵙⵏⵉ ⴷ ⵍⵉⵎⴰⵏ ⴰⵢⴷⴻⴳ ⴰⵔⴰ ⴷ-ⵉⵍⵉⵏ ⴰⵟⴰⵙ ⵏ ⵢⵉⵙⴰⵔⴰⴳⴻⵏ.
