ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴷⵣⴰⵢⵔⵉⵜ ⵏ ⵡⴰⵎⴰⵏ ⵏ ⵄⴻⵏⵏⴰⴱⴰ: ⴰⵅⴻⴷⴷⵉⵎ ⴷ ⵜⴻⵕⵎⵉⵙⵉⵏ ⵏ ⵢⵉⵍⴻⵎⵥⵉⵢⴻⵏ

ⵄⴻⵏⵏⴰⴱⴰ – ⵜⴳⴻⵔ-ⴷ ⵜⵉⵖⵔⵉ, ⵜⴻⵕⵎⵉⵙⵜ (ⵛⴰⵔⵉⴽⴰ) ⵏ ⵜⴷⵣⴰⵢⵔⵉⵜ ⵏ ⵡⴰⵎⴰⵏ ⵏ ⵄⴻⵏⵏⴰⴱⴰ, ⵉ ⵜⴻⵕⵎⵉⵙⵉⵏ ⵏ ⵢⵉⵍⴻⵎⵥⵉⵢⴻⵏ ⴰⵢ ⴷ-ⵢⴻⵏⵏⵓⵍⴼⴰⵏ ⵙ ⵜⵜⴰⵡⵉⵍ ⵏ ⴰⵏⵙⴻⵊ ⴷ ⵛⵏⴰⵛ ⴰⴽⴽⴻⵏ ⴰⴷ ⵙⵙⴻⵔⵙⴻⵏⵜ 18.000 ⵏ ⵢⵉⵃⴻⵙⵙⴰⴱⴻⵏ ⵏ ⵡⴰⵎⴰⵏ ⴷⴻⴳ ⵢⴻⵅⵅⴰⵎⴻⵏ ⵏ ⵢⵉⵎⴻⵣⴷⴰⵖⴻⵏ ⵏ ⵜⵡⵉⵍⴰⵢⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵜⴻⵕⵎⵉⵙⵜ-ⴰ ⴰⵙⵙ ⵏ ⵍⴰⵕⴻⴱⵄⴰ.

ⵢⴻⵍⵍⴰ-ⴷ ⵡⴰⵢⴰ ⵉ ⵍⵎⴻⵏⴷ ⵏ ⵡⴻⵙⵎⴰⵍ (ⵜⴰⵔⵇⵉⵢⴰ) ⴷ ⵡⴻⵙⵏⴻⴼⵍⵉ ⵏ ⵓⵡⴻⴽⴽⴻⵍ ⵏ ⵓⵅⴻⴷⴷⵉⵎ ⴷ ⵓⵙⵙⴻⴱⵖⴻⵙ ⴷ ⵓⵄⴰⵡⴻⵏ ⵏ ⵜⴻⵕⵎⵉⵙⵉⵏ ⵜⵉⵎⴻⵥⵢⴰⵏⵉⵏ ⴰⵢ ⴷ-ⵢⴻⵏⵏⵓⵍⴼⴰⵏ ⵙ ⵜⵜⴰⵡⵉⵍⴰⵜ ⵏ ⵍⴻⵎⵄⴰⵡⵏⴰ ⵏ ⵢⵉⵍⴻⵎⵥⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵜⴷⵣⴰⵢⵔⵉⵜ ⵏ ⵡⴰⵎⴰⵏ.

ⵜⴻⵏⵏⴰ-ⴷ ⴷⴰⵖ ⵜⴻⵕⵎⵉⵙⵜ-ⴰ ⴷⴰⴽⴽⴻⵏ ⵉⵙⵡⵉ ⵏ ⵓⵙⴻⵏⴼⴰⵔ ⵏ ⵓⵙⵙⴻⵔⵙⵉ ⵏ ⵢⵉⵃⴻⵙⵙⴰⴱⴻⵏ ⵏ ⵡⴰⵎⴰⵏ ⵏⴻⵜⵜⴰ ⴷ ⴰⵙⵙⴻⵕⵛⴻⴷ ⵏ ⵓⵙⵙⴻⵇⴷⴻⵛ ⵏ ⵡⴰⵎⴰⵏ ⴷ ⵢⵉⵎⴻⵏⵖⵉ ⵎⴳⴰⵍ ⵓⵙⵙⴻⴼⵙⴻⴷ-ⵏⵙⴻⵏ, ⴰⵎ ⵡⴰⴽⴽⴻⵏ ⴰⵢ ⵜⴻⴱⵖⴰ ⴷⴰⵖ ⵜⴻⵕⵎⵉⵙⵜ-ⴰ ⴰⴷ ⵜⴻⵙⵙⴻⵍⵀⵓ ⵉⵎⴻⵥⵍⴰ (ⵅⴰⴷⴰⵎⴰⵜ) ⵏ ⵡⴻⴼⵔⴰⵇ ⵏ ⵡⴰⵎⴰⵏ.

ⵛⵛⵖⴻⵍ-ⴰ ⴰⴷ ⵢⴻⴵⴵ ⵜⴰⵕⵎⵉⵙⵜ-ⴰ ⴰⴷ ⵜⴻⵃⴽⴻⵎ ⵎⵍⵉⵃ ⴷⴻⴳ ⵓⵙⵙⴻⴼⵔⴻⴽ (ⵜⴰⵙⵢⵉⵔà) ⵏ ⵡⴰⵎⴰⵏ ⴷ ⵓⵙⵙⴻⵏⵇⴻⵙ ⵏ ⵍⴻⵅⵚⴰⵔⴰ-ⵏⵙⴻⵏ.

ⵜⵉⴳⴳⴻⵜ (ⵡⵉⵃⴷⴰ) ⵏ ⵜⴷⵣⴰⵢⵔⵉⵜ ⵏ ⵡⴰⵎⴰⵏ ⵏ ⵄⴻⵏⵏⴰⴱⴰ ⵜⴼⴻⵔⵔⴻⵇ ⴰⵎⴰⵏ, ⵙ ⵓⵊⴻⵎⵎⴰⵍ, ⵉ 134.000 ⵏ ⵢⴻⵎⵏⴻⵣⴷⵉⵢⴻⵏ (ⵎⵓⵛⵜⴰⵔⵉⴽⵉⵏ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.