Asebter amenzawi

Ugar n 900 n yimeggiyen n ussefqed deg leswaq n yiceḍḍiḍen d temẓidin deg Lezzayer Tamaneɣt

LEZZAYER TAMANEɣT – Ugar n 900 n yimeggiyen (aɛwan) ay tessebges Tmehla n Tnezzut (tiǧara) n twilayt n Lezzayer i ussefqed n ssuq n yiceḍḍiden, irkasen d yilellac aydeg d-tettili tnezzut tameqrant deg wussan ineggura n Remḍan.

Yenna-aɣ-d yiɣef n umeẓlu (maṣlaḥa) n tɣara d yimenɣi mgal wedɣal, Abdelwahab Herkas, dakken « imeggiyen n ussefqed ssugguten, deg dduṛt-a taneggarut n wayyur n Remḍan, tuffɣiwin-nsen ɣer leswaq n yiceḍḍiḍen, n yerkasen d yilellac, war ma ttun, tiḥuna yesnuzuyen ifarisen n ussuder (istihlak) ameqran, ladɣa ifarisen n temẓidin ayɣef yegget ussuter deg tallit-a ».

Deg wayen yerzan imsektayen ay d-gren deg leḥsab i ussefqed n yiceḍḍiḍen, yenna-d dakken yessefk ad ilin yiceḍḍiden yettnuzun sɛan tameṛka, ccac-nsen ad yili yelha yernu ttqadaren tigna (maɛayir) titwilanin, am wakken ay d-yenna dakken lemmer ur iseɛɛu uceḍḍiḍ tameṛka, aya ad yili d ttbut dakken ur iquder lqanun.

Win ay la yesnuzuyen iceḍḍiḍen n tmeṛka ur yettwakelsen (musaǧǧala) ad teccetki fell-as tmehla n tnezzut, ɣef wakken ay d-yenna.

Deg wayen yerzan ssuma n yiceḍḍiḍen n yigerdan, yenna-d Mass Herkas dakken tella tlelli deg tukci n ssumat yernu aya yeqqen ɣer ulugen n ussumer d ussuter, am wakken ay la ttnuzun deg ssuq yiceḍḍiḍen ay d-yettwaǧwen d wid ay d-yettwaxedmen deg tmurt.