ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵉⵣⵓⵍ ⵜⴰⵎⵍⵉⵜ ⵏ ⵍⴻⵣⵣⴰⵢⴻⵏ ⴷⴻⴳ ⵓⵙⴻⴷⴷⵓ ⵏ ⵓⵎⵜⴰⵡⴰ ⵏ ⵜⴻⵍⵡⵉⵜ ⴷⴻⴳ ⵎⴰⵍⵉ

ⵡⴰⵛⵉⵏⵜⵓⵏ - ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵉⵣⵓⵍ ⴰⵙⵙ ⵏ ⵍⴰⵔⴻⴱⵄⴰ ⵜⴰⵎⵍⵉⵜ ⵏ ⵍⴻⵣⵣⴰⵢⴻⵏ ⴰⴽⴽⴻⴷ ⵜⴻⵖⵍⴰⵎⵜ ⵏ ⵜⴻⴱⴷⴰⵎⵎⴰⵙⵜ ⵜⴰⴳⵔⴰⵖⵍⴰⵏⵜ ⴷⴻⴳ ⵓⵙⴻⴷⴷⵓ ⵏ ⵓⵎⵜⴰⵡⴰ ⵏ ⵜⴻⵍⵡⵉⵜ ⴰⴽⴽⴻⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ.

ⴷⴻⴳ ⵓⵖⵜⴰⵙ ⵉ ⵙⵄⴻⴷⴷⴰⵏ ⴰⵙⵙ ⵏ ⵍⴰⵔⴻⴱⵄⴰ ⵢⴻⵙⵏⴻⵔⵏⴰⵏ ⴰⴽⵓⴷ ⵏ ⵜⵎⴰⵙⵉⵜ ⵉ ⴼⴽⴰⵏ ⵉ ⵎⵉⵏⵓⵙⵎⴰ ⴷⴻⴳ ⵎⴰⵍⵉ ⴰⵍⴰⵎⵎⴰ ⴷ ⴰⵙⵙ ⵏ 30 ⵢⵓⵏⵢⵓ 2017, ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵢⴻⵏⵏⴰ-ⴷ ⵀⴰ-ⵜ-ⴰⵏ ‘’ⴰⴷ ⵉⵙⵉⵙⵀⴻⵍ, ⴰⴷ ⵉⵄⴰⵡⴻⵏ, ⴰⴷ ⵢⴻⴹⴼⴻⵔ ⵙ ⵜⴻⵍⵇⴻⵢ ⴰⵙⴻⴹⵔⵓ ⵏ ⵓⵎⵜⴰⵡⴰ, ⵉⵣⵓⵍ ⵜⴰⵎⵍⵉⵍⵜ ⵉ ⵜⵓⵔⴰⵔ ⵍⴻⵣⵣⴰⵢⴻⵔ ⴰⴽⴽⴻⴷ ⵢⵉⵄⴻⴳⴳⴰⵍⴻⵏ ⵏ ⵜⴻⵖⵍⴰⵎⵜ ⵏ ⵜⴻⴱⴷⴰⵎⵎⴰⵙⵜ ⵜⴰⴳⵔⴰⵖⵍⴰⵏⵜ ⴰⴽⴽⴻⵏ ⴰⴷ ⵄⵉⵡⵏⴻⵏ ⵉⵃⵔⵉⵛⴻⵏ ⵉⵎⴰⵍⵉⵢⴻⵏ ⴰⴷ ⵙⵙⴻⴷⴷⵓⵏ ⴰⵎⵜⴰⵡⴰ.

ⵢⴻⵜⵜⵡⴰⵍⵉ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⵎⵜⴰⵡⴰ ⵏ ⵜⴻⵍⵡⵉⵜ ⵉ ⵙⵜⴻⵏⵢⴰⵏ ⴷⴻⴳ ⵓⵙⴻⴳⴳⴰⵙ 2015 ⵓⵏⴰⴱⴰⴹ ⴰⵎⴰⵍⵉ ⴰⴽⴽⴻⴷ ⵢⵉⴷⴻⴼⵔⵉⵔⴻⵏ ⵓⵎⵔⵉⴳⴻⵏ ⵏ ⵜⵖⴻⵔⵖⴻⵔⵜ ⴰⴽⴽⴻⴷ ⵜⵓⵇⵇⵏⴰ ⵏ ⵢⵉⵎⵓⵙⵙⵓⵜⴻⵏ ⵏ ⵓⵣⴰⵡⴰⴷ, ⴷ ‘’ⵜⴰⵙⵡⴰⵄⵜ ⵏ ⵓⴼⴰⵔⴻⵚ ⵜⴰⵎⴻⵣⵔⵓⵢⴰⵏ ⴰⴽⴽⴻⵏ ⴰⴷ ⵜⴻⵔⵙ ⵜⴻⵍⵡⵉⵜ ⴰⵔⴰ ⵉⴷⵓⵎⴻⵏ ⴷⴻⴳ ⵜⵎⵓⵔⵜ ⵏ ⵎⴰⵍⵉ.