Asebter amenzawi

10.000 n tram yeḥman d 40.000 n yiselsa i yigujilen i lmend n lɛid tameẓyant

LEZZAYER TAMANEɣT– 40.000 n yiselsa ara yettwaferqen i lmend n lɛid tameẓyant i yigujilen, am wakken ara ttwaniwlent 10.000 n tram yeḥman deg Remḍan deg wakk timnaḍin n tmurt, ɣef wakken ay aɣ-d-yenna uselway n tiddukla tawelxirt n « Dzair Lkhir », Belakhdar Aissa.

Yenna-d Mass Belakhdar, deg yijifeṛ n tfugla (ḥafl) n wefraq n 300 n yiselsa i yigujilen i lmend n lɛid, ass n ljemɛa tameddit deg tzeqqa n Bab Zzewwaṛ (agmuḍ n Lezzayer Tamaneɣt), dakken afraq-a ad d-yili cwiṭ, cwiṭ arma d ass n lɛid tameqrant, yernu d igiman (alaf) n yigujilen ara d-iḥaz waya deg wakk timnaḍin n tmurt.

Yenna-d dakken azwur-a (mubadara) ur yerzi kan tawilayt n Lezzayer, maca ad d-iḥaz 6 n twilayin, yernu iswi n ccɣel-a d assejhed n « wassaɣen n temsetlelt (taḍamun) d uɛawen ay d-yettekken seg tiddukkliwin » i yigujilen.

Tiwilayin ay terza temsalt, menɣir Ldzayer, d Lbeyyeḍ, Ǧelfa, Bumerdas, Lbuṛj Buɛṛiṛij d Tipaza.

Yenna-d daɣ Mass Aissa Belakhdar dakken aṣeddeq n yiceḍḍiḍen n lɛid yerza, naqal, 10 n twilayin, yernu yal lmeɣreb, gar 300 d 500 n yiselsa ay la yettwafraqen ɣef yigujilen.