Asebter amenzawi

Tiɣri i wemɛawen i uheyyi n tgertilt tamerrayant n Lezzayer

LEZZAYER TAMANEɣT– Gren-d kra n yimazzayen (xubara’) idzayriyen tiɣri, ass n ssebt, i wemɛawen gar yisaduranen (muḥtarifin) d teṛmisin tinagdudin i uheyyi n tgertilt tamerrayant ara inefɛen Lezzayer ama deg weswir aɣelnaw, ama deg weswir agraɣlan.

Deg yiwen n wenmager ay d-tga Tiddukla Taɣelnawt n Yineɣmasen Yemmuzzgen deg tmerrit (siyaḥa) deg Leqṣer n Ṛṛeyyas (Lezzayer Tamaneɣt) i lmend n ubeddu n tsemhuyt (mawsim) n yimuras n unebdu n 2916, ɛerḍen yemttekkiyen ad d-fken tiririyin ɣef wayen ay ḥemmlen yiwerdaniyen ad rzun fell-as deg Lezzayer.

Yenna-d umaru amatu n Tfidiṛalit Taɣelnawt n Tiddukliwin n Tneggiwin n Tmerrit d Ussikel, Nadjah Boujeloua dakken llan yiɛewwiqen d imeqranen deg uheyyi n tsenta titwilanin n tmerrit deg Lezzayer, yernu yenna-d dakken ssebba n waya d lqella n weḥkam deg tesqamin (takalif) akken ad d-myezgent d ussuder (istihlak) adigan.

Yesteɛṛef daɣ dakken amɛawen gar yimeggiyen (faɛilin) n tmerrit d weɣlif n tmerrit deg 3-a n yiseggasen ineggura akken ad sqenɛen amerray adzayri ad yerzu ɣef Lezzayer deg webdil n tmura tiwerdaniyin ur yessaweḍ ɣer yeswi-nnes.

ɣef leḥsab-nnes, amur ameqran seg wid ay yettaɣen itikiyen n ussikel seg yixeddamen.

Ma d Sahnoune Othmane, d amazzay deg tmerrit, yenna-d dakken Lezzayer tesɛa « tamuɣli d tuḥṛist deg wayen yerzan tamerrit », yernu teqqen kan ɣer ummager yelhan, maca ur tettwali ɣer teɣbula (mawarid) ay izemren ad sselhun aswir agraɣlan n Lezzayer deg tmerrit.