ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴼⵓⴽ ⵜⴰⵍⵍⵉⵜ ⴰⵢⴷⴻⴳ ⵜⴰⵖⴻⵎⵙⴰ ⵜⴻⵍⵍⴰ ⵜⴻⴷⴷⴻⵔ ⵙ ⵓⴷⴻⵍⵍⴻⵍ ⴰⵏⴰⴳⴷⵓⴷ (ⴰⵏⴻⵖⵍⴰⴼ)
ⵜⵉⵒⴰⵣⴰ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵖⵡⴰⵍⵜ (ⵉⵜⵜⵉⵚⴰⵍ), ⵀⴰⵎⵉⴷ ⴳⵔⵉⵏⴻ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵜⵉⵒⴰⵣⴰ ⴷⴰⴽⴽⴻⵏ ⵜⴼⵓⴽ ⵜⴰⵍⵍⵉⵜ ⴰⵢⴷⴻⴳ ⵜⴰⵖⴻⵎⵙⴰ ⵜⴻⵍⵍⴰ ⵜⴻⴷⴷⴻⵔ ⵙ ⵓⴷⴻⵍⵍⴻⵍ ⴰⵏⴰⴳⴷⵓⴷ (ⵄⵓⵎⵓⵎⵉ).
ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷ ⵜⵖⴻⵎⵙⴰ ⵉ ⵍⵎⴻⵏⴷ ⵏ ⵜⴻⵎⵀⴻⵍⵜ (ⵄⴰⵎⴰⵍⵉⵢⵢⴰ) ⵏ « ⵓⵖⴻⵔⵎⴰⵏ ⵢⴻⵙⵄⴰ ⴰⵣⵔⴻⴼ ⵉ ⵢⵉⵙⴰⵍⵉ ⴰⵢⵖⴻⴼ ⵢⴻⵍⵍⴰ ⵍⴻⵜⵜⴽⴰⵍ » ⴰⵢ ⴷ-ⵢⴻⵜⵜⵡⴰⵙⵙⵓⴷⴷⵙⴻⵏ ⴷⴻⴳ ⵜⵉⵒⴰⵣⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵜⴼⵓⴽ ⵜⴰⵍⵍⵉⵜ ⴰⵢⴷⴻⴳ ⴰⵢ ⴷ-ⵢⴻⵜⵜⵡⴰⵛⵔⴰⴹ ⵍⴻⵄⵇⴻⴷ ⴳⴰⵔ ⵡⴻⵖⵎⵉⵙ ⴷ ⵜⴻⵕⵎⵉⵙⵜ ⵏ ⵓⴷⴻⵍⵍⴻⵍ ⴰⴽⴽⴻⵏ ⴰⴷ ⴰⵙⴻⵏ-ⵢⴻⴼⴽ ⵡⴻⵖⵎⵉⵙ-ⴰ 3 ⵏ ⵢⵉⵙⴻⴱⵜⴰⵔ ⵏ ⵓⴷⴻⵍⵍⴻⵍ.
ⵖⴻⴼ ⵡⴰⵢⴰ, ⵖⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ, « ⵏⵓⵖⴰⵍ ⵓⵔ ⵏⴻⵜⵜⴰⴽⴼ ⵜⵜⴻⵙⵔⵉⵃ ⵉ ⵢⴻⵖⵎⵉⵙⴻⵏ ⵉⵎⴰⵢⵏⵓⵜⴻⵏ ⴰⵢ ⵍⴰ ⵢⴻⵜⵜⵏⴰⴷⵉⵏ ⵔⵔⴱⴻⵃ ⵙ ⵢⵉⵙⴻⴱⵜⴰⵔ ⵏ ⵓⴷⴻⵍⵍⴻⵍ ⵢⵉⵍⵉ ⵏⵉⵜⵏⵉ ⴱⴻⵄⴷⴻⵏ ⵖⴻⴼ ⵓⵅⴻⴷⴷⵉⵎ ⴰⵙⴰⴷⵓⵔⴰⵏ (ⵎⵓⵃⵜⴰⵔⵉⴼ) ⵢⴻⵜⵜⵡⴰⵅⴻⴷⵎⴻⵏ ⴰⴽⴽⴻⵏ ⵉⵡⴰⵜⴰ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵖⵍⵉⴼ ⵏ ⵜⴻⵖⵡⴰⵍⵜ ⵍⴰ ⵢⴻⵜⵜⴰⴽⴼ ⵜⵜⴻⵙⵔⵉⵃ ⵉ ⵢⴻⵖⵎⵉⵙⴻⵏ ⵉⵢⴰⵍⵍⴰⵙⴻⵏ ⵢⴻⵎⵎⵓⵣⵣⴳⴻⵏ (ⵎⵓⵜⴰⵅⴰⵚⵚⵉⵚⴰ) ⴷ ⵢⴻⵎⵏⴰⴹⴰⵏⴻⵏ.
ⵢⴻⵏⵏⴰ-ⴷ ⵓⵏⴻⵖⵍⴰⴼ, ⵓⵇⴱⴻⵍ ⵡⴰⵢⴰ, ⴷⴰⴽⴽⴻⵏ ⴰⴷⴰⴱⵓ ⵏ ⵡⴻⵃⴽⴰⵎ ⵏ ⵢⴻⵙⵍⵉⵥⵔⵉ ⵢⴻⵙⵄⴻⴷⴷⴰ ⴰⵍⵓⴳ ⵏ ⵛⵛⵓⵔⵓⴹ ⴷⴻⴳ ⵜⴻⵎⵍⵉⵍⵉⵜ-ⵏⵏⴻⵙ ⵜⴰⵎⴻⵣⵡⴰⵔⵓⵜ ⴰⵢ ⴷ-ⵢⴻⵍⵍⴰⵏ, ⵙⴻⴳ ⵎⴻⵍⵎⵉ ⴽⴰⵏ, ⴳⴰⵔ-ⴰⵙ ⴷ ⵓⵏⴰⴱⴰⴹ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵔⴰ ⴰⵙⵙⴰⵖⴻⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⵉⵍⵉⵏ ⴳⴰⵔ ⵓⴷⴰⴱⵓ-ⴰ (ⵙ ⵢⵉⵙⴻⵎ-ⵏⵏⴻⵙ ⴷ ⴰⴷⴰⴱⵓ ⵉⵎⵣⵉⵔⴻⴳ) ⴷ ⵜⵔⴻⴳⵡⴰ ⵏ ⵜⵍⵉⵥⵔⵉ.
ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵢⴻⵣⵎⴻⵔ ⵍⵃⴰⵍ ⴰⴷ ⴷ-ⵢⴻⵜⵜⵡⴰⵙⵙⴻⴱⴷⴻⴷ ⵓⴷⴰⴱⵓ ⵏ ⵡⴻⵃⴽⴰⵎ ⵏ ⵜⵖⴻⵎⵙⴰ ⵢⵓⵔⴰⵏ ⴷⴻⴳ ⵛⵜⴻⵎⴱⴻⵕ ⴰⵢ ⴷ-ⵢⴻⵜⵜⴻⴷⴷⵓⵏ.
ⴷⴻⴳ ⵜⴻⵔⵣⵉ-ⵏⵏⴻⵙ ⵖⴻⴼ ⵜⵡⵉⵍⴰⵢⵜ ⵏ ⵜⵉⵒⴰⵣⴰ, ⵢⴻⵔⵥⴻⵎ ⵓⵏⴻⵖⵍⴰⴼ ⵏ ⵜⴻⵖⵡⴰⵍⵜ ⵜⴰⵎⵀⴻⵍⵜ ⵏ « ⵓⵖⴻⵔⵎⴰⵏ ⵢⴻⵙⵄⴰ ⴰⵣⵔⴻⴼ ⵉ ⵢⵉⵙⴰⵍⵉ ⴰⵢⵖⴻⴼ ⵢⴻⵍⵍⴰ ⵍⴻⵜⵜⴽⴰⵍ » ⵖⴻⵔ ⵢⵉⴷⵉⵙ ⵏ ⵓⵡⴰⵍⵉ ⵏ ⵜⵉⵒⴰⵣⴰ, ⴰⴱⴷⴻⵍⴽⴰⴷⴻⵔ ⴽⴰⴷⵉ, ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵍⵉⵥⵔⵉ ⵜⴰⴷⵣⴰⵢⵔⵉ, ⵜⵧⵓⴼⵉⴽ ⴽⵀⴻⵍⴰⴷⵉ, ⵡⵉⵏ ⵏ ⵕⵕⴰⴷⵢⵓ ⵜⴰⴷⵣⴰⵢⵔⵉⵜ, ⵛⵀⴰⴰⴱⴰⵏⴻ ⵍⵧⵓⵏⴰⴽⴻⵍ ⴷ ⵡⵉⵏ ⵏ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ, ⵀⴰⵎⵉⴷ ⴽⴰⵛⵀⴰ.
