ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴱⴰⵜⴻⵏⵜ: ⵜⴰⴷⵅⴻⵏⵜ ⵜⴰⴳⴰⵎⴰⵏⵜ ⵉ ⵓⵙⴰⵔⵉⵔ ⵏ 1ⵓ ⵏ ⵡⴰⵎⴱⴻⵔ 1954 ⵓⵇⴱⴻⵍ ⵜⴳⴰⵔⴰ ⵏ Ɣⵓⵛⵜ

ⵜⴰⴱⴰⵜⴻⵏⵜ – ⵉⵃⴻⵜⵜⴻⵜ-ⴷ ⵓⵡⴰⵍⵉ ⵏ ⵜⴱⴰⵜⴻⵏⵜ, ⵎⵧⵀⴰⵎⴰⴷ ⵙⴰⵍⴰⵎⴰⵏⵉ, ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵏ ⵜⴰⴽⵓⵏⵜ (ⵎⵓⴼⴰⴵⴰ’ⴰ), ⴷⴰⴽⴽⵉⵏ ⴰⵙⴰⵔⵉⵔ (ⵎⴰⵍⵄⴰⴱ) ⵏ « 1ⵓ ⵏ ⵡⴰⵎⴱⴻⵔ 1954 » ⵢⴻⵙⵙⴻⴼⴽ ⴰⴷ ⵢⴻⵙⵙⵓ ⴷ ⵜⴰⴷⵅⴻⵏⵜ ⵜⴰⴳⴰⵎⴰⵏⵜ ⵓⵇⴱⴻⵍ ⵜⴳⴰⵔⴰ ⵏ ⵡⴰⵢⵢⵓⵔ ⵏ ⵖⵓⵛⵜ.

ⵢⴻⵙⵙⴻⴼⴽ ⴰⴷ ⴷ-ⵢⴻⵡⵊⴻⴷ ⵡⴻⵏⵔⴰⵔ-ⴰ ⵓⵇⴱⴻⵍ ⵎⴰ ⴱⴷⴰⵏ-ⴷ ⵢⴻⵎⵙⵉⵣⴻⵡⵔⴻⵏ ⵏ ⵜⵛⵉⵔⴹⴰⵔⵜ ⴰⴽⴽⴻⵏ ⴰⴷ ⵢⴻⵎⵎⴰⴳⴻⵔ ⵜⵉⵖⵍⴰⵎⵉⵏ ⵏ ⵜⴱⴰⵜⴻⵏⵜ, ⵍⴰⴷⵖⴰ ⵜⴰⵖⵍⴰⵎⵜ ⵏ ⵛⴰ ⵜⴰⴱⴰⵜⴻⵏⵜ ⴰⵢ ⵢⵓⵍⵉⵏ ⵖⴻⵔ ⵜⴻⵎⵖⵓⵏⵜ 1ⵓⵜ ⵏ ⵎⵧⴱⵉⵍⵉⵙ, ⵖⴻⴼ ⵡⴰⴽⴽⴻⵏ ⴰⵢ ⵉⵡⴻⵚⵚⴰ ⵓⵡⴰⵍⵉ ⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⴰⵢ ⴷ-ⵢⴻⵍⵀⴰⵏ ⵙ ⵛⵛⵖⴻⵍ-ⴰ.

ⴷⴻⴳ ⵜⴻⵔⵣⵉ-ⵏⵏⴻⵙ, ⵙⴼⴻⵀⵎⴻⵏ-ⴰⵙ-ⴷ ⵉ ⵓⵡⴰⵍⵉ ⵍⴻⵛⵖⴰⵍ ⴰⵢ ⵜⴻⴱⴷⴰ ⵙⴻⴳ ⵎⴻⵍⵎⵉ ⴽⴰⵏ ⵢⵉⵡⴻⵜ ⵏ ⵜⴻⵕⵎⵉⵙⵜ ⵜⴰⵏⴰⴳⴷⵓⴷⵜ (ⵄⵓⵎⵓⵎⵉⵢⵢⴰ) ⴰⵢ ⵢⴻⵎⵎⵓⵣⵣⴳⴻⵏ ⴷⴻⴳ ⵡⴰⵢⴰ.

ⵜⴻⵔⵔⴰ ⵜⵎⴰⵔⴰ ⴰⴷ ⴷ-ⵢⵉⵍⵉ ⵛⵛⵖⴻⵍ-ⴰ ⴰⴽⴽⴻⵏ ⴰⴷ ⵣⴻⵎⵔⴻⵏⵜ ⵜⴻⵖⵍⴰⵎⵉⵏ ⵜⵉⴷⵉⴳⴰⵏⵉⵏ (ⵎⴰⵃⴰⵍⵍⵉⵢⵢⴰ) ⴰⴷ ⵓⵔⴰⵔⴻⵏⵜ ⴷⴻⴳ ⵜⴻⴳⵏⴰⵜⵉⵏ ⵉⴳⴻⵔⵔⵣⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⴷⴰⴽⴽⴻⵏ ⴰⵙⵓⴷⴷⵉⵙ (ⵎⵓⵔⴰⴽⴽⴰⴱ) ⴰⴷⴷⴰⵍⴰⵏ ⵏ ⵜⴱⴰⵜⴻⵏⵜ ⵢⴻⴹⴹⴻⴼ-ⴷ ⵜⵜⴰⵡⵉⵍ ⵉ ⵡⴻⵜⵀⴻⵍⵍⵉ ⴷⴻⴳ ⵜⴻⴷⵅⴻⵏⵜ ⵢⴻⵔⵏⵓ ⵢⴻⵙⵇⴰⵎ-ⴷ ⵡⴰⵢⴰ 60 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ.

ⵎⵉ ⵢⴻⵔⵣⴰ ⵓⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⵏ ⵡⴰⴷⴷⴰⵍ ⵖⴻⴼ ⵡⴻⵏⵔⴰⵔ-ⴰ ⵙⴻⴳ ⵎⴻⵍⵎⵉ ⴽⴰⵏ, ⵢⴻⵙⵍⴰ ⵉ ⵢⵉⵖⴻⴱⵍⴰⵏ ⵏ ⵢⵉⵎⴰⵙⴰⵢⴻⵏ ⵏ ⵓⵙⵓⴷⴷⵉⵙ ⴷ ⵢⵉⵎⴰⵣⴰⵏⴻⵏ (ⵏⵓⵡⵡⴰⴱ), ⵢⴻⵔⵏⵓ ⵏⵏⴰⵏ-ⴰⵙ-ⴷ ⵢⵉⵏⴻⴳⴳⵓⵔⴰ-ⴰ ⴷⴰⴽⴽⴻⵏ ⵜⵉⵖⵍⴰⵎⵉⵏ ⵜⵉⴷⵉⴳⴰⵏⵉⵏ ⵕⵡⴰⵏⵜ ⵍⵃⵉⴼ ⵖⴻⴼ ⵍⴵⴰⵍ ⵏ ⵡⴻⵅⵚⴰⵔ ⴰⵢ ⵢⴻⵅⵚⴻⵔ ⵡⴻⵏⵔⴰⵔ-ⴰ.