ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵖⵔⵉ ⵏ ⵜⵉⴷⴷⵓⴽⵍⵉⵡⵉⵏ ⵉ ⵓⵙⵙⴻⴱⴷⴻⴷ ⵏ ⵜⴻⵔⵏⵉ ⵉ ⵢⵉⵎⴻⵏⵖⵉ ⵎⴳⴰⵍ ⵜⴻⵀⵢⵓⴼⵉⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⴳⵔⴻⵏ-ⴷ ⵜⵉⵖⵔⵉ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵡⴰⵛⵃⴰⵍ ⵏ ⵜⵉⴷⴷⵓⴽⵍⵉⵡⵉⵏ, ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵉ ⵓⵙⵙⴻⴱⴷⴻⴷ ⵏ ⵜⴻⵔⵏⵉ ⵉ ⵢⵉⵎⴻⵏⵖⵉ ⵎⴳⴰⵍ ⵏ ⵜⴻⵀⵢⵓⴼⵉⵏ ⴷⴻⴳ ⵍⴻⵣⵣⴰⵢⴻⵔ ⴷ ⵡⴻⵎⵄⴰⵡⴻⵏ ⴷ ⵓⵙⵙⵓⴳⴳⴻⵜ ⵏ ⵍⴻⵛⵖⴰⵍ ⵏ ⵓⵃⴻⵣⵣⴻⴱ, ⵍⴰⴷⵖⴰ ⴳⴰⵔ ⵢⵉⵍⴻⵎⵥⵉⵢⴻⵏ.
ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵓⵥⴻⴹⴹⴰ ⴰⴷⵣⴰⵢⵔⵉ ⵏ ⵓⵃⵓⴷⴷⵓ ⵏ ⵢⵉⵣⴻⵔⴼⴰⵏ ⵏ ⵡⴻⴳⵔⵓⴷ (ⵏⴰⴷⴰ), ⴰⴱⴷⴻⵔⵀⵎⴰⵏⴻ ⴰⵔⴰⵔ, ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⴻⵜⵜⵡⴰⵙⵙⴻⴱⴷⴻⴷ « ⵢⴻⵃⴷⴻⵔ » ⴷ « ⵜⴻⵎⵙⵉⵙⵉⵜ » (ⵃⵉⵍⴼ) ⵏ ⵜⵉⴷⴷⵓⴽⵍⵉⵡⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵡⴻⵏⵔⴰⵔ ⵏ ⵓⵃⴻⵣⵣⴻⴱ ⵎⴳⴰⵍ ⵓⵅⴻⵚⵚⴰⵔ-ⴰ ⵏ ⵜⴻⵀⵢⵓⴼⵉⵏ.
ⵉⴳⴻⵔ-ⴷ ⵜⵉⵖⵔⵉ, ⵉ ⵍⵎⴻⵏⴷ ⵏ ⵡⴰⵢⴰ, ⵉ ⵢⵉⵎⴻⴳⴳⵉⵢⴻⵏ (ⴼⴰⵄⵉⵍⵉⵏ) ⵢⴻⵎⴳⴻⵔⵔⴰⴷⴻⵏ ⵏ ⵜⵎⴻⵜⵜⵉⵜ ⵜⴰⵖⴰⵔⵉⵎⵜ (ⵎⴰⴷⴰⵏⵉⵢⵢⴰ) ⴰⴽⴽⴻⵏ ⴰⴷ ⵙⵙⵓⴳⴳⵜⴻⵏ ⵓⵙⵙⵉⵙⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵃⴻⵣⵣⴻⴱ.
ⵢⴻⵙⵙⵓⵎⴻⵔ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵙⵙⴻⵊⵀⴻⴷ ⵏ ⵜⵉⴳⴰⵡⵜ ⵏ ⵜⵉⴷⴷⵓⴽⵍⵉⵡⵉⵏ ⵙ ⴽⵔⴰ ⵏ ⵍⴻⵇⵡⴰⵏⵉⵏ ⴰⵔⴰ ⵜⴻⵏⵜ-ⵢⴻⴵⴵⴻⵏ ⴰⴷ ⴳⴻⵏⵜ ⵍⴻⵛⵖⴰⵍ-ⵏⵙⴻⵏⵜ ⴷⴻⴳ ⵓⵃⴻⵣⵣⴻⴱ ⴷ ⵓⵅⴻⴷⴷⵉⵎ ⵓⵇⵔⵉⴱ ⵉ ⵍⵎⴻⵏⴷ ⵏ ⵜⵓⴽⴽⵙⴰ ⵏ ⵓⵅⴻⵚⵚⴰⵔ-ⴰ ⴰⵢ ⵉⵣⴻⵎⵔⴻⵏ ⴰⴷ ⵢⴻⵙⵡⴰⵖ ⵜⵉⵡⴰⵛⵓⵍⵉⵏ.
ⵉⵡⴻⴽⴽⴻⴷ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⵜⵜⵡⴰⵙⵊⴻⵀⴷⴻⵏⵜ ⵜⴻⵎⵚⵓⴽⵉⵏ (ⵀⴰⵢⴰⴽⵉⵍ) ⵢⴻⵎⵎⵓⵣⵣⴳⴻⵏ ⴷⴻⴳ ⵡⴻⴱⴷⴰⴷ ⵉ ⵢⵉⴳⴻⵔⴷⴰⵏ ⵍⴰ ⵢⴻⵙⵙⴻⵇⴷⴰⵛⴻⵏ ⵜⵉⵀⵢⵓⴼⵉⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ « ⵓⵙⵙⴻⵄⵊⴻⵍ ⵏ ⵓⵀⴻⵢⵢⵉ ⵏ ⵓⵙⴻⵏⴼⴰⵔ ⵏ ⵓⵃⴻⵣⵣⴻⴱ ⵎⴳⴰⵍ ⵜⴻⵊⵔⵉⵎⵜ ⴷ ⵜⴻⵔⵏⴻⴳⴳⴰ (ⵉⵏⵃⵉⵔⴰⴼ) ⴰⵢⴷⴻⴳ ⴰⵔⴰ ⴷ-ⵢⴻⴷⴷⵓ ⵢⵉⴷⵉⵙ ⴰⵏⵎⴻⵜⵜⵉ ⵙ ⵓⵜⵜⴻⴽⴽⵉ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ, ⵍⴰⴷⵖⴰ ⵜⵉⴷⴷⵓⴽⵍⵉⵡⵉⵏ ⵏ ⵢⴻⴳⵎⴰⵎⴻⵏ ».
ⴷⵖⴰ ⴷⴻⴳ ⵜⴻⵎⵙⴰⵜ-ⴰ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ ⵜⴰⵖⴻⵍⵏⴰⵡⵜ ⵏ ⵡⴻⵎⴱⴰⴷⴷⴻⵍ ⴳⴰⵔ ⵢⵉⵍⴻⵎⵥⵉⵢⴻⵏ, ⴰⵍⵉ ⵙⴰⵀⴻⵍ, ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⴻⵙⵃⵓⵍⴼⵓ ⵖⴻⴼ ⵢⵉⵎⵉⵀⵉⵜⴻⵏ (ⴰⵅⵟⴰⵔ) ⵏ ⵓⵅⴻⵚⵚⴰⵔ-ⴰ ⴰⵢ ⵉⵣⴻⵎⵔⴻⵏ ⴰⴷ ⵢⴻⵙⵙⴻⴷⵔⴻⵎ ⵜⵉⵎⴻⵜⵜⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵢⵉⵎⴰⵡⵍⴰⵏ ⴷ ⵢⵉⵙⴻⴳⵔⴰⵔⴻⵏ (ⵎⵓ’ⴰⵟⵟⵉⵔⵉⵏ) ⴷⴻⴳ ⵢⵉⵖⴻⵔⴱⴰⵣⴻⵏ ⴰⴽⴽⴻⵏ ⴰⴷ ⵎⵄⴰⵡⵏⴻⵏ ⵉ ⵓⵙⵙⴰⴽⵉ ⵏ ⵢⵉⴳⴻⵔⴷⴰⵏ ⵖⴻⴼ ⵜⴻⵎⵙⴰⵍⵜ-ⴰ.
