ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⴳⵎⵉ : ⴰⴷ ⵜⵉⵍⵉ ⵢⵉⵡⴻⵜ ⵏ ⵜⵏⴻⵎⵙⴻⵍⵜ ⵖⴻⴼ ⵜⵙⴻⵎⵎⴻⵙⴽⴻⵍⵜ ⵏ ⵍⴱⴰⴽ ⴰⵙⵙ ⵏ 13 ⵢⵓⵍⵢⵓ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ - ⴰⴷ ⵜⵉⵍⵉ ⵢⵉⵡⴻⵜ ⵏ ⵜⵏⴻⵎⵙⴻⵍⵜ ⵜⴰⵖⴻⵍⵏⴰⵡⵜ ⵢⴻⵔⵣⴰⵏ ⵜⴰⵙⴻⵎⵎⴻⵙⴽⴻⵍⵜ ⵏ ⵍⴱⴰⴽ ⴰⵔⴰ ⴷ-ⵙⵙⵓⴷⴷⵙⴻⵏ ⴰⵙⵙ ⵏ 13 ⵢⵓⵍⵢⵓ ⵉ ⴷ-ⵉⵜⴻⴷⴷⵓⵏ, ⵉ ⴷ-ⵜⴻⵏⵏⴰ ⴰⵙⵙ ⵏ ⵙⵙⴻⴱⵜ ⴷⴻⴳ ⵜⴻⵎⴷⵉⵏⵜ ⵏ ⵍⴻⵣⵣⴰⵢⴻⵔ ⵜⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ.

‘’ⵏⴻⵖⵜⴻⵙ, ⴰⴽⴽⴻⴷ ⵏ ⵓⵖⵍⵉⴼ ⵏ ⵓⵙⴻⵍⵎⴻⴷ ⴰⵏⴰⴼⴻⵍⵍⴰ ⴰⴽⴽⴻⴷ ⵜⴻⴳⵎⵉ ⵜⵓⵙⵙⵏⴰⵏⵜ, ⴰⴽⴽⴻⵏ ⴰⴷ ⵏⴻⵙⵙⵓⴷⴷⴻⵙ, ⴰⵙⵙ ⵏ 13 ⵢⵓⵍⵢⵓ ⵉ ⴷ-ⵉⵜⴻⴷⴷⵓⵏ, ⵢⵉⵡⴻⵜ ⵏ ⵜⵏⴻⵎⵙⴻⵍⵜ ⵖⴻⴼ ⵜⵙⴻⵎⵎⴻⵙⴽⴻⵍⵜ ⵏ ⵍⴱⴰⴽ’’ ⵉ ⴷ-ⵜⴻⵏⵏⴰ ⵉ ⵜⵏⴻⴳⴳⴰ ⵏ ⴰⵒⵙ ⵎⴰⵙⵙⴰ ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ ⵖⴻⵔ ⵜⴰⵎⴰ ⵏ ⵢⵉⵡⴻⵏ ⵏ ⵓⵎⵢⵉⴳⴻⵔ, ⴷⴻⴳ ⵜⴻⵙⵏⴰⵡⵉⵜ ⵏ ⵜⵓⵙⵏⴰⴽⵜ ⴷⴻⴳ ⵜⵇⵓⴱⴱⴻⵜ, ⴰⴽⴽⴻⴷ ⴽⵓⵥ ⵏ ⵢⵉⴱⴰⵍⵎⵓⴷⴻⵏ ⴰⵔⴰ ⵉⴳⴳⴻⵏⵙⴻⵙⴻⵏ ⵍⴻⵣⵣⴰⵢⴻⵔ ⴷⴻⴳ ⵜⵓⵍⴰⵎⴱⵉⵢⵉⵏ ⵜⵉⴳⵔⴰⵖⵍⴰⵏⵉⵏ ⴰⵔⴰ ⴷ-ⵢⴻⴹⵔⵓⵏ ⴷⴻⴳ ⵀⵧⵏⴳ ⴽⵧⵏⴳ.

ⵜⴻⵙⵙⴻⴷⴷⵉ-ⴷ ⵜⵏⴻⵖⵍⴰⴼⵜ, ⴰⵍⵎⴻⵏⴷ ⵏ ⵡⴰⵢⴰ, ⴷⴰⴽⴽⴻⵏ ⴰⴷⴻⴼⵔⵉⵔ ⵓⵛⵔⵉⴽ, ⴰⴷ ⵉⵍⵉⵏ ⴷⴻⴳ-ⵙ ⵉⴳⴻⵏⵙⴰⵙⴻⵏ ⵏ ⵜⴻⴷⴱⴻⵍⵜ ⴰⴽⴽⴻⴷ ⵢⴻⵛⵔⵉⴽⴻⵏ ⵉⵏⵎⴻⵜⵜⵉⵢⴻⵏ , ⴰⴷ ⴼⴽⴻⵏ ⴰⴳⵎⵓⴹ-ⵏⵙⴻⵏ (ⵖⴻⴼ ⵜⵙⴻⵎⵎⴻⵙⴽⴻⵍⵜ ⵏ ⵍⴱⴰⴽ) ⵉⵎⴰⵍⴰⵙ-ⴰ, ⵜⴻⵔⵏⴰ ⵜⴻⵏⵏⴰ-ⴷ ⵉⵎⴰⵣⵣⴰⵢⴻⵏ ⵉⵙⴷⴰⵡⴰⵏⴻⵏ ⴰⵔⴰ ⵢⴻⴽⴽⵉⵏ ⴷⴻⴳ ⵜⵏⴻⵎⵙⴻⵍⵜ, ⵓⵍⴰ ⴷ-ⵏⵉⵜⵏⵉ, ⵏⴻⵙⵙⵓⵜⴻⵔ-ⴰⵙⴻⵏ ‘’ⴰⴷ ⴼⴽⴻⵏ ⵜⴰⵎⵓⵖⵍⵉ-ⵏⵙⴻⵏ’’ ⵖⴻⴼ ⵓⵄⴰⵡⴻⴷ ⵏ ⵜⵓⴷⴷⵙⴰ ⵏ ⵍⴱⴰⴽ.

’ⵎⵉ ⵢⴻⴽⴼⴰ ⵓⵎⴰⵀⵉⵍ ⵏ ⵜⵏⴻⵎⵙⴻⵍⵜ, ⴰⴷ ⵏⴻⴳ ⵜⴰⵙⴻⵎⵍⵉⵍⵜ ⵏ ⵜⴻⴽⵜⵉⵡⵉⵏ ⴰⵔⴰ ⵏⴻⴼⴽ ⵉ ⵓⵏⴰⴱⴰⴹ, ⴰⵍⴰ ⵏⴻⵜⵜⴰ ⵉ ⵉⵣⴻⵎⵔⴻⵏ ⴰⴷ ⵜⵜ-ⵢⴻⴳⵣⴻⵎ ⴷⴻⴳ ⵔⵔⴰⵢ’’ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⵜⵜⵔⴰ-ⴰ, ⵉ ⴷ-ⵜⴷⴻⵔⵔⴻⵔ.