ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⵓⴷⴷⴻⵙ ⵏ ⵍⴼⴰⴹⵓⵔ ⵉ 1200 ⵏ ⵢⵉⴳⵓⵊⵉⵍⴻⵏ ⴷ ⵜⵓⴵⴵⴰⵍ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵇⵓⴱⴱⴻⵜ (ⵜⵉⴷⴷⵓⴽⵍⴰ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⴷ ⵜⴻⵙⵙⵓⴷⴷⴻⵙ ⵜⵉⴷⴷⵓⴽⵍⴰ ⵏ « ⴽⴰⴼⴻⵍ ⴻⵍ-ⵢⴰⵜⵉⵎ » ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵓⵙⴰⵔⵉⵔ (ⵎⴰⵍⵄⴰⴱ) ⵏ ⴱⴻⵏⵀⴰⴷⴰⴷ (ⵜⴰⵇⵓⴱⴱⴻⵜ), ⵍⴼⴰⴹⵓⵔ ⵉ ⵍⴼⴰⵢⴷⴰ ⵏ 1200 ⵏ ⵢⵉⴳⵓⵊⵉⵍⴻⵏ ⴷ ⵜⵓⴵⴵⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵅⴻⴱⴱⴻⵔ ⵓⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ-ⴰ, ⵎⵧⵀⴰⵎⴻⴷ ⵀⴰⴱⴰⵉⵏⴰ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ, ⵢⴻⵏⵏⴰ-ⴷ ⵎⴰⵙⵙ ⵀⴰⴱⴰⵉⵏⴰ ⴷⴰⴽⴽⴻⵏ ⵕⵕⴰⵢ-ⴰ ⴷ ⴰⵃⵔⵉⵛ ⵙⴻⴳ ⵢⵉⵅⴻⴷⴷⵉⵎⴻⵏ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⵏ ⵜⵉⴷⴷⵓⴽⵍⴰ ⴷⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ.

ⵓⵇⴱⴻⵍ ⵍⴼⴰⴹⵓⵔ-ⴰ, ⴰⴷ ⴷ-ⵉⵍⵉⵏ ⵢⴻⵔⵎⵓⴷⴻⵏ ⵏ ⵣⵣⵀⵓ ⴷ ⵓⵙⵙⴻⵍⵎⴻⴷ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵢⵉⵍⵉ ⵓⵊⴻⵡⵡⴻⴷ ⵏ ⵍⴻⵇⵔⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ (ⵎⴰⵙ’ⵓⵍ).

ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⵉⴷⴷⵓⴽⴰ-ⴰ ⴷⴰⴽⴽⴻⵏ ⵜⵉⵖⵔⵉ ⴰⵢ ⴷ-ⴳⵔⴻⵏ ⵉ ⵓⵙⵙⴻⵔⴱⴻⵃ ⵏ ⵜⴻⴷⵢⴰⵏⵜ-ⴰ ⵜⴻⴳⵍⴰ-ⴷ ⵙ ⵍⴼⴰⵢⴷⴰ ⵙⵖⵓⵔ ⵡⴰⵢⵜ ⵍⵅⵉⵔ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵔⵎⵓⴷⴻⵏ (ⵏⴰⵛⴰⵟⴰⵜ) ⵏ ⵜⴻⵎⵙⴻⵜⵍⴻⵍⵜ ⵏ ⵜⵉⴷⴷⵓⴽⵍⴰ-ⴰ ⴷⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ, ⵢⴻⵏⵏⴰ-ⴷ ⵓⵎⴰⵙⴰⵢ-ⴰ ⴷⴰⴽⴽⴻⵏ ⴼⴻⵔⵇⴻⵏ 6000 ⵏ ⵢⵉⴹⴻⵍⵍⴰⵄⴻⵏ ⵉ ⵢⵉⴳⵓⵊⵉⵍⴻⵏ ⴷ ⵜⵓⴵⴵⴰⵍ ⴷ ⵡⵓⴳⴰⵔ ⵏ 2300 ⵏ ⵜⴻⴳⵔⵓⵎⵎⵉⵡⵉⵏ ⵏ ⵢⵉⵛⴻⴹⴹⵉⴹⴻⵏ ⵏ ⵍⵄⵉⴷ, ⴰⵎ ⵡⴰⴽⴽⴻⵏ ⵓⵔ ⵜⵜⵄⴻⴹⴹⵉⵍⴻⵏ ⴰⴷ ⵔⵏⵓⵏ ⴰⴷ ⴼⴻⵔⵇⴻⵏ ⵜⵉⴳⵔⵓⵎⵎⵉⵡⵉⵏ ⵏ ⵢⵉⵛⴻⴹⴹⵉⴹⴻⵏ ⵏ ⵍⵄⵉⴷ ⵉ 630 ⵏ ⵢⵉⴳⵓⵊⵉⵍⴻⵏ.

2968 ⵏ ⵢⵉⴳⵓⵊⵉⵍⴻⵏ ⴷ 1400 ⵏ ⵜⵓⴵⴵⴰⵍ ⵓⵎⵉ ⵜⴻⴱⴷⴻⴷ ⵜⵉⴷⴷⵓⴽⵍⴰ ⵏ ⴽⴰⴼⴻⵍ ⴻⵍ-ⵢⴰⵜⵉⵎ ⴰⵢⴷⴻⴳ ⵅⴻⴷⴷⵎⴻⵏ 270 ⵏ ⵢⵉⵡⵉⵣⵉⵢⴻⵏ ⴷⴻⴳ 22 ⵏ ⵜⴻⵎⵔⵓⵣⵉⵏ (ⵎⴰⵍⴰⵃⵉⵇ) ⴷⴻⴳ ⵜⵖⵉⵡⴰⵏⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ.

ⵢⴻⵏⵏⴰ-ⴷ ⵓⵎⴰⵙⴰⵢ-ⴰ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴰⴽⴽⴻⵏ ⴰⵟⴰⵙ ⵏ ⵜⵏⴰⵔⵉⵢⵉⵏ (ⵎⴰⴽⴰⵜⵉⴱ) ⵏⵉⴹⴻⵏ ⴰⵔⴰ ⵔⵏⵓⵏ ⴰⴷ ⵜⴻⵏⵜ-ⵔⴻⵥⵎⴻⵏ ⴷⴻⴳ ⵜⵖⵉⵡⴰⵏⵉⵏ ⵏⵉⴹⴻⵏ ⴰⴽⴽⴻⵏ ⴰⴷ ⵙⵎⴻⵖⵔⴻⵏ ⵍⴻⵛⵖⴰⵍ ⵏ ⵜⵉⴷⴷⵓⴽⵍⴰ-ⴰ.