ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵄⴻⴷⴷⵉ ⵏ ⵙⵉⵏ ⵏ ⵍⴻⵇⵡⴰⵏⵉⵏ ⵢⴻⵔⵣⴰⵏ ⵉⵥⵓⵢⴰⵔ ⵏ ⵢⵉⴼⴻⵙⵢⴰⵏⴻⵏ ⵏ ⵍⵄⵓⵍⴰ ⴷ ⵢⵉⵅⴻⴷⴷⴰⵎⴻⵏ ⵉⵙⴻⵔⴷⴰⵙⴰⵏⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵙⵉⵏ ⵏ ⵢⵉⵙⴻⵏⴼⴰⵔⴻⵏ ⵏ ⵍⵇⴰⵏⵓⵏ ⵢⴻⵔⵣⴰⵏ ⵉⴼⴻⵙⵢⴰⵏⴻⵏ ⵏ ⵍⵄⵓⵍⴰ ⴷ ⵢⵉⵅⴻⴷⴷⴰⵎⴻⵏ ⵉⵙⴻⵔⴷⴰⵙⴰⵏⴻⵏ ⴰⵢ ⵙⵄⴻⴷⴷⴰⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ.
ⵢⴻⵍⵍⴰ-ⴷ ⵡⴻⴷⵖⴰⵔ (ⵜⴰⵚⵡⵉⵜ) ⴷⴻⴳ ⵢⵉⵡⴻⵜ ⵏ ⵜⵖⵉⵎⵉⵜ ⵜⴰⵎⴰⵜⵓⵜ ⴰⵢ ⵢⴻⵙⵙⴻⵍⵡⵉ ⵎⵧⵀⴰⵎⴻⴷ ⵍⴰⵔⴱⵉ ⵧⵓⵍⴷ ⴽⵀⴻⵍⵉⴼⴰ ⵙ ⵡⴻⵃⴷⴰⵕ ⵏ ⵜⵏⴻⵖⵍⴰⴼ ⵏ ⵡⴰⵙⵙⴰⵖⴻⵏ ⴷ ⵡⴻⵎⵏⵉ (ⴱⴰⵔⵍⴰⵎⴰⵏ), ⴳⵀⴰⵏⵉⴰ ⴻⴷⴷⴰⵍⵉⴰ, ⴷ ⵓⵏⴻⵎⵀⴰⵍ ⵏ ⵓⴷⵉⵡⴰⵏ ⵏ ⵓⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ, ⴰⵔⴼⵉ ⵢⵧⵓⵛⴻⴼ.
ⵜⵜⵓⵏⴻⴼⴽⴻⵏ ⵙⵉⵏ ⵏ ⵢⵉⴱⴻⴷⴷⵉⵍⴻⵏ ⵢⴻⵔⵣⴰⵏ ⵍⴻⵇⵡⴰⵏⵉⵏ-ⴰ ⵉ ⵜⴻⵙⵎⵉⵍⵜ (ⵍⴰⴵⵏⴰ) ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵢⴻⵔⵏⵓ ⴷ ⵜⴰⴳⵔⴰⵡⵜ ⵜⴰⵡⴰⵎⵏⵉⵜ (ⴱⴰⵔⵍⴰⵎⴰⵏⵉⵢⵢⴰ) ⵏ ⵓⴽⴰⴱⴰⵔ ⵏ ⵢⵉⵅⴻⴷⴷⴰⵎⴻⵏ ⴰⵢ ⴷ-ⵢⴻⵙⵙⵓⵎⵔⴻⵏ ⵉⴱⴻⴷⴷⵉⵍⴻⵏ-ⴰ. ⵉⵙⵙⵓⵎⵔⴻⵏ-ⴰ ⵔⵣⴰⵏ ⴰⵃⵕⴰⵙ ⵏ ⵢⵉⴳⵉⵜⴻⵏ ⵢⴻⵔⵣⴰⵏ ⵍⵡⴰⵊⴻⴱ ⵏ ⵜⵓⵚⵚⵔⴰ ⵏ ⵍⴻⵙⵔⴰⵔ ⵉⵙⴻⵔⴷⴰⵙⴰⵏⴻⵏ ⴷ ⵡⴻⵜⵄⴻⴷⴷⵉ ⵖⴻⴼ ⵜⴷⵓⴽⵍⵉ ⵏ ⵜⵔⴻⴷⵙⴰ.
ⴷⴻⴼⴼⵉⵔ ⵎⴰ ⵜⴻⴷⵍⴰ ⴼⴻⵍⵍ-ⴰⵙⴻⵏ ⵜⴻⵙⵎⵉⵍⵜ-ⴰ, ⵜⵓⴳⵉ-ⵜⴻⵏ ⴰⵛⴽⵓ ⵃⵓⵣⴰⵏ ⵍⵍⵙⴰⵙ ⴷ ⵢⴻⵙⵡⵉ ⵏ ⵙⵉⵏ-ⴰ ⵏ ⵍⴻⵇⵡⴰⵏⵉⵏ ⵙ ⵜⵉⵎⵎⴰⴷ-ⵙⴻⵏ.
ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ, ⴷⴻⴼⴼⵉⵔ ⵎⴰ ⵜⵜⵡⴰⵙⵄⴻⴷⴷⴰⵏ ⵙⵉⵏ-ⴰ ⵏ ⵍⴻⵇⵡⴰⵏⵉⵏ, ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⴷⴰⴽⴽⴻⵏ ⵙⵉⵏ-ⴰ ⵏ ⵢⴻⴹⵔⵉⵙⴻⵏ ⴷ ⵍⵍⵙⴰⵙ ⴰⵎⴰⵢⵏⵓ ⴷⴻⴳ ⵍⴻⴱⵏⵉ ⵏ ⵜⵙⵓⴷⵓⵜ (ⵎⵓ’ⴰⵙⵙⴰⵙⴰ) ⵜⴰⵙⴻⵔⴷⴰⵙⴰⵏⵜ.
ⴷⴷⴰⵡ ⵏ ⵍⴻⵇⵡⴰⵏⵉⵏ-ⴰ ⵉⵎⴰⵢⵏⵓⵜⴻⵏ, ⵉⵙⴻⵔⴷⴰⵙⴻⵏ ⵢⴻⵔⵙⴻⵏ ⴷⴻⴳ ⵍⵄⵓⵍⴰ ⵓⵔ ⵙⵄⵉⵏ ⴰⵣⵔⴻⴼ ⴰⴷ ⴳⴻⵏ ⵏⴻⵖ ⴰⴷ ⴷ-ⵉⵏⵉⵏ ⴽⵔⴰ ⴰⵢ ⵉⵣⴻⵎⵔⴻⵏ ⴰⴷ ⵉⴹⵓⵔⵔ ⵜⵓⴳⵏⴰ ⵏ ⵜⵙⵓⴷⴰ ⵏⴻⵖ ⵏ ⵢⵉⴷⵓⴱⴰ ⵉⵏⴰⴳⴷⵓⴷⴻⵏ (ⵙⵓⵍⵓⵟⴰⵜ ⵄⵓⵎⵓⵎⵉⵢⵢⴰ).
ⵉⵃⴻⵣⵣⵉⴱⴻⵏ ⵉⵎⴰⵢⵏⵓⵜⴻⵏ ⵢⴻⵇⵇⵏⴻⵏ ⵖⴻⵔ ⵢⵉⴼⴻⵙⵢⴰⵏⴻⵏ ⵏ ⵍⵄⵓⵍⴰ ⵙⵙⴻⴼⵔⴰⵏ-ⴷ ⴷⴰⴽⴽⴻⵏ « ⴰⵙⴻⵔⴷⴰⵙ ⵓⵔⵎⵉⴷ ⴰⵢ ⵇⵔⵉⴱ ⴰⴷ ⵢⴻⵃⴱⴻⵙ ⴰⵎⴻⵥⵍⵓ (ⵅⵉⴷⵎⴰ) ⴷⴻⴳ ⵜⵔⴻⴷⵙⴰ (ⴵⴰⵢⵛ) ⵢⴻⵔⵏⵓ ⵢⴻⵔⵙ ⴷⴻⴳ ⵍⵄⵓⵍⴰ ⴰⴷ ⵢⴻⵙⵄⵓ ⵉⵣⴻⵔⴼⴰⵏ ⴷ ⵜⵍⴻⵍⵍⵉⵢⵉⵏ ⴰⵢ ⵃⴻⵔⵣⴻⵏ ⵍⴻⵇⵡⴰⵏⵉⵏ ⵏ ⵜⴻⴳⴷⵓⴷⴰ ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⵉⵇⴰⴷⴻⵔ ⵍⵡⴰⵊⴻⴱ ⵏ ⵜⵓⵚⵚⵔⴰ ».
