ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵎⴰⵙⴻⵏ ⵏ ⵢⵉⵎⵓⵔⴰⵙ: ⴰⴱⴷⴰⴷ ⵢⴻⵍⵀⴰⵏ ⵉ ⵢⵉⴳⴻⵔⴷⴰⵏ (ⴰⵏⴻⵖⵍⴰⴼ)

ⵄⵉⵏ ⵜⵉⵎⵓⵛⴻⵏⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ ⵀⴰⴷⵉ ⵧⵓⵍⴷ ⴰⵍⵉ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵄⵉⵏ ⵜⵉⵎⵓⵛⴻⵏⵜ, ⴷⴰⴽⴽⴻⵏ ⵉⵎⵓⵔⴰⵙ ⵏ ⵢⵉⴳⴻⵔⴷⴰⵏ ⴷⴻⴳ ⵡⴰⵎⵎⴰⵙⴻⵏ ⵏ ⵢⵉⵎⵓⵔⴰⵙ ⵍⴰ ⴷ-ⵜⵜⵉⵍⵉⵏ « ⴷⴻⴳ ⵜⴻⴳⵏⴰⵜⵉⵏ ⵉⴳⴻⵔⵔⵣⴻⵏ ».

« ⴰⵎⵎⴰⵙⴻⵏ ⵏ ⵢⵉⵎⵓⵔⴰⵙ ⴷ ⵓⵣⴰⵍⴰ (ⵜⴰⵙⵍⵉⵢⴰ) ⴱⴷⴰⵏ ⴰⵅⴻⴷⴷⵉⵎ ⴷⴻⴳ ⵜⴻⴳⵏⴰⵜⵉⵏ ⵉⴳⴻⵔⵔⵣⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ ⴷⴻⴼⴼⵉⵔ ⵎⴰ ⵢⴻⵔⵣⴰ ⵖⴻⴼ ⵡⴰⵎⵎⴰⵙ ⵏ ⵢⵉⵎⵓⵔⴰⵙ ⵏ ⵜⴻⴷⵡⴰⵏⵜ « ⴱⴻⵔⵔⴰⵀⵧⵓ-ⴱⵧⵓⵏⵧⵓⴰⵔ » ⴰⵢ ⴷ-ⵢⵓⵙⴰⵏ ⴷⴻⴳ ⵜⵖⵉⵡⴰⵏⵜ ⵏ ⵜⴻⵔⴳⴰ (ⵖⴻⴼ ⵢⵉⵔⵉ ⵏ ⵢⵉⵍⴻⵍ), ⴷⴻⴳ ⵜⴷⴰⵢⵕⴰ ⵏ ⵍⵎⴰⵍⴻⵃ.

« ⵜⴰⵏⴻⵣⴷⵓⵖⵜ, ⴰⵙⵙⴻⵞⵞⵉ, ⵜⴻⵣⴷⴻⴳ ⴷ ⵜⵖⴻⵍⵍⵉⵙⵜ ⴰⴽⴽ ⵍⵀⴰⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵍⵀⴰ ⴷⴰⵖ ⵡⴰⵀⵉⵍ ⵏ ⵓⵙⵙⴻⴽⴼⴻⴹ (ⵜⴰⵏⵛⵉⵟ) ⴰⵙⵏⴻⵙⴻⴳⵎⴰⵏ ⴷ ⵡⴰⴷⴷⴰⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵧⵓⵍⴷ ⴰⵍⵉ, ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ « ⵄⴻⵊⴱⴻⵏⵜ-ⵜ ⵜⴻⴳⵏⴰⵜⵉⵏ-ⴰ ⵏ ⵡⴻⵜⵀⴻⵍⵍⵉ ».

ⵢⴻⵄⵊⴻⴱ-ⴰⵙ ⴷⴰⵖ ⵉ ⵓⵏⴻⵖⵍⴰⴼ ⵡⴻⵎⵄⴰⵡⴻⵏ ⴳⴰⵔ ⵢⴻⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⵢⴻⵔⵏⵓ ⴷ ⴰⵢⴰ ⴰⵢ ⵢⴻⵙⵔⴻⴱⵃⴻⵏ ⴰⵀⵉⵍ ⴰⵙⴻⴳⴳⴰⵙⴰⵏ ⴰⵢ ⴷ-ⵢⴻⵙⵙⵓⴷⴷⴻⵙ ⵡⴻⵖⵍⵉⴼ-ⵏⵏⴻⵙ ⵉ ⵍⴼⴰⵢⴷⴰ ⵏ ⵢⵉⴳⴻⵔⴷⴰⵏ ⵏ ⵜⵡⵉⵍⴰⵢⵉⵏ ⵏ ⵡⴻⵏⵥⵓⵍ (ⴵⴰⵏⵓⴱ) ⵏ ⵢⴻⴳⵏⴰⵏ ⵓⵏⵏⵉⴳⴻⵏ.

ⴰⵎⵎⴰⵙ ⵏ ⵢⵉⵎⵓⵔⴰⵙ ⵏ ⵜⴻⵔⴳⴰ ⵢⴻⵎⵎⵓⴳⴻⵔ 200 ⵏ ⵢⵉⴳⴻⵔⴷⴰⵏ ⴰⵢ ⴷ-ⵢⵓⵙⴰⵏ ⵙⴻⴳ ⵜⵡⵉⵍⴰⵢⵜ ⵏ ⵙⵙⵄⵉⴷⴰ, ⵢⴻⵔⵏⵓ ⵜⴰ ⴷ ⵜⴰⴷⵡⵉⵍⵜ ⵜⴰⵎⴻⵣⵡⴰⵔⵓⵜ ⵏ ⵓⵎⵎⴰⴳⴻⵔ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴳⴰⵔ 18 ⵢⵓⵏⵢⵓ ⴷ 2 ⵢⵓⵍⵢⵓ. ⵙ ⵓⵊⴻⵎⵎⴰⵍ, ⴰⴷ ⵢⴻⵎⵎⴰⴳⴻⵔ ⵡⴰⵎⵎⴰⵙ-ⴰ 1000 ⵏ ⵢⵉⴳⴻⵔⴷⴰⵏ ⴷⴻⴳ 5 ⵏ ⵜⴻⴷⵡⵉⵍⵉⵏ.

ⴷⴻⴳ ⵜⵎⵓⵔⵜ ⵙ ⵓⵎⴰⵜⴰ, 38.000 ⵏ ⵢⵉⴳⴻⵔⴷⴰⵏ ⴰⵔⴰ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵜⵖⵉⵎⵉⵜ ⴷⴻⴳ 25 ⵏ ⵡⴰⵎⵎⴰⵙⴻⵏ, ⵉⵣⴻⴱⵔⵉⵣⴻⵏ ⵏ ⵢⵉⵍⴻⵎⵥⵉⵢⴻⵏ ⴷ ⵢⵉⵖⴻⵔⴱⴰⵣⴻⵏ ⴰⵢ ⴷ-ⵢⵓⵙⴰⵏ ⴷⴻⴳ ⵜⵡⵉⵍⴰⵢⵉⵏ ⵏ ⵢⵉⵔⵉ ⵏ ⵢⵉⵍⴻⵍ.