ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙⴻⴽⵢⴻⴷ ⵏ ⵢⵉⵙⴻⵏⴼⴰⵔⴻⵏ ⵏ ⵜⵉⵛⵛⵓⵔⴽⴰ ⴳⴰⵔ ⵍⴻⵣⵣⴰⵢⴻⵔ ⴷ ⴽⵓⵔⵢⴰ ⵏ ⵡⴻⵏⵥⵓⵍ ⴷⴻⴳ ⵢⴻⵃⵔⵉⵛⴻⵏ ⵏ ⵡⴰⵎⴰⵏ ⴷ ⵜⵡⴻⵏⵏⴰⴹⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ- ⵢⴻⵎⵎⵓⴳⴻⵔ ⵓⵏⴻⵖⵍⴰⴼ ⵏ ⵜⴻⵖⴱⵓⵍⴰ (ⵎⴰⵡⴰⵔⵉⴷ) ⵏ ⵡⴰⵎⴰⵏ ⴷ ⵜⵡⴻⵏⵏⴰⴹⵜ, ⴰⴱⴷⴻⵍⴽⴰⴷⴻⵔ ⵧⵓⴰⵍⵉ, ⴰⵙⵙ ⵏ ⵍⴰⵕⴻⴱⵄⴰ, ⴰⵏⵎⴰⵀⴰⵍ (ⵙⴰⴼⵉⵔ) ⵏ ⴽⵓⵔⵢⴰ ⵏ ⵡⴻⵏⵥⵓⵍ ⴷⴻⴳ ⵍⴻⵣⵣⴰⵢⴻⵔ, ⵒⴰⵔⴽ ⵙⴰⵏⴳ ⵊⵉⵏ ⴽⵉⵎ, ⵢⴻⵔⵏⵓ ⵙⴽⴻⵢⴷⴻⵏ ⵉⵙⴻⵏⴼⴰⵔⴻⵏ ⵏ ⵜⵉⵛⵛⵓⵔⴽⴰ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ ⵏ ⵡⴰⵎⴰⵏ ⴷ ⵜⵡⴻⵏⵏⴰⴹⵜ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ.
« ⵉⵃⵓⵣⴰ-ⴷ ⵡⴻⵙⵇⴻⵔⴷⴻⵛ-ⴰ ⵖⴻⴼ ⵢⵉⵙⴻⵏⴼⴰⵔⴻⵏ ⵏ ⵜⵉⵛⵛⵓⵔⴽⴰ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⴷⴻⴳ ⵢⵉⵏⵓⵔⴰⵔ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⴷ ⵜⵡⴻⵏⵏⴰⴹⵜ. ⵢⴻⵍⵍⴰ-ⴷ, ⴷⴻⴳ ⵡⴻⵎⵢⴰⴳⴻⵔ-ⴰ, ⵓⵇⴻⵢⵢⴻⵎ ⵏ ⵜⴻⴳⵏⵉⵜ ⵏ ⵡⴻⵎⵄⴰⵡⴻⵏ ⵉⵙⵉⵏⴷⵉⵙ ⴰⵎⴰ ⵙⴻⴳ ⵢⵉⴷⵉⵙ ⴰⵙⵓⴷⴰⵏ (ⵎⵓ’ⴰⵙⵙⴰⵙⴰⵜⵉ) ⵏⴻⵖ ⵙⴻⴳ ⵢⵉⴷⵉⵙ ⴰⴷⴰⵎⵙⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ ⴰⵢ ⴷ-ⵉⵡⴻⴽⴽⴷⴻⵏ ⴷⴰⴽⴽⴻⵏ ⵉⵙⴻⵏⴼⴰⵔⴻⵏ ⵏ ⵓⵀⴻⵢⵢⵉ ⵏ ⵡⴰⵙⵉⴼ ⵏ ⵍⵃⴻⵕⵕⴰⵛ (ⵍⴻⵣⵣⴰⵢⴻⵔ) ⴷ ⵡⵉⴷ ⵏ ⵔⵓⵎⴻⵍ ⴷ ⴱⵓⵎⴻⵔⵣⵓⴳ (ⵇⵙⴻⵏⵟⵉⵏⴰ) ⵜⵜⵡⴰⵡⴻⴽⴽⵍⴻⵏ ⵉ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵏ ⴽⵓⵔⵢⴰ ⵏ ⵡⴻⵏⵥⵓⵍ.
ⵖⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ, ⵣⴻⵎⵔⴻⵏⵜ ⴰⴷ ⵜⵜⵡⴰⵡⴻⴽⴽⵍⴻⵏⵜ ⴷⴰⵖ ⵜⴻⵕⵎⵉⵙⵉⵏ ⵏ ⴽⵓⵔⵢⴰ ⵏ ⵡⴻⵏⵥⵓⵍ ⴷⴻⴳ ⵓⵙⵙⴻⴹⵔⵓ (ⵉⵏⴵⴰⵣ) ⵏ ⵢⵉⵙⴻⵏⴼⴰⵔⴻⵏ ⵢⴻⵛⴱⴰⵏ ⵡⵉ.
ⵛⴻⴽⵕⴻⵏ-ⴷ ⵙⵉⵏ-ⴰ ⵏ ⵢⵉⴷⵉⵙⴰⵏ ⵜⴰⴳⵏⵉⵜ ⴰⵢⴷⴻⴳ ⵍⵍⴰⵏ ⵡⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⴽⵓⵔⵢⴰ ⵏ ⵡⴻⵏⵥⵓⵍ, ⴰⵎ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴷⴰⴽⴽⴻⵏ ⵄⴻⵡⵡⵍⴻⵏ ⴰⴷ ⵅⴻⴷⵎⴻⵏ ⴷⴷⵓⴽⵍⵉ ⴰⴽⴽⴻⵏ ⴰⴷ ⵙⵏⴻⴼⵍⵉⵏ ⵜⵉⵛⵛⵓⵔⴽⴰ ⴰⵔⴰ ⴷ-ⵢⴰⵡⵉⵏ ⵍⴼⴰⵢⴷⴰ ⵉ ⵙⵏⴰⵜ-ⴰ ⵏ ⵜⵎⵓⵔⴰ ⴷⴻⴳ ⵢⵉⵏⵓⵔⴰⵔ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⴷ ⵜⵡⴻⵏⵏⴰⴹⵜ.
ⵍⴻⵣⵣⴰⵢⴻⵔ ⴷ ⴽⵓⵔⵢⴰ ⵏ ⵓⴳⴰⴼⴰ ⵙⵜⴻⵏⵢⴰⵏⵜ 3 ⵏ ⵜⵙⴻⴽⵜⴰⵢⵉⵏ ⵏ ⵡⴻⵎⵙⴻⴼⵀⴰⵎ ⴷⴻⴳ ⵢⵉⵏⵓⵔⴰⵔ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⴷ ⵜⵡⴻⵏⵏⴰⴹⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵡⴻⵍⵖⵓ-ⴰ.
