ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵄⴻⵏⵏⴰⴱⴰ: 3 ⵙⴻⴳ ⵢⵉⴳⴻⵔⴷⴰⵏ ⵢⴻⵜⵜⴻⴽⴽⴰⵏ ⴷⴻⴳ ⵛⵛⵡⴰⵍ ⵓⵖⴰⵍⴻⵏ ⵖⴻⵔ ⵜⵡⴰⵛⵓⵍⵉⵏ-ⵏⵙⴻⵏ ⵙⴻⴳ ⵍⴻⵄⴹⵉⵍ ⴰⴷ ⵜⵜⵡⴰⵛⴰⵕⵄⴻⵏ
ⵄⴻⵏⵏⴰⴱⴰ – 3-ⵏⵏⵉ ⵏ ⵢⵉⴳⴻⵔⴷⴰⵏ, ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵛⵛⵡⴰⵍ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⴹ ⵏ ⵙⵙⴻⴱⵜ ⴷ ⵍⵃⴻⴷⴷ ⴷⴻⴳ ⵄⴻⵏⵏⴰⴱⴰ ⵖⴻⴼ ⵍⴵⴰⵍ ⵏ ⵜⵓⴽⴽⵙⴰ ⵏ ⵢⵉⵎⵓⴽⴰⵏ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ) ⵓⵔ ⵢⴻⵜⵜⵅⴻⵍⵍⵉⵚⴻⵏ ⵍⴻⵖⵔⴰⵎⴰ, ⵉⵙⴻⵔⵔⴻⵃ-ⴰⵙⴻⵏ-ⴷ ⵍⵇⴰⴹⵉ ⵏ ⵢⵉⴳⴻⵔⴷⴰⵏ ⵏ ⵛⵛⵕⴻⵄ ⵏ ⵄⴻⵏⵏⴰⴱⴰ ⴰⴽⴽⴻⵏ ⴰⴷ ⵓⵖⴰⵍⴻⵏ ⵖⴻⵔ ⵜⵡⴰⵛⵓⵍⵉⵏ-ⵏⵙⴻⵏ, ⵙⴻⴳ ⵍⴻⵄⴹⵉⵍ ⴰⴷ ⵜⵜⵡⴰⵛⴰⵕⵄⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⴻⵖⴱⴰⵍⵓⵜ (ⵎⴰⵚⴷⴰⵔ) ⵏ ⵜⴻⵖⴷⴻⵎⵜ.
ⵜⴻⵏⵏⴰ-ⴷ ⵜⴻⵖⴱⴰⵍⵓⵜ-ⴰ ⴷⴰⴽⴽⴻⵏ ⴰⵣⴻⵎⵣ (ⵜⴰⵔⵉⵅ) ⵏ ⵓⵛⴰⵕⴻⵄ ⵏ ⵢⵉⵎⴻⵥⵢⴰⵏⴻⵏ-ⴰ ⵢⴻⵙⵄⴰⵏ 17 ⵏ ⵢⵉⵙⴻⴳⴳⴰⵙⴻⵏ ⴰⴷ ⵜ-ⵉⴷ-ⵃⵓⴷⴷⴻⵏ ⵙⴰⴽⴽⵉⵏ.
23 ⵏ ⵢⴻⵎⴷⴰⵏⴻⵏ, ⴳⴰⵔ-ⴰⵙⴻⵏ 3 ⵏ ⵢⵉⴳⴻⵔⴷⴰⵏ, ⴰⵢ ⵢⴻⵜⵜⵡⴰⵛⴰⵕⵄⴻⵏ ⵖⴻⴼ ⵜⴻⵎⵙⴰⵍⵜ-ⴰ ⵖⴻⴼ ⵍⴵⴰⵍ ⵏ « ⵡⴻⵎⵙⴻⴳⵔⴰⵡ ⵉⵎⵙⴻⵍⵍⴻⵃ, ⴰⵜⵄⴻⴷⴷⵉ ⵖⴻⴼ ⵍⴻⵀⵏⴰ, ⵜⵓⴽⴻⵔⴹⴰ ⵙ ⵜⵔⵓⵥⵉ ⵏ ⵜⴻⵡⵡⵓⵔⵜ ⴷ ⵡⴻⵜⵄⴻⴷⴷⵉ ⵙ ⵢⵉⵖⵉⵍ ⵖⴻⴼ ⵢⵉⵎⴻⴳⴳⵉⵢⴻⵏ (ⴰⵄⵡⴰⵏ) ⵏ ⵜⴷⵓⵙⵉ ⵜⴰⵏⴰⴳⴷⵓⴷⵜ ».
12 ⵙⴻⴳ ⵡⵉⴷ ⴰⵢ ⵢⴻⵜⵜⵡⴰⴹⴹⴼⴻⵏ ⵜⵜⵡⴰⵃⴻⴱⵙⴻⵏ ⵙⴻⴳ ⵍⴻⵄⴹⵉⵍ ⴰⴷ ⵜⵜⵡⴰⵛⴰⵕⵄⴻⵏ, ⵎⴰ ⴷ 8 ⵏⵉⴹⴻⵏ ⵔⵙⴻⵏ ⴷⴷⴰⵡ ⵜⵄⴻⵙⵙⴰⵙⵜ ⵏ ⵛⵛⵕⴻⵄ. ⵉⵎⴷⴰⵏⴻⵏ-ⴰ ⴰⴷ ⵄⴻⴷⴷⵉⵏ ⴷⴻⴳ ⵛⵛⵕⴻⵄ ⴰⵙⵙ ⵏ 12 ⵢⵓⵍⵢⵓ ⴰⵢ ⴷ-ⵢⴻⵜⵜⴻⴷⴷⵓ.
