ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴻⵏⵏⵓⵖ ⵎⴳⴰⵍ ⵏ ⵢⵉⵔⴻⵎⵎⴰⵖⴻⵏ : ⵜⵀⵓⴷ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵙⵏⴰⵜ ⵜⵏⴰⴼⴼⴰⵔⵉⵏ ⴷⴻⴳ ⴵⵉⴵⴻⵍ (ⴰⵖⵍⵉⴼ ⵏ ⵜⴻⵎⵃⴰⴷⴷⵉⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵀⵓⴷ ⵙⵏⴰⵜ ⵜⵏⴰⴼⴼⴰⵔⵉⵏ, ⴰⵙⵙ ⵏ ⵍⴵⴻⵎⵄⴰ ⴷⴻⴳ ⴵⵉⴵⴻⵍ, ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏ (ⴰⵏⵒ), ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵏ ⵢⵉⵔⴻⵎⵎⴰⵖⴻⵏ, ⵉ ⴷ-ⵢⴻⵏⵏⴰ ⴰⵙⵙ ⵏ ⵙⵙⴻⴱⵜ ⵢⵉⵡⴻⵏ ⵏ ⵡⴻⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵏ ⵢⵉⵔⴻⵎⵎⴰⵖⴻⵏ, ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⵜⵀⵓⴷ, ⴰⵙⵙ ⵏ 01 ⵢⵓⵍⵢⵓ 2016, ⵙⵏⴰⵜ (02) ⵜⵏⴰⴼⴼⴰⵔⵉⵏ ⴷⴻⴳ ⴵⵉⴵⴻⵍ (ⵜⴰⵎⵏⴰⴹⵜ ⵜⴰⵙⴻⴷⴰⵙⴰⵏⵜ ⵜⵉⵙ 5), ⵉⴷⴻⴳ ⵍⵍⴰⵏ ⴷⴷⴻⵇⵙ ⵏ ⵡⵓⵙⴰⵡⴻⵏ ⵏ ⵜⴳⵓⵏⵉ, ⵏ ⵢⵉⵙⴻⵍⵙⴰ, ⵏ ⵡⵓⵞⵞⵉ ⴰⴽⴽⴻⴷ ⵜⵖⴰⵡⵙⵉⵡⵉⵏ ⵏⵏⵉⴹⴻⵏ’’, ⵉ ⴷ-ⵢⴻⵙⵙⴻⴷⴷⵉ ⵡⴻⵍⵖⵓ.

ⵙⴻⴳ ⵢⵉⴷⵉⵙ ⵏⵏⵉⴹⴻⵏ, ‘’ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵏ ⵜⵉⵏⵏⵖⵉ ⵜⵓⴷⴷⵉⵙⵜ, ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵜⵓⵛⵔⵉⴽⵜ ⵜⴻⵟⵟⴻⴼ, ⴷⴻⴳ ⵜⵚⴻⴱⵃⵉⵜ ⵏ ⵡⴰⵙⵙ-ⴰ 02 ⵢⵓⵍⵢⵓ 2016 ⴷⴻⴳ ⵡⴻⵔⵔⴻⴳⵍⴰ (ⵜⴰⵎⵏⴰⴹⵜ ⵜⴰⵙⴻⴷⴰⵙⴰⵏⵜ ⵜⵉⵙ 4), ⴽⵔⴰⴹ (3) ⵢⵉⵎⵙⴻⵜⵜⵉⵢⴻⵏ ⵉ ⵓⵎⵉ ⵜⴻⴽⴽⴻⵙ ⵙⴻⵎⵎⵓⵙ (05) ⵏ ⵢⵉⵟⵓⵏⴻⵏ ⵏ ⵍⴽⵉⴼ ⴰⴽⴽⴻⴷ ⵙⵏⴰⵜ (02) ⵏ ⵜⴽⴻⵔⵔⵓⵙⵉⵏ’’, ⵉ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⵏⵏⵉ, ⵜⴻⵔⵏⴰ ⵜⴻⵏⵏⴰ-ⴷ ⴷⴰⴽⴽⴻⵏ ‘’ⴷⴻⴳ ⵓⵎⴹⵉⵇ ⵉ ⵓⵎⵉ ⵜⵜⵉⵏⵉⵏ ⴱⴻⵏ ⴳⴻⵛⵛⴰ, ⵜⴰⵡⵉⵍⴰⵢⵜ ⵏ ⵍⵡⴰⴷ (ⵜⴰⵎⵏⴰⴹⵜ ⵜⴰⵙⴻⴷⴰⵙⴰⵏⵜ ⵜⵉⵙ 4), ⵉⴼⴻⵔⴷⵉⵙⴻⵏ ⵏ ⵢⵉⵄⴻⵙⵙⴰⵙⴻⵏ ⵏ ⵜⵍⵉⵙⴰ ⴽⴽⵙⴻⵏ 1.000 ⵏ ⵢⵉⵍⵉⵜⵔⴻⵏ ⵏ ⵢⵉⵙⴻⵔⵖⵉⵢⴻⵏ’’.