Asebter amenzawi

Isehwa n webrid: 13 ay yemmuten, jerḥen 322 deg yiwet n dduṛt (tamsetla taɣelnawt)

LEZZAYER TAMANEɣT– 13 n yemdanen ay yemmuten, jerḥen 322 n wiyaḍ deg 255 n yisehwa n webrid ay d-yellan deg temdinin deg tallit n 21 d 27 Yunyu, ɣef leḥsab n tecrawt ay d-tessuffeɣ ass n laṛebɛa temsetla (darak) taɣelnawt.

Iban-d, deg tecrawt-a, dakken yenqes cwiṭ wemḍan n (ɛadad) n yisehwa (s 3), maca yerna wemḍan n yimejraḥ (s 39) d win n yimettanen (s 3).

Ssebba tamezwarut n yisehwa n tkeṛṛusin d tuccḍa n wemdan.

Seg yidis niḍen, tger-d tmehla tamatut n tɣellist taɣelnawt tiɣri i yiseqdacen n webrid akken ad qadren lqanun n webrid yernu ad ttḥadaren akken ad ḍemnen taɣellist (salama) n wakk medden, am wakken ay yella d-yettɣimi wuḍḍun 1548 i lfayda n medden deg yiḍ, deg wass.