Asebter amenzawi

Tadzayrit n Waman n Ɛennaba: axeddim d teṛmisin n yilemẓiyen

ƐENNABA – Tger-d tiɣri, teṛmist (carika) n Tdzayrit n Waman n Ɛennaba, i teṛmisin n yilemẓiyen ay d-yennulfan s ttawil n ANSEJ d CNAC akken ad ssersent 18.000 n yiḥessaben n waman deg yexxamen n yimezdaɣen n twilayt-a, ɣef wakken ay aɣ-d-txebber teṛmist-a ass n laṛebɛa.

Yella-d waya i lmend n wesmal (tarqiya) d wesnefli n uwekkel n uxeddim d ussebɣes d uɛawen n teṛmisin timeẓyanin ay d-yennulfan s ttawilat n lemɛawna n yilemẓiyen, ɣef wakken ay d-ixebber yiwen n welɣu (bayan) n Tdzayrit n Waman.

Tenna-d daɣ teṛmist-a dakken iswi n usenfar n ussersi n yiḥessaben n waman netta d asseṛced n usseqdec n waman d yimenɣi mgal ussefsed-nsen, am wakken ay tebɣa daɣ teṛmist-a ad tesselhu imeẓla (xadamat) n wefraq n waman.

Ccɣel-a ad yeǧǧ taṛmist-a ad teḥkem mliḥ deg ussefrek (tasyirà) n waman d ussenqes n lexṣara-nsen.

Tigget (wiḥda) n Tdzayrit n Waman n Ɛennaba tferreq aman, s ujemmal, i 134.000 n yemnezdiyen (muctarikin), ɣef wakken ay d-yenna welɣu-a.