ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

10.000 ⵏ ⵜⵔⴰⵎ ⵢⴻⵃⵎⴰⵏ ⴷ 40.000 ⵏ ⵢⵉⵙⴻⵍⵙⴰ ⵉ ⵢⵉⴳⵓⵊⵉⵍⴻⵏ ⵉ ⵍⵎⴻⵏⴷ ⵏ ⵍⵄⵉⴷ ⵜⴰⵎⴻⵥⵢⴰⵏⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– 40.000 ⵏ ⵢⵉⵙⴻⵍⵙⴰ ⴰⵔⴰ ⵢⴻⵜⵜⵡⴰⴼⴻⵔⵇⴻⵏ ⵉ ⵍⵎⴻⵏⴷ ⵏ ⵍⵄⵉⴷ ⵜⴰⵎⴻⵥⵢⴰⵏⵜ ⵉ ⵢⵉⴳⵓⵊⵉⵍⴻⵏ, ⴰⵎ ⵡⴰⴽⴽⴻⵏ ⴰⵔⴰ ⵜⵜⵡⴰⵏⵉⵡⵍⴻⵏⵜ 10.000 ⵏ ⵜⵔⴰⵎ ⵢⴻⵃⵎⴰⵏ ⴷⴻⴳ ⵔⴻⵎⴹⴰⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ ⵜⴰⵡⴻⵍⵅⵉⵔⵜ ⵏ « ⴷⵣⴰⵉⵔ ⵍⴽⵀⵉⵔ », ⴱⴻⵍⴰⴽⵀⴷⴰⵔ ⴰⵉⵙⵙⴰ.

ⵢⴻⵏⵏⴰ-ⴷ ⵎⴰⵙⵙ ⴱⴻⵍⴰⴽⵀⴷⴰⵔ, ⴷⴻⴳ ⵢⵉⵊⵉⴼⴻⵕ ⵏ ⵜⴼⵓⴳⵍⴰ (ⵃⴰⴼⵍ) ⵏ ⵡⴻⴼⵔⴰⵇ ⵏ 300 ⵏ ⵢⵉⵙⴻⵍⵙⴰ ⵉ ⵢⵉⴳⵓⵊⵉⵍⴻⵏ ⵉ ⵍⵎⴻⵏⴷ ⵏ ⵍⵄⵉⴷ, ⴰⵙⵙ ⵏ ⵍⵊⴻⵎⵄⴰ ⵜⴰⵎⴻⴷⴷⵉⵜ ⴷⴻⴳ ⵜⵣⴻⵇⵇⴰ ⵏ ⴱⴰⴱ ⵣⵣⴻⵡⵡⴰⵕ (ⴰⴳⵎⵓⴹ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ), ⴷⴰⴽⴽⴻⵏ ⴰⴼⵔⴰⵇ-ⴰ ⴰⴷ ⴷ-ⵢⵉⵍⵉ ⵛⵡⵉⵟ, ⵛⵡⵉⵟ ⴰⵔⵎⴰ ⴷ ⴰⵙⵙ ⵏ ⵍⵄⵉⴷ ⵜⴰⵎⴻⵇⵔⴰⵏⵜ, ⵢⴻⵔⵏⵓ ⴷ ⵉⴳⵉⵎⴰⵏ (ⴰⵍⴰⴼ) ⵏ ⵢⵉⴳⵓⵊⵉⵍⴻⵏ ⴰⵔⴰ ⴷ-ⵉⵃⴰⵣ ⵡⴰⵢⴰ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ.

ⵢⴻⵏⵏⴰ-ⴷ ⴷⴰⴽⴽⴻⵏ ⴰⵣⵡⵓⵔ-ⴰ (ⵎⵓⴱⴰⴷⴰⵔⴰ) ⵓⵔ ⵢⴻⵔⵣⵉ ⴽⴰⵏ ⵜⴰⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ, ⵎⴰⵛⴰ ⴰⴷ ⴷ-ⵉⵃⴰⵣ 6 ⵏ ⵜⵡⵉⵍⴰⵢⵉⵏ, ⵢⴻⵔⵏⵓ ⵉⵙⵡⵉ ⵏ ⵛⵛⵖⴻⵍ-ⴰ ⴷ ⴰⵙⵙⴻⵊⵀⴻⴷ ⵏ « ⵡⴰⵙⵙⴰⵖⴻⵏ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⴷ ⵓⵄⴰⵡⴻⵏ ⴰⵢ ⴷ-ⵢⴻⵜⵜⴻⴽⴽⴻⵏ ⵙⴻⴳ ⵜⵉⴷⴷⵓⴽⴽⵍⵉⵡⵉⵏ » ⵉ ⵢⵉⴳⵓⵊⵉⵍⴻⵏ.

ⵜⵉⵡⵉⵍⴰⵢⵉⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ, ⵎⴻⵏⵖⵉⵔ ⵍⴷⵣⴰⵢⴻⵔ, ⴷ ⵍⴱⴻⵢⵢⴻⴹ, ⴵⴻⵍⴼⴰ, ⴱⵓⵎⴻⵔⴷⴰⵙ, ⵍⴱⵓⵕⵊ ⴱⵓⵄⵕⵉⵕⵉⵊ ⴷ ⵜⵉⵒⴰⵣⴰ.

ⵢⴻⵏⵏⴰ-ⴷ ⴷⴰⵖ ⵎⴰⵙⵙ ⴰⵉⵙⵙⴰ ⴱⴻⵍⴰⴽⵀⴷⴰⵔ ⴷⴰⴽⴽⴻⵏ ⴰⵚⴻⴷⴷⴻⵇ ⵏ ⵢⵉⵛⴻⴹⴹⵉⴹⴻⵏ ⵏ ⵍⵄⵉⴷ ⵢⴻⵔⵣⴰ, ⵏⴰⵇⴰⵍ, 10 ⵏ ⵜⵡⵉⵍⴰⵢⵉⵏ, ⵢⴻⵔⵏⵓ ⵢⴰⵍ ⵍⵎⴻⵖⵔⴻⴱ, ⴳⴰⵔ 300 ⴷ 500 ⵏ ⵢⵉⵙⴻⵍⵙⴰ ⴰⵢ ⵍⴰ ⵢⴻⵜⵜⵡⴰⴼⵔⴰⵇⴻⵏ ⵖⴻⴼ ⵢⵉⴳⵓⵊⵉⵍⴻⵏ.