Asebter amenzawi

Amsegraw amnaḍan n yiwaliyen: assetrer n unagraw n ussefrek n wakal amguran

QSENṬINA– Assetrer (ɛaṣrana) n yinagrawen n ussefrek n wakal amguran d win n tkerrazt s usseɛjel n ussidef n yisefka-nsen deg uselkim d tuqqna gar yizaduren n yisefka d kra seg lewṣayat ay d-yellan ass n ssebt-a deg wemyager ay d-yellan deg Qsenṭina gar yiwaliyen n wegmuḍ (carq) n tmurt ay yesselwi uneɣlaf n tɣawsiwin n daxel, Noureddine Bedoui.

Aṣeggem n weḥric n wakal amguran i ussifses n uɣellet n wakal ur yettwaɣellten, asrummes n tukci n leɛqudat n lebni deg temdint (ay d-ssuturen kra n yeɣlifen), assebded n tsekkirt yeddukklen i wesmal (tarqiya) n ussefti d timsal niḍen ayɣef d-yella wawal deg wemsegraw-a amnaḍan ay d-yelhan s wesnefli adamsan d usselhu n yimeẓla inagduden.

Llan-d daɣ lewṣayat deg wayen yerzan leɣrama n zzyada ay la yettwaxellaṣen deg temnaḍin timguranin d wasunen n wermud war ma yettwaqader lqanun yerzan aya, d ussifses ɣef teṛmisin tinagdudin akken ad awint akal n zzyada.

Dima deg wayen yerzan assefti d wakal adaman, tella-d lewṣaya i wezraw (dirasa) n tegnit n lqanun n yisseftiyen ay d-yellan beṛṛa i ukatar n lqanun yernu werɛad ur ttwaɣellten, yernu yessefk ad d-yili waya i ussidef n yisseftiyen-a ɣer ukatar n lqanun.

D awali n Sḍif ay yettwakellfen ad yessemyuddes ixeddimen n tegrawt n uxemmem ay d-yessemlalen iwaliyen n twilayin tuqribin akken ad d-heyyin tasuddest n ussugget n ussefti araray d wesduqqes n tdamsa deg twilayin ay terza temsalt.