ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵄⵉⵏ ⴷⴷⴻⴼⵍⴰ: ⵍⴻⴱⵏⵉ ⵏ ⵡⴰⵟⴰⵙ ⵏ ⵜⴻⵎⵚⵓⴽⵉⵏ ⵢⴻⵇⵇⵏⴻⵏ ⵖⴻⵔ ⵡⴻⵃⵔⵉⵛ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ

ⵄⵉⵏ ⴷⴷⴻⴼⵍⴰ – ⵢⴻⵏⵏⴰ-ⴷ, ⴰⵙⵙ ⵏ ⵍⴻⵜⵏⵉⵢⴻⵏ, ⵢⵉⵡⴻⵏ ⵏ ⵓⵎⴰⵙⴰⵢ (ⵎⴰⵙ’ⵓⵍ) ⵏ ⵜⵎⴻⵀⵍⴰ ⵜⴰⴷⵉⴳⴰⵏⵜ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⴷⴰⴽⴽⴻⵏ ⴰⵟⴰⵙ ⵏ ⵜⴻⵎⵚⵓⴽⵉⵏ (ⵀⴰⵢⴰⴽⵉⵍ) ⵢⴻⵇⵇⵏⴻⵏ ⵖⴻⵔ ⵡⴻⵃⵔⵉⵛ-ⴰ ⴰⵢ ⵍⴰ ⴱⴻⵏⵏⵓⵏ ⴷⴻⴳ ⵜⵡⵉⵍⴰⵢⵜ ⵏ ⵄⵉⵏ ⴷⴷⴻⴼⵍⴰ.

ⵜⵉⵎⵚⵓⴽⵉⵏ-ⴰ ⴷ ⵙⵏⴰⵜ ⵏ ⵜⵣⴻⵖⵡⵉⵏ ⵜⵉⴽⴽⴰⴷⴷⴰⵍⵉⵏ ⴰⵔⴰ ⵢⴻⵙⵄⵓⵏ 500 ⵏ ⵢⵉⵎⵓⴽⴰⵏ ⵉ ⵢⵉⵡⴻⵜ. ⵜⴰⵎⴻⵣⵡⴰⵔⵓⵜ ⴰⴷ ⵜⴻⵜⵜⵡⴰⴱⵏⵓ ⴷⴻⴳ ⵜⵖⵉⵡⴰⵏⵜ ⵏ ⵔⵔⵡⵉⵏⴰ, ⵎⴰ ⴷ ⵜⵉⵙ ⵙⵏⴰⵜ ⴷⴻⴳ ⵍⴻⵅⵎⵉⵙ ⵏ ⵜⵎⴻⵍⵢⴰⵏⵜ. ⴰⴷ ⵢⴻⵜⵜⵡⴰⴱⵏⵓ ⴷⴰⵖ ⵡⴰⵎⵎⴰⵙ ⵏ ⵡⴻⵙⴳⴰⵍⴻⴼ (ⵎⴰⵔⴽⴰⵣ ⵜⴰⴵⵀⵉⵣ) ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ ⵏ ⵍⴻⵅⵎⵉⵙ ⵏ ⵜⵎⴻⵍⵢⴰⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ ⵏ ⵓⵎⴻⵥⵍⵓ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⵏ ⵄⵉⵏ ⴷⴷⴻⴼⵍⴰ ⴷⴻⴳ ⵢⵉⵊⵉⴼⴻⵕ ⵏ ⵜⴼⵓⴳⵍⴰ ⵉ ⵜⵔⵉⵔⵉⵜ ⵏ ⵜⴻⵊⵎⵉⵍⵜ ⵉ ⵢⵉⵏⴰⴷⴷⴰⵍⴻⵏ ⵏ ⵜⵡⵉⵍⴰⵢⵜ-ⴰ ⴰⵢ ⴷ-ⵢⴻⴼⵔⵓⵔⵉⵏ ⵙ ⵢⴻⴳⵎⴰⴹ-ⵏⵙⴻⵏ ⵢⴻⵍⵀⴰⵏ.

ⴰⴷ ⵜⵜⵡⴰⴱⵏⵓⵏ ⴷⴰⵖ ⵢⵉⵙⵓⴷⴷⵉⵙⴻⵏ (ⵎⵓⵔⴰⴽⴽⴰⴱⴰⵜ) ⴰⴷⴷⴰⵍⴰⵏⵉⵏ ⵓⵇⵔⵉⴱⴻⵏ ⴷⴻⴳ ⵄⵉⵏ ⵙⵙⴻⵍⵟⴰⵏ, ⵄⵉⵏ ⴷⴷⴻⴼⵍⴰ ⴷ ⵄⵉⵏ ⵍⴻⵛⵢⴰⵅ, ⴰⵎ ⵡⴰⴽⴽⴻⵏ ⴰⵔⴰ ⵜⵜⵡⴰⴱⵏⵓⵏⵜ ⵙⵏⴰⵜ ⵏ ⵜⵏⴻⵔⴷⴰⴱⵉⵏ (ⵎⴰⵙⴰⴱⵉⵃ): ⵢⵉⵡⴻⵜ ⴷⴻⴳ ⵍⵄⴻⵟⵟⴰⴼ, ⵎⴰ ⴷ ⵜⴰⵢⴻⴹ ⴷⴻⴳ ⵔⵔⵡⵉⵏⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵀⴰⵎⵍⴰⵧⵓⵉ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⴰⴷ ⵢⴻⵜⵜⵡⴰⴱⵏⵓ ⴷⴰⵖ ⵡⴻⴳⵔⵉⵔ ⵏ ⵢⵉⵍⴻⵎⵥⵉⵢⴻⵏ (ⵏ 200 ⵏ ⵡⵓⵙⵓⵜⴻⵏ) ⴷⴻⴳ ⵡⴰⴷ ⵛⵛⴻⵕⴼⴰ ⴷ ⵡⴻⵅⵅⴰⵎ ⵏ ⵢⵉⵍⴻⵎⵥⵉⵢⴻⵏ (100 ⵏ ⵡⵓⵙⵓⵜⴻⵏ) ⴷⴻⴳ ⵜⴻⵎⴷⵉⵏⵜ ⵏ ⵄⵉⵏ ⴷⴷⴻⴼⵍⴰ.

« ⵉⵙⵓⴷⴷⵉⵙⴻⵏ ⴰⴷⴷⴰⵍⴰⵏⴻⵏ ⵓⵇⵔⵉⴱⴻⵏ ⵜⵜⵓⵔⴰⵔⴻⵏ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵜⵎⵓⵙⵙⵏⵉ ⵏ ⵢⵉⵍⴻⵎⵥⵉⵢⴻⵏ ⵓⵥⵡⵉⵔⴻⵏ ⴷ ⵓⵄⴰⵡⴻⵏ-ⵏⵙⴻⵏ ⴰⴷ ⴷ-ⴼⵔⵓⵔⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵜⵉⵎⵚⵓⴽⵉⵏ-ⴰ ⴰⴷ ⵉⵍⵉⵏⵜ ⴷⴰⵖ ⴷ « ⵉⵖⴻⵔⴱⴰⵏ » ⴰⵔⴰ ⵉⵃⴻⵔⵣⴻⵏ ⵉⵍⴻⵎⵥⵉⵢⴻⵏ ⵙⴻⴳ ⵢⵉⵅⴻⵚⵚⴰⵔⴻⵏ ⵏ ⵜⵎⴻⵜⵜⵉ.

ⵙ ⵓⵊⴻⵎⵎⴰⵍ, ⵔⵔⴰⵏ ⵜⴰⵊⵎⵉⵍⵜ ⵉ 50 ⵏ ⵢⵉⵏⴰⴷⴷⴰⵍⴻⵏ ⵏ ⵡⴰⴷⴷⴰⵍⴻⵏ ⵉⵏⵜⴻⵔⵔⴰⵙⴻⵏ ⴷⴻⴳ ⵜⴼⵓⴳⵍⴰ-ⴰ ⴰⵢ ⵢⴻⵙⵙⴻⵍⵡⵉ ⵓⵡⴰⵍⵉ ⵏ ⵄⵉⵏ ⴷⴷⴻⴼⵍⴰ, ⴽⴰⵎⴻⵍ ⴰⴱⴰⵙⵙ ⴷⴻⴳ ⵡⴻⵅⵅⴰⵎ ⵏ ⵢⴻⴷⵍⴻⵙ ⵏ ⵍⴰⵎⵉⵔ ⵄⴻⴱⴷⴻⵍⵇⴰⴷⴻⵔ ⴷⴻⴳ ⵜⴻⵎⴷⵉⵏⵜ ⵏ ⵄⵉⵏ ⴷⴷⴻⴼⵍⴰ.