Asebter amenzawi

Yesselwi uselway Bouteflika timlilit tuḥṛist ɣef tegnit n tɣellist deg wenẓul n tmurt

LEZZAYER TAMANEɣT – Yesselwi uselway n tegduda, Abdelaziz Bouteflika, ass n ttlata deg Lezzayer Tamaneɣt, yiwet n temlilit tuḥṛist ɣef tegnit taɣellisant (amniyya) deg wenẓul (ǧanub) n tmurt d yimukan n ccwal ay yellan deg kra n tmura tinaragin, ɣef wakken ay d-yenna yiwen n welɣu n tselwit n tegduda.

Ttekkan deg temlilit-a uneɣlaf amezwaru, Abdelmalek Sellal, anemhal n udiwan n tselwit n tegduda, Ahmed Ouyahia, aneṣṣaḥ uzzig n uselway n tegduda, Tayeb Belaiz, aneɣlaf n tɣawsiwin n wezɣar, Ramtane Lamamra, anmazul n uneɣlaf n temḥaddit, Ahmed Gaid Salah, aneɣlaf n tɣawsiwin n daxel, Noureddine Bedoui, aneɣlaf n teɣdemt, Tayeb Louh, aneɣlaf n tɣawsiwin n Lmeɣreb, Abdelkader Messahel, aneɣlaf n tnezduɣt, Abdelmadjid Tebboune, aneṣṣaḥ d-yelhan s ussemyuddes n yimeẓla n tɣellist yeqqnen ɣer tselwit n tegduda, Athmane Tartag, amenzaḍ n temsetla (darak) taɣelnawt, ajiniṛal-amajuṛ Menad Nouba d unemhal amatu n tɣellist (amn) taɣelnawt, ajiniṛal-amajuṛ Abdelghani Hamel, ɣef wakken ay d-yenna welɣu-a.