Asebter amenzawi

Assuddes n lfaḍur i 1200 n yigujilen d tuǧǧal ass n lexmis deg Tqubbet (tiddukla)

LEZZAYER TAMANEɣT – Ad tessuddes tiddukla n « Kafel El-Yatim » n twilayt n Lezzayer, ass n lexmis deg usarir (malɛab) n Benhadad (Taqubbet), lfaḍur i lfayda n 1200 n yigujilen d tuǧǧal, ɣef wakken ay aɣ-d-ixebber uselway n tiddukla-a, Mohamed Habaina.

Deg yiwet n tseɣrut (taṣriḥ) i Tnegga n Yisalan n Lezzayer, yenna-d Mass Habaina dakken ṛṛay-a d aḥric seg yixeddimen n temsetlelt (taḍamun) n tiddukla deg wayyur n Remḍan.

Uqbel lfaḍur-a, ad d-ilin yermuden n zzhu d usselmed, am wakken ara d-yili ujewwed n Leqran, ɣef wakken ay d-yenna umasay-a (mas’ul).

Yenna-d uselway n tidduka-a dakken tiɣri ay d-gren i usserbeḥ n tedyant-a tegla-d s lfayda sɣur wayt lxir.

Deg wayen yerzan irmuden (nacaṭat) n temsetlelt n tiddukla-a deg wayyur n Remḍan, yenna-d umasay-a dakken ferqen 6000 n yiḍellaɛen i yigujilen d tuǧǧal d wugar n 2300 n tegrummiwin n yiceḍḍiḍen n lɛid, am wakken ur ttɛeḍḍilen ad rnun ad ferqen tigrummiwin n yiceḍḍiḍen n lɛid i 630 n yigujilen.

2968 n yigujilen d 1400 n tuǧǧal umi tebded tiddukla n Kafel El-Yatim aydeg xeddmen 270 n yiwiziyen deg 22 n temruzin (malaḥiq) deg tɣiwanin yemgerraden n twilayt n Lezzayer.

Yenna-d umasay-a, seg yidis niḍen, dakken aṭas n tnariyin (makatib) niḍen ara rnun ad tent-reẓmen deg tɣiwanin niḍen akken ad smeɣren lecɣal n tiddukla-a.