ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
Seg Tasanayt s tmaziɣt imunen
500 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵏ ⵢⵉⵙⴻⵏⴼⴰⵔⴻⵏ ⵉⵃⴻⴱⵙⴻⵏ ⴰⴷ ⵜⵜⵡⴰⵙⵇⴻⴷⵛⴻⵏ ⵉ ⵓⵀⴻⵢⵢⵉ ⵏ ⵜⴻⵎⴷⵉⵏⵜ ⵏ ⵄⴻⵏⵏⴰⴱⴰ
ⵄⴻⵏⵏⴰⴱⴰ,– ⵜⵉⵊⴻⵍⵍⴰⴱⵉⵏ ⴰⵢ ⵢⴻⵜⵜⵡⴰⵡⴻⵀⵀⴰⵏ ⵉ ⵢⵉⵙⴻⵏⴼⴰⵔⴻⵏ ⵉⴳⴻⵔⵙⴻⵏ ⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ (ⵙ ⵍⵇⵉⵎⴰ ⵏ 500 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ) ⴰⴷ ⵜⵜⵡⴰⵙⵇⴻⴷⵛⴻⵏⵜ ⵉ ⵓⵙⵙⴻⵍⵀⵓ ⴷ ⵓⵙⵙⵉⵣⴷⴻⴳ ⵏ ⵜⴻⵎⴷⵉⵏⵜ ⵏ ⵄⴻⵏⵏⴰⴱⴰ ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵅⴻⴱⴱⵔⴻⵏ ⴷⴻⴳ ⵢⵉⵡⴻⵜ ⵏ ⵜⴻⴷⵡⵉⵍⵜ ⵜⴰⵏⵓⵎⴰⵏⵜ ⵏ ⵓⵙⴻⵇⵇⴰⵎⵓ ⴰⵖⴻⵔⴼⴰⵏ ⵏ ⵜⵡⵉⵍⴰⵢⵜ-ⴰ.
400 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵙⴻⴳ ⵢⴻⴷⵔⵉⵎⴻⵏ-ⴰ ⴰⴷ ⵜⵜⵡⴰⵡⴻⵀⵀⵉⵏ ⵉ ⵢⵉⵎⴰⵀⵉⵍⴻⵏ (ⴰⵛⵖⴰⵍ) ⵏ ⵓⵚⴻⴳⴳⴻⵎ ⵏ ⵜⴻⵎⴷⵉⵏⵜ ⵏ ⵄⴻⵏⵏⴰⴱⴰ, ⵎⴰ ⴷ 100 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉ ⵓⵅⴻⵍⵍⴻⵚ ⵏ ⵢⵉⵅⴻⴷⴷⴰⵎⴻⵏ ⴰⵢ ⵉⵍⴻⵇⵇⴹⴻⵏ ⵜⵓⵔⵙⴰⴹ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.
ⵜⴻⵍⵍⴰ-ⴷ ⵜⴻⴷⵡⵉⵍⵜ-ⴰ ⵉ ⵡⴻⵙⵄⴻⴷⴷⵉ ⵏ ⵓⵎⴰⵔⵓⴷ (ⵎⵉⵣⴰⵏⵉⵢⵢⴰ) ⵏ ⵡⴻⵙⵙⵎⴰⴷ ⵏ 2016 ⵢⴻⵜⵜⵡⴰⵇⴻⵢⵢⵎⴻⵏ ⵙ 3 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, ⴳⴰⵔ-ⴰⵙⴻⵏ 2 ⵏ ⵢⵉⵎⴻⵍⵢⴰⵕⴻⵏ ⴰⴷ ⵜⵜⵡⴰⵡⴻⵀⵀⵉⵏ ⵉ ⵜⵎⴻⵙⵖⵉⵡⵜ ⵏ ⵜⵜⴰⵡⵉⵍⴰⵜ ⴷ ⵓⵙⵙⴻⴼⵜⵉ.
