Asebter amenzawi

Asɛeddi n sin n leqwanin yerzan iẓuyar n yifesyanen n lɛula d yixeddamen iserdasanen

LEZZAYER TAMANEɣT– Sin n yisenfaren n lqanun yerzan ifesyanen n lɛula d yixeddamen iserdasanen ay sɛeddan ass n letniyen deg Wegraw Aɣerfan Aɣelnaw.

Yella-d wedɣar (taṣwit) deg yiwet n tɣimit tamatut ay yesselwi Mohamed Larbi Ould Khelifa s weḥdaṛ n tneɣlaf n wassaɣen d wemni (barlaman), Ghania Eddalia, d unemhal n udiwan n uneɣlaf n temḥaddit taɣelnawt, Arfi Youcef.

Ttunefken sin n yibeddilen yerzan leqwanin-a i tesmilt (laǧna) n temḥaddit taɣelnawt n Wegraw Aɣerfan Aɣelnaw, yernu d tagrawt tawamnit (barlamaniyya) n Ukabar n Yixeddamen ay d-yessumren ibeddilen-a. Issumren-a rzan aḥṛas n yigiten yerzan lwajeb n tuṣṣra n lesrar iserdasanen d wetɛeddi ɣef tdukli n tredsa.

Deffir ma tedla fell-asen tesmilt-a, tugi-ten acku ḥuzan llsas d yeswi n sin-a n leqwanin s timmad-sen.

Deg yiwet n tinawt, deffir ma ttwasɛeddan sin-a n leqwanin, tenna-d tneɣlaft dakken sin-a n yeḍrisen d llsas amaynu deg lebni n tsudut (mu’assasa) taserdasant.

Ddaw n leqwanin-a imaynuten, iserdasen yersen deg lɛula ur sɛin azref ad gen neɣ ad d-inin kra ay izemren ad iḍurr tugna n tsuda neɣ n yiduba inagduden (suluṭat ɛumumiyya).

Iḥezziben imaynuten yeqqnen ɣer yifesyanen n lɛula ssefran-d dakken « aserdas urmid ay qrib ad yeḥbes ameẓlu (xidma) deg tredsa (ǧayc) yernu yers deg lɛula ad yesɛu izerfan d tlelliyin ay ḥerzen leqwanin n tegduda yernu yessefk ad iqader lwajeb n tuṣṣra ».