Asebter amenzawi

Arraz agraɣlan ameqran n ujewwed n Leqran: d ttiɛad n temlilit n yimassanen seg wacḥal n tmura

LEZZAYER TAMANEɣT– Aṭas n yimassanen n ddin seg tmura yemgerraden ara yettekkin deg Teẓrigt tis 13 n Warraz Agraɣlan Ameqran n Ujewwed, Ahellel d Ufeṣṣer n Leqran ara yebdun ass n lḥedd deg Lezzayer Tamaneɣt.

Arraz-a yessuddus-it yal aseggas weɣlif n tɣawsiwin n ddin, yernu ad yili d tadyant aydeg ara d-mlilien aṭas n yimassanen d yimazzagen (muxtaṣṣin) deg tussniwin n ddin, am wakken ara d-ilin, deg-s, yemsizewren (musabaqat) yemgerraden. 3 n yemttekkiyen imezwura ara d-yefrurin seg yemsizewren-a ad asen-ttunefken warrazen, ɣef wakken ay aɣ-d-yenna unemhal n wehhi d usselmed n Leqran, Khaled Younsi, deg yijifeṛ n tuzzya n terkeft n temsetlelt ay iqelɛen seg Wexxam n Limam (Muḥemmadeyya) ɣer yesbiṭaren n Mustapha-Pacha d Zemirli.

Arraz-a yebda-d deg 2003, yernu aseqqamu-nnes n wesnefru (taḥkim) ttekkan deg-s yimazzagen seg Lezzayer d tmura tinselmin niḍen s uqader n yiwet n tanaḍt (marsum) n uselway n tegduda.

Yenna-d umasay-a (mas’ul) dakken 10 n wussan ineggura n Remḍan ad d-ilin i uxeddim uqrib ɣer yidis n medden, yernu yenna-d dakken ad d-yili waya s ussuddes n Terkeft (qafilaà n tmussni d liman aydeg ara d-ilin aṭas n yisaragen.