Asebter amenzawi

200 n yiselsa ay tefreq Naftal ɣef yigerdan yuḍnen akensir deg Lezzayer Tamaneɣt

LEZZAYER TAMANEɣT– 200 n yiceḍḍiḍen ay tefreq, ass n ssebt, Teṛmist Taɣelnawt n Ussenzi d Wefraq n Yifarisen Ipitṛuliyen (Naftal) ɣef yigerdan ay yuḍnen akensir deg yesbiṭaren n Issad-Hassani (Bni Messus) d Nefissa-Hamoud (Parnet aqbur).

Deg yiwet n tseɣrut (taṣriḥ) i Tnegga n Yisalan n Lezzayer, yenna-d unemhal n teɣwalt (ittiṣal) n Naftal, Djamal Cherdoud, dakken ccɣel-a n temsetlelt d aḥric seg yezwuren ay yettwaddmen i lmend n ussejhed n temsetlelt d wemɛawen.

Iswi n ccɣel-a, daɣ, d asskan n uttekki n teṛmist (carika) deg tigawt n tiɣɣermi (muwaṭana) deg wussan iɣelnawen d wussan n ddin, ɣef wakken ay d-yenna.

Iswi n wezwur-a d acrak n tlufa d lfuṛuḥ i lmend n lɛid d yigerdan imuḍinen d yimawlan-nsen deg yesbiṭaren, ɣef wakken ay d-yenna umasay-a.

Ifuṛes Mass Cherdoud tagnit-a akken ad d-ixebber dakken yella usenfar n webdad ummid (assezdeɣ, assečči d umesni [naql]) n yimawlan n yigerdan imuḍinen ay d-yettasen seg twilayin yemgerraden n tmurt.

Tigawt-a n temsetlelt (taḍamun) ay la tetteg Naftal acḥal n yiseggasen aya terza daɣ assidrem n yisenfaren isdawanen d yisuda n unadi.

Deg ccɣel-a n wefraq n yiceḍḍiḍen, yeḥdeṛ uselway-anemhal amatu n Naftal, Rizou Hocine.