ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴳⴻⵔⵔⴰⴷⴻⵏ ⵍⴻⵕⵢⵓⵢ ⵏ ⵢⵉⵎⴰⵣⴰⵏⴻⵏ ⵖⴻⴼ ⵍⵇⴰⵏⵓⵏ ⴰⵎⴰⵢⵏⵓ ⵏ ⵜⴻⴼⵔⴰⵏⵉⵏ ⴷ ⵜⵙⵓⴷⵓⵜ ⵏ ⵜⵄⴻⵙⵙⴰⵙⵜ-ⵏⵙⴻⵏⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵎⴳⴻⵔⵔⴰⴷⴻⵏ ⵍⴻⵕⵢⵓⵢ ⵏ ⵢⵉⵎⴰⵣⴰⵏⴻⵏ (ⵏⵓⵡⵡⴰⴱ) ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⴰⵙⵙ ⵏ ⵍⵃⴻⴷⴷ, ⵖⴻⴼ ⵢⵉⵙⴻⵏⴼⴰⵔⴻⵏ ⵏ ⵍⵇⴰⵏⵓⵏ ⵏ ⴰⵏⴰⴳⵔⴰⵡ ⴰⴼⵔⴰⵏⴰⵏ ⴷ ⵜⵙⵓⴷⵓⵜ ⵜⵓⵏⵏⵉⴳⵜ ⵜⵉⵎⵣⵉⵔⴻⴳⵜ ⵏ ⵜⵄⴻⵙⵙⴰⵙⵜ ⵏ ⵜⴻⴼⵔⴰⵏⵉⵏ.
ⵉⵙⴻⵏⴼⴰⵔⴻⵏ-ⴰ ⵏ ⵍⵇⴰⵏⵓⵏ ⵙⵜⴻⵕⵃⴱⴻⵏ ⵢⴻⵙ-ⵙⴻⵏ ⵢⵉⵎⴰⵣⴰⵏⴻⵏ ⵏ ⵜⴻⵔⵏⵉ ⵏ ⵡⴻⵙⵍⴻⵍⵍⵉ ⴰⵖⴻⵍⵏⴰⵡ ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ ⵍⴻⵇⵡⴰⵏⵉⵏ-ⴰ ⴰⴷ ⵙⵊⴻⵀⴷⴻⵏ ⴰⴽⴰⵍⴰ (ⵎⴰⵙⴰⵔ) ⴰⵎⴻⴳⴷⴰⵢ ⵏ ⵜⵎⵓⵔⵜ.
ⵉⵎⴰⵣⴰⵏⴻⵏ ⵏ ⵜⴻⴳⵔⴰⵡⵜ ⵜⴰⵡⴰⵎⵏⵉⵜ (ⴱⴰⵔⵍⴰⵎⴰⵏⵉⵢⵢⴰ) ⵏ ⵜⴻⵔⵏⵉ ⵏ ⵡⴻⵙⵍⴻⵍⵍⵉ ⴰⵖⴻⵍⵏⴰⵡ ⵛⴻⴽⵕⴻⵏ-ⴷ, ⵙ ⵓⵎⴰⵜⴰ, ⴰⵙⵙⴻⴱⵟⴻⵍ ⵏ ⵓⵎⴰⴳⵔⴰⴷ ⵡⵉⵙ 80 ⵢⴻⵔⵣⴰⵏ ⴰⴼⵔⴰⵏ ⵏ ⵓⵙⴻⵍⵡⴰⵢ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵏⵖⵉⵡⴰⵏ ⴷ ⵜⵓⴷⴷⵎⴰ ⵏ ⵓⵎⴰⴳⵔⴰⴷ ⵡⵉⵙ 65 ⵏ ⵍⵇⴰⵏⵓⵏ ⴰⵏⵖⵉⵡⴰⵏ ⴰⵢ ⴷ-ⵢⴻⵙⵙⴻⴼⵔⴰⵏ ⴷⴰⴽⴽⴻⵏ « ⴷ ⴰⵎⴰⵣⵡⴰⵔ (ⵎⵓⵔⴰⵛⵛⴰⵃ) ⵏ ⵢⵉⵖⴻⴼ ⵏ ⵡⵓⵎⵓⵖ ⴰⵢ ⵢⴻⵙⵄⴰⵏ ⵜⵉⴳⵜⵉ ⵏ ⵜⵓⵖⴰⵛ ⴷ ⵏⴻⵜⵜⴰ ⴰⵔⴰ ⵢⵓⵖⴰⵍⴻⵏ ⴷ ⴰⵙⴻⵍⵡⴰⵢ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵏⵖⵉⵡⴰⵏ ».
ⵜⵓⴽⴽⵙⴰ ⵏ ⵓⵎⴰⴳⵔⴰⴷ-ⴰ, ⵖⴻⴼ ⵍⴻⵃⵙⴰⴱ ⵏ ⴰⴱⴷⴻⵍⴽⴰⴷⴻⵔ ⵀⴰⴷⵊⵧⵓⴷⵊ, ⴷ ⵡⵉⵏ ⴰⵔⴰ ⵉⵃⴻⴱⵙⴻⵏ ⵍⴱⴰⵟⴻⵍ ⵢⴻⵔⵏⵓ ⴰⴷ ⵢⴻⵙⵙⴻⴼⵄⴻⵍ ⴰⵎⴻⵏⵣⴰⵢ ⵏ ⵜⴻⴼⵔⴰⵏⵉⵏ ⵜⵉⴼⵔⴰⵡⴰⵏⵉⵏ (ⵛⴰⴼⴼⴰⴼⴰ), ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵓⵙⵙⴻⵎⵖⴻⵔ ⵏ ⵜⵣⴻⵎⵎⴰⵔ ⵏ ⵡⵓⴼⵔⵉⵏⴻⵏ ⴰⴽⴽⴻⵏ ⴰⴷ ⴳⴻⵏ ⵍⴻⵛⵖⴰⵍ-ⵏⵙⴻⵏ ⴰⴽⴽⴻⵏ ⵉⵡⴰⵜⴰ.
ⵎⴰ ⴷ ⵜⴰⵎⴰⵣⴰⵏⵜ ⵏ ⵡⴻⵎⵙⴻⴳⵔⴰⵡ ⴰⵖⴻⵍⵏⴰⵡ ⴰⵎⴻⴳⴷⴰⵢ, ⴼⵧⵓⵣⵉⴰ ⵙⴰⵀⵏⵧⵓⵏⴻ, ⵜⴻⵏⵏⴰ-ⴷ ⴷⴰⴽⴽⴻⵏ ⵢⴻⵄⵊⴻⴱ-ⴰⵙ ⵡⴰⵢⴻⵏ ⴰⵢ ⴷ-ⵢⴻⴷⴷⴰⵏ ⴷⴻⴳ ⵍⴻⵇⵡⴰⵏⵉⵏ-ⴰ ⵉⵎⵉ ⴰⵢ ⵃⴻⵔⵣⴻⵏ « ⵉⵎⴻⵏⵣⴰⵢⴻⵏ ⵏ ⵜⵓⴳⴷⵓⵜ ⵢⴻⵔⵏⵓ ⵜⵜⴻⴽⴽⴰⵢⴻⵏ » ⴷⴻⴳ ⵓⵙⵙⴻⴱⴷⴻⴷ ⵏ ⵜⴻⵣⴷⴻⴳ ⴷⴻⴳ ⵜⴻⴼⵔⴰⵏⵉⵏ ⴷ ⵓⵙⵙⵓⴷⴷⴻⵙ ⴷ ⵓⵙⵙⴻⴼⵇⴻⴷ ⵏ ⵢⵉⵙⵓⵔⵉⴼⴻⵏ-ⵏⵙⴻⵏⵜ ⵢⴻⵎⴳⴻⵔⵔⴰⴷⴻⵏ.
ⵎⴰ ⴷ ⵉⵎⴰⵣⴰⵏⴻⵏ ⵏ ⵜⴻⵎⵙⵉⵙⵉⵜ ⵏ ⵍⴻⵣⵣⴰⵢⴻⵔ ⵜⴰⵣⴻⴳⵣⴰⵡⵜ ⵓⴳⵉⵏ ⵉⵙⴻⵏⴼⴰⵔⴻⵏ-ⴰ ⵏ ⵍⵇⴰⵏⵓⵏ ⵢⴻⵔⵏⵓ ⵏⵏⴰⵏ-ⴷ ⴷⴰⴽⴽⴻⵏ ⵉⴹⵔⵉⵙⴻⵏ-ⴰ ⴷ ⵡⵉⴷ ⴰⵢ ⵢⴻⵙⵊⴻⵀⴷⴻⵏ ⴰⵃⴽⴰⵎ ⵏ ⵓⴷⴰⴱⵓ ⵖⴻⴼ ⵓⵙⵙⵓⴷⴷⴻⵙ ⴷ ⵓⵙⵙⴻⴼⵇⴻⴷ ⵏ ⵢⵉⵙⵓⵔⵉⴼⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵜⴻⴼⵔⴰⵏⵉⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵍⵍⴰ ⵡⴰⵢⴰ ⴷ ⵓⵖⴰⵍ ⵖⴻⵔ ⴷⴻⴼⴼⵉⵔ ⴷⴻⴳ ⵡⴰⵢⴻⵏ ⴰⵢ ⴷ-ⵢⴻⵜⵜⵡⴰⴽⴻⵙⴱⴻⵏ ⵉ ⵜⵓⴳⴷⵓⵜ.
ⵜⵉⵖⵉⵎⵉⵜ-ⴰ ⵖⵓⵏⵣⴰⵏ-ⵜⵜ ⵢⵉⵎⴰⵣⴰⵏⴻⵏ ⵏ ⵜⴻⵔⵏⵉ ⵏ ⵢⵉⵖⴰⵍⵍⴻⵏ ⵉⵏⴻⵎⵍⴰⵢⴻⵏ ⵉⵎⵉ ⴰⵢ ⴷ-ⵏⵏⴰⵏ ⴷⴰⴽⴽⴻⵏ ⴰⵢⴰ ⴷ ⴰⵏⴻⵄⵔⵓⴹ ⵉ « ⵡⴻⵃⵕⴰⵙ ⵏ ⵢⵉⴳⴻⵔ ⵏ ⵜⵓⴳⴷⵓⵜ ».
