ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵜⴰⵡⴰ ⴳⴰⵔ ⵢⴻⵏⵎⴻⵣⵔⵓⵢⴻⵏ ⴷ ⵢⴻⵎⵏⴰⴷⵉⵢⴻⵏ ⵉ ⵡⴻⴽⵍⴰⵙ ⵏ ⵜⴻⵊⵔⵉⵎⵉⵏ ⵏ ⴼⵕⴰⵏⵙⴰ ⴷⴻⴳ ⵍⴻⵣⵣⴰⵢⴻⵔ (ⴰⵏⴻⵖⵍⴰⴼ)

ⵙⵙⵄⵉⴷⴰ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⴻⵎⵊⴰⵀⴷⴻⵏ, ⵜⴰⵢⴻⴱ ⵣⵉⵜⵧⵓⵏⵉ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵙⵙⵄⵉⴷⴰ, ⴷⴰⴽⴽⴻⵏ ⵢⴻⵍⵍⴰ-ⴷ ⵡⴻⵎⵜⴰⵡⴰ (ⵉⵜⵜⵉⴼⴰⵇ) ⴷ ⵢⴻⵏⵎⴻⵣⵔⵓⵢⴻⵏ ⴷ ⵢⴻⵎⵏⴰⴷⵉⵢⴻⵏ ⵉ ⵡⴻⴽⵍⴰⵙ (ⵜⴰⵙⴵⵉⵍ) ⵏ ⵜⴻⵊⵔⵉⵎⵉⵏ ⴰⵢ ⵜⴳⴰ ⴼⵕⴰⵏⵙⴰ ⴷⴻⴳ ⵍⴻⵣⵣⴰⵢⴻⵔ ⵙⴻⴳ 1830.

ⵎⵉ ⵢⴻⵔⵣⴰ ⵖⴻⴼ ⵜⴻⵎⵔⵓⵣⵜ (ⵎⵓⵍⵃⴰⵇⴰ) ⵏ ⵓⵙⴰⵍⴰⵢ (ⵎⵓⵜⵃⴰⴼ) ⴰⵎⵏⴰⴹⴰⵏ ⵏ ⵢⴻⵎⵊⴰⵏⴷⴻⵏ ⵏ ⵙⵙⵄⵉⴷⴰ, ⵉⵡⴻⴽⴽⴻⴷ-ⴷ ⵜⴰⵢⴻⴱ ⵣⵉⵜⵧⵓⵏⵉ ⴷⴰⴽⴽⴻⵏ ⴰⵖⵍⵉⴼ ⵏ ⵢⴻⵎⵊⴰⵀⴷⴻⵏ ⵉⴳⴰ ⴰⵎⵜⴰⵡⴰ ⴷ ⵢⴻⵏⵎⴻⵣⵔⵓⵢⴻⵏ ⴷ ⵢⴻⵎⵏⴰⴷⵉⵢⴻⵏ ⵉ ⵡⴻⴽⵍⴰⵙ ⵏ ⵡⵉⴷ ⴰⵔⴰ ⴷ-ⵢⴻⵃⴽⵓⵏ ⴰⴽⴽ ⵜⵉⵊⵔⵉⵎⵉⵏ ⴷ ⵡⴻⵏⴹⴻⵔⵔⵉ ⴰⵢ ⵢⴻⵏⴹⴻⵔⵔ ⵡⴻⵖⵔⴻⴼ ⴰⴷⵣⴰⵢⵔⵉ ⵙⴻⴳ ⵡⴰⵙⵎⵉ ⴰⵢ ⴷ-ⵢⵓⴷⴻⴼ ⵓⵙⴻⵀⵔⴰⵙ ⴰⴼⵕⴻⵏⵙⵉⵙ ⵖⴻⵔ ⵡⴰⴽⴰⵍ ⵏ ⵍⴻⵣⵣⴰⵢⴻⵔ.

ⴷⵖⴰ ⵉⵅⴻⴱⴱⴻⵔ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⵜⴻⵍⵍⴰ ⵜⴻⴱⵏⵉⵇⵜ (ⵅⴰⵍⵉⵢⵢⴰ) ⴰⵢ ⵍⴰ ⵉⵅⴻⴷⴷⵎⴻⵏ ⴷⴻⴳ ⵡⴻⵖⵍⵉⴼ ⵙ ⵡⴻⵎⵄⴰⵡⴻⵏ ⴷ ⵡⴰⵎⵎⴰⵙ ⵏ ⵜⴻⵣⵔⴰⵡⵉⵏ ⴷ ⵢⵉⵏⴰⴷⵉⵢⴻⵏ ⵖⴻⴼ ⵓⵎⵓⵙⵙⵓ ⴰⵖⴻⵍⵏⴰⵡ ⴷ ⵡⴻⵎⴳⴰⵔⵓ ⵏ ⵡⴻⵙⵍⴻⵍⵍⵉ ⴰⵖⴻⵍⵏⴰⵡ ⴷ ⵓⵙⴰⵍⴰⵢ ⴰⵖⴻⵍⵏⴰⵡ ⵉ ⵡⴻⵊⵎⴰⵄ ⵏ ⵡⴰⴽⴽ ⵜⵉⵃⴽⴰⵢⵉⵏ ⵢⴻⵇⵇⵏⴻⵏ ⵖⴻⵔ ⵜⴻⵊⵔⵉⵎⵉⵏ ⴰⵢ ⴷ-ⵢⴻⵍⵍⴰⵏ ⵎⴳⴰⵍ ⵡⴻⵖⵔⴻⴼ ⴰⴷⵣⴰⵢⵔⵉ ⵙⴻⴳ 1830 ⴰⵔⵎⵉ ⴷ ⴰⵙⵎⵉ ⴰⵢ ⵜⴻⵡⵡⵉ ⵍⴻⵣⵣⴰⵢⴻⵔ ⴰⵣⴰⵔⵓⴳ (ⵉⵙⵜⵉⵇⵍⴰⵍ).

ⵢⴻⵏⵏⴰ-ⴷ ⴷⴰⵖ ⵎⴰⵙⵙ ⵣⵉⵜⵧⵓⵏⵉ ⴷⴰⴽⴽⴻⵏ ⵜⴰⵕⵛⵉⴱⵉⵏ ⵜⵉⴷⵣⴰⵢⵔⵉⵢⵉⵏ ⵙⵙⴽⴰⵏⴰⵢⴻⵏⵜ-ⴷ ⵜⵉⵊⵔⵉⵎⵉⵏ ⴰⵢ ⵉⴳⴰ ⵓⵙⴻⵀⵔⴰⵙ (ⵎⵓⵙⵜⴰⵄⵎⵉⵔ) ⴰⴼⵕⴻⵏⵙⵉⵙ, ⵢⴻⵔⵏⵓ ⵜⵉ ⴷ ⵜⵉⵊⵔⵉⵎⵉⵏ « ⵜⵉⵎⴻⵇⵔⴰⵏⵉⵏ », ⴵⴵⴰⵏⵜ-ⴷ ⵍⴰⵜⴻⵕ ⴷ ⵛⵛⵡⴰⵎⵉ ⴷⴻⴳ ⵡⴻⵏⵔⴰⵔ, ⴳⴰⵔ-ⴰⵙⴻⵏ ⵉⵎⴻⵄⴷⴰⵕ ⴰⵢ ⵜⴻⵏⵜ-ⵉⴷ-ⵢⵓⵖⴻⵏ ⵙⴻⴳ ⵡⴻⵎⴳⴰⵔⵓ ⵏ ⵡⴻⵙⵍⴻⵍⵍⵉ ⴰⵖⴻⵍⵏⴰⵡ, ⵉⵙⵙⴻⴼⵔⴰⴳ ⵏ ⵜⵓⵛⵛⴰⵔ ⴰⵢ ⵢⴻⵙⵙⴻⵇⴷⴻⵛ ⵓⵙⴻⵀⵔⴰⵙ ⵖⴻⴼ ⵜⵍⵉⵙⴰ ⴷ ⵍⴼⵉⵏⴳⴰⵜ.

ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵓⴳⴰⵔ ⵏ 2.000 ⵏ ⵢⴻⵎⴷⴰⵏⴻⵏ ⴰⵢ ⵉⵄⴻⵔⵇⴻⵏ ⴷⴻⴳ ⵜⴰⵍⵍⵉⵜ ⵏ ⵡⴻⵎⴳⴰⵔⵓ (ⵃⴰⵔⴱ) ⵏ ⵡⴻⵙⵍⴻⵍⵍⵉ ⴷⴻⴳ ⵢⴻⴳⵔⵉⵔⴻⵏ (ⵎⵓⵅⴰⵢⵢⴰⵎⴰⵜ), ⵍⴻⵃⵙⴰⴱ ⴷ ⵡⴰⵎⵎⴰⵙⴻⵏ ⵏ ⵓⵄⴻⵜⵜⴻⴱ ⴷ ⵡⴻⵃⴱⴰⵙ ⵏ ⴼⵕⴰⵏⵙⴰ.