Asebter amenzawi

Ɛin Ddefla: tuḍḍfa n wugar n 3 n yiṭunen n yifarisen n tuččit ixeṣren

ƐIN DDEFLA – Ttwaḍḍfen, ma ulac, 3,39 n yiṭunen n yifarisen n tuččit ixeṣren deg 6 n wussan imezwura n wayyur n Remḍan deg twilayt n Ɛin Ddefla, ɣef wakken ay aɣ-d-yenna, ass n lexmis, yiwen n umasay (mas’ul) deg tmehla n tnezzut (tiǧara) n twilayt-a.

Azal n sselɛa-a ay yettwaḍḍfen iɛedda i 701.000 n yidinaṛen, ɣef wakken ay d-yenna Redha Hadj Khelifa, yellan d amasay n tnarit (maktab) n tɣara (ǧawda) deg tmehla n tnezzut, am wakken ay d-yenna dakken ɛawnen-d medden deg ccɣel-a n yimenɣi mgal tuffɣa i lqanun deg ussenzi n yifarisen n tuččit.

Iga umeẓlu (maṣlaḥa) n yimenɣi mgal wedɣal 631 n tgermanin (tadaxxulat) deg dduṛt-nni tamezwarut n Remḍan, ɣef wakken ay d-yenna Mass Hadj Khelifa ay d-yernan dakken sselɛa-nni ay yettwaḍḍfen yella deg-s ladɣa weksum d tissitin.

84 n yeẓmaẓen imyaganen ay d-yettwaxedmen i yemsenza (tuǧǧar) ay yeffɣen i lqanun, ɣef wakken ay d-iwekked umasay-a ay d-yernan dakken gan-d yimeẓla-a daɣ 7 n yissumren i wemdal n kra n tḥuna.

Tuffɣiwin-a i lqanu d tid yerzan ladɣa tezdeg (19), assenzi n yifarisen ixeṣren (9) d uqader ur qudren kra n yemsenza ccuruḍ n wejmaɛ n tuččit (39), ɣef wakken ay d-yenna.