Asebter amenzawi
Yessefk ad ḥakṛent teṛmisin n yisafaren ssuq awerdani (aneɣlaf)
ƐIN DDEFLA – Yenna-d uneɣlaf n tdawsa (ṣiḥḥa), Abdelmalek Boudiaf, ass n letniyen deg Lexmis n Tmelyant, dakken tiṛmisin (carikat) tusligin n yisafaren ay ixeddmen deg Lezzayer yessefk ad ḥakṛent leswaq iwerdaniyen.
Mi yerza ɣef lluzin tusligt n ufares (intaǧ) n yifarisen n AT.PHARMA, yenna-d dakken Lezzayer tesɛa afmiḍi (nisba) yelhan n tduli s yisafaren, yernu ɣef waya ay yessefk ad d-yili uxemmem ɣef ussiǧew n yisafaren ɣer tmura tiwerdaniyin deg ukatar n tmudemt tadamsant tamaynut ay semlen yimasayen unnigen n tmurt.
Yenna-d uneɣlaf dakken assiǧew n yisafaren ad d-yessidef ugar n yedrimen ujhiden i tmurt, am wakken ay d-yenced imasayen (mas’ulin) n teṛmisin tusligin n yisafaren akken ur ttarran lwelha-nsen ala ɣer usseṛwu n ssuq aɣelnaw, wanag yessefk daɣ ad xemmemen ɣef ussiǧew ɣer leswaq n Tefriqt d tmura taɛṛabin yernu ula ɣer Tuṛuft.
« Win ay yebɣan ad yebdu assiǧew n yisafaren yessefk ad yili d aẓeddam yernu ad ibeddel amek yettxemmim », ɣef wakken ay d-yenna, am wakken ay d-ixebber dakken Lezzayer tesɛa tiṛmisin tuẓwirin ay izemren ad qablent acqirrew-a.
ɣef leḥsab n uneɣlaf, Lezzayer tesɛa tizemmar yernu yessefk ad teḍḍef amkan amezwaru deg Tefriqt d umaḍal aɛṛab deg wenrar n ufares n yisafaren, am wakken ay d-iwekked dakken awanak ur yettcuḥḥu ɣef wussisen (maǧhudat) akken ad iɛawen wid ay yebɣan ad ssiǧwen isafaren.
