Asebter amenzawi

Tacirfugt: NAR Lbuṛj Buɛṛiṛij d talɣuɣt n Lezzayer

LEZZAYER TAMANEɣT– D NR Lbuṛj Bouɛṛiṛij ay iɛawden terbeḥ talɣuɣa n Lezzayer n tcirfugt (irgazen) mi terna Amsegraw Addalan n Yipitṛuliyen s 3 n yeḥricen ɣer 0 (25-19, 25-17, 25-20) deg wass wis 4 yernu d aneggaru n tuzzya tis 3 n telɣuɣa taɣelnawt ay d-yellan ass n ssebt tameddit deg Ddwira (Lezzayer Tamaneɣt).

S waya, terbeḥ NR Lbuṛj Buɛṛiṛij talɣuɣa-a i tikkelt tis 4 deffir ma terbeḥ-itt yagi deg 2011, 2014 d 2015.

Deg tuzzya tis 4 n Ddwira, rebḥen Yebṛajiyen timliliyin mgal MB Bgayet (3-0), EF Ɛin Azal (3-0) d Wemsegraw Addalan n Yipitṛuliyen (3-0).

NR Lbuṛj Buɛṛiṛij ay d-irebḥen daɣ Taqbuct n Lezzayer snat n tikkal, ad turar daɣ mgal Wemsegraw Addalan n Yipitṛuliyen deg tneggarut n Teqbuct n useggas-a ass n ssebt ay d-yetteddun deg Birxadem (ɣef tis 11:00 n yiḍ).