ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵛⵉⵔⴹⴰⵔⵜ/ⵛⴰ ⵜⴰⴱⴰⵜⴻⵏⵜ: ⵙⵏⴰⵜ ⵏ ⵜⴰⵏⵏⴰⵏⵉⵏ ⵏ ⵓⵙⵙⴻⵡⵊⴻⴷ ⴷⴻⴳ ⵜⴱⴰⵜⴻⵏⵜ ⴷ ⵜⵓⵏⴻⵙ
ⵜⴰⴱⴰⵜⴻⵏⵜ– ⵜⴰⵖⵍⴰⵎⵜ ⵏ ⵛⴰ ⵜⴰⴱⴰⵜⴻⵏⵜ ⴰⵢ ⴷ-ⵢⵓⵍⵉⵏ ⵖⴻⵔ ⵜⴻⵎⵖⵓⵏⵜ 1ⵓⵜ ⵏ ⵜⵛⵉⵔⴹⴰⵔⵜ, ⴰⴷ ⵜⴻⴳ ⵙⵏⴰⵜ ⵏ ⵜⴰⵏⵏⴰⵏⵉⵏ (ⵜⴰⵙⴰⴱⴱⵓⵚⴰⵜ) ⴷⴻⴳ ⵜⴱⴰⵜⴻⵏⵜ ⴷ ⵜⵓⵏⴻⵙ ⴰⴽⴽⴻⵏ ⴰⴷ ⵜⴻⵙⵙⴻⵡⵊⴻⴷ ⵉⵎⴰⵏ-ⵏⵏⴻⵙ ⵉ ⵜⵙⴻⵎⵀⵓⵢⵜ (ⵎⴰⵡⵙⵉⵎ) ⵏ 2016-2017, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⴻⵎⴹⴻⴱⴱⵔⴻⵏ ⵏ ⵜⴻⵖⵍⴰⵎⵜ-ⴰ ⴰⵙⵙ ⵏ ⵍⴻⵅⵎⵉⵙ.
ⵜⴰⵏⵏⴰⵏⵜ ⵜⴰⵎⴻⵣⵡⴰⵔⵓⵜ ⴰⴷ ⴷ-ⵜⵉⵍⵉ ⵙⴻⴳ ⵡⴰⵙⵙ ⵏ 27 ⵢⵓⵏⵢⵓ ⴷ ⴰⵙⴰⵡⴻⵏ, ⴰⴷ ⵜⴻⴱⴷⵓ ⴷⴻⴳ ⵓⵙⴰⵔⵉⵔ (ⵎⴰⵍⵄⴰⴱ) ⵏ ⵎⵧⵙⵜⴰⴼⴰ-ⵙⴻⴼⵧⵓⵀⵉ ⵢⴻⵔⵏⵓ ⵉⵙⵍⴻⵖⵎⵓⵢⴻⵏ-ⵏⵏⴻⵙ (ⵜⴰⴷⵔⵉⴱⴰⵜ) ⴰⴷ ⴷ-ⵜⵜⵉⵍⵉⵏ ⵢⴰⵍ ⴰⵙⵙ ⴷⴻⴳ ⵢⵉⴹ ⴰⵔⵎⴰ ⴷ ⴰⵙⵎⵉ ⴰⵔⴰ ⵉⴼⴰⴽ ⵡⴰⵢⵢⵓⵔ ⵏ ⵔⴻⵎⴹⴰⵏ. ⴰⵃⵔⵉⵛ ⵡⵉⵙ ⵙⵉⵏ ⵏ ⵜⴰⵏⵏⴰⵏⵜ-ⴰ ⴰⴷ ⴷ-ⵢⵉⵍⵉ ⴷⴻⴼⴼⵉⵔ ⵍⵄⵉⴷ ⵜⴰⵎⴻⵥⵢⴰⵏⵜ ⴷⴻⴳ ⵓⵖⴻⵔⴱⴰⵣ ⴰⵖⴻⵍⵏⴰⵡ ⵏ ⵡⴰⴷⴷⴰⵍⴻⵏ ⵓⵍⵉⵎⵒⵉⵢⴻⵏ ⵏ ⵍⴱⴰⵣ ⴷⴻⴳ ⵙⴹⵉⴼ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ ⵢⴻⵎⴹⴻⴱⴱⵔⴻⵏ ⵏ ⵜⴻⵖⵍⴰⵎⵜ.
ⵙⴰⴽⴽⵉⵏ, ⴰⵙⵙ ⵏ 27 ⵢⵓⵍⵢⵓ, ⴰⴷ ⵜⴻⴷⴷⵓ ⵜⴻⵖⵍⴰⵎⵜ-ⴰ ⵖⴻⵔ ⵡⴰⵎⵎⴰⵙ ⵏ ⴻⵍ-ⵎⵧⵓⵔⴰⴷⵉ, ⴷⴻⴳ ⵃⴻⵎⵎⴰⵎ ⴱⵧⵓⵔⴳⵓⵉⴱⴰ, ⵙⴷⴰⵜ ⵜⴻⵎⴷⵉⵏⵜ ⵏ ⵜⴱⴻⵕⴽⴰ (ⴷⴻⴳ ⵜⵓⵏⴻⵙ) ⴰⴽⴽⴻⵏ ⴰⴷ ⵜⴻⴳ ⵜⴰⵏⵏⴰⵏⵜ-ⵏⵏⴻⵙ ⵜⵉⵙ ⵙⵏⴰⵜ ⴰⵔⴰ ⵢⴻⴹⴹⴼⴻⵏ ⴰⵣⴰⵍ ⵏ 10 ⵏ ⵡⵓⵙⵙⴰⵏ.
ⵢⴻⵜⵜⵡⴰⴼⵔⴻⵏ ⵡⴻⵎⴽⴰⵏ-ⴰ ⴰⵛⴽⵓ ⵢⴻⵙⵄⴰ ⴽⵔⴰ ⵏ ⵍⴼⴰⵢⴷⴰⵜ ⵉⵎⵉ ⴷⵉⵏ, ⵜⴰⵖⵍⴰⵎⵜ-ⴰ ⵜⴻⵣⵎⴻⵔ ⴰⴷ ⵜⴰⴼ ⵉⵛⵔⵉⴽⴻⵏ ⵡⵓⴽⵓⴷ ⴰⵔⴰ ⵜⵓⵔⴰⵔ ⵓⵔⴰⵔ ⵏ ⵡⴻⵙⵍⴻⵖⵎⵓ ⵢⴻⵔⵏⵓ ⴷ ⴰⵢⴰ ⴰⵔⴰ ⵢⴻⴵⴵⴻⵏ ⵉⵎⴰⵔⵉⵔⴻⵏ ⵏ ⵛⴰ ⵜⴰⴱⴰⵜⴻⵏⵜ ⴰⴷ ⵜⴻⴱⴷⵓ ⵜⴰⵙⴻⵎⵀⵓⵢⵜ ⴰⵢ ⴷ-ⵢⴻⵜⵜⴻⴷⴷⵓⵏ ⴰⴽⴽⴻⵏ ⵢⴻⵍⵀⴰ.
ⵖⴻⴼ ⵍⴻⵃⵙⴰⴱ ⵏ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵜⴻⵖⵍⴰⵎⵜ-ⴰ, ⴰⵎⵎⴰⵙ-ⴰ ⴰⵜⵓⵏⵙⵉ ⵢⴻⵙⵄⴰ ⵜⵜⴰⵡⵉⵍⴰⵜ ⵢⴻⵍⵀⴰⵏ ⵉ ⵓⵙⵙⴻⵡⵊⴻⴷ, ⴳⴰⵔ-ⴰⵙⴻⵏⵜ ⵜⴰⵏⴻⵔⴷⴰⴱⵜ (ⵎⴰⵙⴱⴰⵃ) ⵜⴰⵥⵖⴰⵍⴰⵏⵜ, ⴰⵏⵔⴰⵔ ⵏ ⵜⵛⵉⵔⴹⴰⵔⵜ ⵙ ⵜⴻⴷⵅⴻⵏⵜ, ⵉⵏⵓⵔⴰⵔ ⵏ ⵓⵜⵉⵏⵉⵙ ⴷ ⵡⴻⵎⵏⴻⵏⵏⵉⴹ ⵏ ⵜⴰⵣⵣⵍⴰ ⴷⴻⴳ ⵡⴻⴷⵔⴰⵔ ⵢⴻⵍⵍⴰⵏ ⴷ ⴰⵎⴽⴰⵏ ⵢⴻⵍⵀⴰⵏ ⴰⴽⴽⴻⵏ ⴰⴷ ⵏⴻⴼⴼⵙⴻⵏ ⴷⴻⴳ-ⵙ ⵢⵉⵏⴰⴷⴷⴰⵍⴻⵏ.
