Asebter amenzawi

Azal n 80.000 n yimesnebda ay d-yerzan ɣef teftisin n Mestɣanem

MESTɣANEM – Azal n 80.000 n yimesnebda ay d-yerzan ɣef teftisin (cawaṭi’) n twilayt n Mestɣanem seg 1u ɣer 24 Yunyu, ɣef wakken ay aɣ-d-tenna, ass n ssebt, tmehla (mudiriyya) n uḥuddu aɣarim n twilayt-a.

Rzan-d yimesnebda-a (muṣṭafin) ɣef 24 n teftisin anda ay yettwaɛemmed uɛumu, yernu 3 seg teftisin-a d timaynutin (tiftisin n Beḥḥaṛa tis 2 d tis 3 d Usagen Ameẓyan n Sidi Lexḍer).

Tiftisin n twilayt-a jebbdent-d medden ladɣa deg tgara n dduṛt. Amur ameqran seg wid ay d-irezzun fell-asent d ilemẓiyen yernu yiwet seg teftisin mechuṛen d tin n « Sablettes » n tɣiwant n Mazaɣran.

Tigermanin (tadaxxulat) n uḥuddu aɣarim ssawḍent ɣer ussukkes n 28 n yemdanen seg weɣraq, gar-asen 11 n yiɛewwamen ssukksen-ten-id deg teftist, ma d 3 n wiyaḍ wwin-ten ɣer yimukan n udawi. Ula d yiwen n uɛewwam ur yemmut deg tallit-a.

Yessebges uḥuddu aɣarim n Mestɣanem, i lmend n tsemhuyt-a n yimuras n unebdu, ugar n 400 n yimeggiyen (aɛwan), gar-asen 370 n yixeddamen isemhuyanen d 35 n yimenṭaben (ɣawwaṣin) isaduranen, am wakken ay d-iga tigget tawlalt tamaynut deg wadaf n usagen n Salamandre.

Rzan-d ɣef twilayt n Mestɣanem ugar n 10 n yimelyunen n yimesnebda deg tsemhuyt n yimuras yezrin. Deg tallit-nni daɣ, mmuten 19 n medden s weɣraq, gar-asen 13 n medden ay yellan ttɛumun deg teftisin aydeg ur yettwaɛemmed uɛumu, ma d 6 niḍen ɣerqen deg wakuden aydeg ur telli tɛessast.