Asebter amenzawi

Suq Ahṛas: assefɛel n wahil n trisiti yekkes ccwal deg wefraq n trisiti ɣef yexxamen

SUQ AHṚAS– Assefɛel n wahil n tuɛjilin n trisiti deg twilayt n Suq Ahṛas yesselha afraq n trisiti yernu yekkes ccwal n wegzam n trisiti deg kra n yimukan, ɣef wakken ay d-yenna ass n lexmis yemkellef s teɣwalt (ittiṣal) n Teṛmist (carika) n Wefraq n Trisiti d Lgaz.

Deg 2015, ugar n 45 n yiselkaten (muḥawwilin) n trisiti ay ssersen yernu sqamen-d 250 n yimelyunen n yidinaṛen. Yella-d ccɣel-a i usselhu wefraq n trisiti ɣef tɣiwanin n twilayt-a, gar-asent ula d timnaḍin ay d-yusan ɣef tlisa, ɣef wakken ay d-yenna Mohamed-Lamine Tiah.

Ttwasbegsen-d daɣ 120 n yimelyunen n yidinaṛen deg 2016 i ufaki n wahil uzzig (xaṣṣ) n ussejhed n uẓeḍḍa s ussersi n 20 n yiselkaten, ɣef wakken ay d-yenna umasay-a ay d-iwekkden dakken isseftiyen-a wwḍen ɣer wanect ay tettalas teṛmist-a d idrimen i wid ur d-ixellṣen trisiti.