ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⴹⴹⴼⴰ ⵏ 63,4 ⵏ ⵢⵉⵟⵓⵏⴻⵏ ⵏ ⵙⵙⴻⵍⵄⴰ ⵉⵅⴻⵚⵔⴻⵏ ⴷⴻⴳ 6 ⵏ ⵜⵡⵉⵍⴰⵢⵉⵏ ⵏ ⵡⴻⴳⵎⵓⴹ

ⵜⴰⴱⴰⵜⴻⵏⵜ – 63,4 ⵏ ⵢⵉⵟⵓⵏⴻⵏ ⵏ ⵢⵉⴼⴰⵔⵉⵙⴻⵏ ⵏ ⵜⵓⵞⵞⵉⵜ ⵉⵅⴻⵚⵔⴻⵏ (ⵙ ⵡⴰⵣⴰⵍ ⵏ 93,1 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ) ⴰⵢ ⵢⴻⵜⵜⵡⴰⴹⴹⴼⴻⵏ ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⴱⴷⴰ ⵔⴻⵎⴹⴰⵏ ⴷⴻⴳ 6 ⵏ ⵜⵡⵉⵍⴰⵢⵉⵏ ⵢⴻⵇⵇⵏⴻⵏ ⵖⴻⵔ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵜⴰⵎⵏⴰⴹⴰⵏⵜ ⵏ ⵜⵏⴻⵣⵣⵓⵜ ⵏ ⵜⴱⴰⵜⴻⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵜⵜⵍⴰⵜⴰ, ⵓⵎⴰⵙⴰⵢ ⵏ ⵜⵎⴻⵀⵍⴰ-ⴰ, ⴱⵔⴰⵀⵉⵎ ⴽⵀⵉⴷⵀⵔⵉ.

ⴷⴻⴳ ⵜⴰⵍⵍⵉⵜ-ⵏⵏⵉ ⴷⴰⵖ, ⵓⴼⴰⵏⵜ-ⴷ ⵜⴻⴼⴻⵔⵇⵜⵉⵏ ⵏ ⵓⵙⵙⴻⴼⵇⴻⴷ ⵏ ⵜⵡⵉⵍⴰⵢⵉⵏ ⵏ ⵜⴱⴰⵜⴻⵏⵜ, ⵓⵎ ⵍⴻⴱⵡⴰⵇⵉ, ⵜⵉⴱⴻⵙⴽⴻⵔⵜ, ⵜⴱⴻⵙⵙⴰ, ⵇⵙⴻⵏⵟⵉⵏⴰ ⴷ ⵜⵅⴻⵏⵛⴻⵍⵜ 658 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⴰⵢⵖⴻⴼ ⵓⵔ ⴷ-ⵜⴻⵍⵍⵉ ⵜⴼⴰⵜⵓⵕⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵙⵙⵓⵎⵔⴻⵏⵜ ⴰⵎⴷⴰⵍ ⵏ 430 ⵏ ⵜⵃⵓⵏⴰ ⵉⵎⵉ ⵓⵔ ⵇⵓⴷⵔⴻⵏⵜ ⵉⵍⵓⴳⴰⵏ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ (ⵎⴰⵙ’ⵓⵍ).

ⵓⴳⴰⵔ ⵏ 173 ⵏ ⵜⴼⴻⵔⵇⵜⵉⵏ ⵏ ⵓⵙⵙⴻⴼⵇⴻⴷ ⵏ ⵜⵖⴰⵔⴰ (ⴵⴰⵡⴷⴰ) ⴷ ⵢⵉⵎⴻⵏⵖⵉ ⵎⴳⴰⵍ ⵡⴻⴷⵖⴰⵍ ⴷ 182 ⵏ ⵜⴼⴻⵔⵇⵜⵉⵏ ⵏ ⵓⵙⵙⴻⴼⵇⴻⴷ ⵏ ⵜⵙⴻⵎⵔⴰⵙ ⵏ ⵜⵏⴻⵣⵣⵓⵜ ⴰⵢ ⵢⴻⵜⵜⵡⴰⵙⴱⴻⴳⵙⴻⵏ ⴰⴽⴽⴻⵏ ⴰⴷ ⵙⵙⴻⵃⴱⵉⴱⵔⴻⵏⵜ ⵖⴻⴼ ⵜⴷⴰⵡⵙⴰ (ⵚⵉⵃⵃⴰ) ⵏ ⵎⴻⴷⴷⴻⵏ ⴷⴻⴳ ⵜⵡⵉⵍⴰⵢⵉⵏ-ⴰ ⴰⵏⴷⴰ ⴰⵢ ⴳⴰⵏⵜ 34.574 ⵏ ⵜⴳⴻⵔⵎⴰⵏⵉⵏ, ⵖⴻⴼ ⵍⴻⵃⵙⴰⴱ ⵏ ⵓⵎⴰⵙⴰⵢ-ⴰ.

ⵜⵉⴳⴻⵔⵎⴰⵏⵉⵏ-ⴰ ⵙⵙⴰⵡⴹⴻⵏⵜ ⵖⴻⵔ ⵓⵙⵙⵓⴼⴼⴻⵖ ⵏ 7.222 ⵏ ⵍⴻⵅⴹⴻⵢⵢⴰⵜ ⵖⴻⴼ ⵍⴵⴰⵍ ⵏ ⵍⵇⴻⵍⵍⴰ ⵏ ⵜⴻⵣⴷⴻⴳ (996 ⵏ ⵍⵉⵃⴰⵍⴰⵜ), ⵍⵇⴻⵍⵍⴰ ⵏ ⵓⵇⴰⴷⴻⵔ ⵏ ⵜⴻⵥⵖⴻⵍⵜ ⵏ ⵡⴻⵊⵎⴰⵄ ⵏ ⵙⵙⴻⵍⵄⴰ (495 ⵏ ⵍⵉⵃⴰⵍⴰⵜ), ⴰⵙⵙⴻⵏⵣⵉ ⵏ ⵙⵙⴻⵍⵄⴰ ⵉⵅⴻⵚⵔⴻⵏ (440 ⵏ ⵍⵉⵃⴰⵍⴰⵜ) ⴷ ⵓⵙⵙⴻⵏⵣⵉ ⵏ ⵙⵙⴻⵍⵄⴰ ⴱⴻⵕⵕⴰ ⵉ ⵍⵎⴰⵃⴻⵍ (335 ⵏ ⵍⵉⵃⴰⵍⴰⵜ) ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵍⵍⴰⵏⵜ-ⴷ ⴷⴰⵖ 751 ⵏ ⵍⵉⵃⴰⵍⴰⵜ ⴰⵢⴷⴻⴳ ⵉⵎⴰⵡⵍⴰⵏ ⵏ ⵜⵃⵓⵏⴰ ⵓⵔ ⴵⴵⵉⵏ ⵉⵎⴻⴳⴳⵉⵢⴻⵏ (ⴰⵄⵡⴰⵏ) ⵏ ⵓⵙⵙⴻⴼⵇⴻⴷ ⴰⴷ ⴳⴻⵏ ⵛⵛⵖⴻⵍ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⴰⵎⵏⴰⴹⴰⵏ ⵏ ⵜⵏⴻⵣⵣⵓⵜ.