ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
200 ⵏ ⵢⵉⵙⴻⵍⵙⴰ ⴰⵢ ⵜⴻⴼⵔⴻⵇ ⵏⴰⴼⵜⴰⵍ ⵖⴻⴼ ⵢⵉⴳⴻⵔⴷⴰⵏ ⵢⵓⴹⵏⴻⵏ ⴰⴽⴻⵏⵙⵉⵔ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– 200 ⵏ ⵢⵉⵛⴻⴹⴹⵉⴹⴻⵏ ⴰⵢ ⵜⴻⴼⵔⴻⵇ, ⴰⵙⵙ ⵏ ⵙⵙⴻⴱⵜ, ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵓⵙⵙⴻⵏⵣⵉ ⴷ ⵡⴻⴼⵔⴰⵇ ⵏ ⵢⵉⴼⴰⵔⵉⵙⴻⵏ ⵉⵒⵉⵜⵕⵓⵍⵉⵢⴻⵏ (ⵏⴰⴼⵜⴰⵍ) ⵖⴻⴼ ⵢⵉⴳⴻⵔⴷⴰⵏ ⴰⵢ ⵢⵓⴹⵏⴻⵏ ⴰⴽⴻⵏⵙⵉⵔ ⴷⴻⴳ ⵢⴻⵙⴱⵉⵟⴰⵔⴻⵏ ⵏ ⵉⵙⵙⴰⴷ-ⵀⴰⵙⵙⴰⵏⵉ (ⴱⵏⵉ ⵎⴻⵙⵙⵓⵙ) ⴷ ⵏⴻⴼⵉⵙⵙⴰ-ⵀⴰⵎⵧⵓⴷ (ⵒⴰⵔⵏⴻⵜ ⴰⵇⴱⵓⵔ).
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ, ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵜⴻⵖⵡⴰⵍⵜ (ⵉⵜⵜⵉⵚⴰⵍ) ⵏ ⵏⴰⴼⵜⴰⵍ, ⴷⵊⴰⵎⴰⵍ ⵛⵀⴻⵔⴷⵧⵓⴷ, ⴷⴰⴽⴽⴻⵏ ⵛⵛⵖⴻⵍ-ⴰ ⵏ ⵜⴻⵎⵙⴻⵜⵍⴻⵍⵜ ⴷ ⴰⵃⵔⵉⵛ ⵙⴻⴳ ⵢⴻⵣⵡⵓⵔⴻⵏ ⴰⵢ ⵢⴻⵜⵜⵡⴰⴷⴷⵎⴻⵏ ⵉ ⵍⵎⴻⵏⴷ ⵏ ⵓⵙⵙⴻⵊⵀⴻⴷ ⵏ ⵜⴻⵎⵙⴻⵜⵍⴻⵍⵜ ⴷ ⵡⴻⵎⵄⴰⵡⴻⵏ.
ⵉⵙⵡⵉ ⵏ ⵛⵛⵖⴻⵍ-ⴰ, ⴷⴰⵖ, ⴷ ⴰⵙⵙⴽⴰⵏ ⵏ ⵓⵜⵜⴻⴽⴽⵉ ⵏ ⵜⴻⵕⵎⵉⵙⵜ (ⵛⴰⵔⵉⴽⴰ) ⴷⴻⴳ ⵜⵉⴳⴰⵡⵜ ⵏ ⵜⵉⵖⵖⴻⵔⵎⵉ (ⵎⵓⵡⴰⵟⴰⵏⴰ) ⴷⴻⴳ ⵡⵓⵙⵙⴰⵏ ⵉⵖⴻⵍⵏⴰⵡⴻⵏ ⴷ ⵡⵓⵙⵙⴰⵏ ⵏ ⴷⴷⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵉⵙⵡⵉ ⵏ ⵡⴻⵣⵡⵓⵔ-ⴰ ⴷ ⴰⵛⵔⴰⴽ ⵏ ⵜⵍⵓⴼⴰ ⴷ ⵍⴼⵓⵕⵓⵃ ⵉ ⵍⵎⴻⵏⴷ ⵏ ⵍⵄⵉⴷ ⴷ ⵢⵉⴳⴻⵔⴷⴰⵏ ⵉⵎⵓⴹⵉⵏⴻⵏ ⴷ ⵢⵉⵎⴰⵡⵍⴰⵏ-ⵏⵙⴻⵏ ⴷⴻⴳ ⵢⴻⵙⴱⵉⵟⴰⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ.
ⵉⴼⵓⵕⴻⵙ ⵎⴰⵙⵙ ⵛⵀⴻⵔⴷⵧⵓⴷ ⵜⴰⴳⵏⵉⵜ-ⴰ ⴰⴽⴽⴻⵏ ⴰⴷ ⴷ-ⵉⵅⴻⴱⴱⴻⵔ ⴷⴰⴽⴽⴻⵏ ⵢⴻⵍⵍⴰ ⵓⵙⴻⵏⴼⴰⵔ ⵏ ⵡⴻⴱⴷⴰⴷ ⵓⵎⵎⵉⴷ (ⴰⵙⵙⴻⵣⴷⴻⵖ, ⴰⵙⵙⴻⵞⵞⵉ ⴷ ⵓⵎⴻⵙⵏⵉ [ⵏⴰⵇⵍ]) ⵏ ⵢⵉⵎⴰⵡⵍⴰⵏ ⵏ ⵢⵉⴳⴻⵔⴷⴰⵏ ⵉⵎⵓⴹⵉⵏⴻⵏ ⴰⵢ ⴷ-ⵢⴻⵜⵜⴰⵙⴻⵏ ⵙⴻⴳ ⵜⵡⵉⵍⴰⵢⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ.
ⵜⵉⴳⴰⵡⵜ-ⴰ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⴰⵢ ⵍⴰ ⵜⴻⵜⵜⴻⴳ ⵏⴰⴼⵜⴰⵍ ⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵜⴻⵔⵣⴰ ⴷⴰⵖ ⴰⵙⵙⵉⴷⵔⴻⵎ ⵏ ⵢⵉⵙⴻⵏⴼⴰⵔⴻⵏ ⵉⵙⴷⴰⵡⴰⵏⴻⵏ ⴷ ⵢⵉⵙⵓⴷⴰ ⵏ ⵓⵏⴰⴷⵉ.
ⴷⴻⴳ ⵛⵛⵖⴻⵍ-ⴰ ⵏ ⵡⴻⴼⵔⴰⵇ ⵏ ⵢⵉⵛⴻⴹⴹⵉⴹⴻⵏ, ⵢⴻⵃⴷⴻⵕ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵏⴰⴼⵜⴰⵍ, ⵔⵉⵣⵧⵓ ⵀⵧⵛⵉⵏⴻ.
