ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴷ ⴰⴷⵣⴰⵢⵔⵉ ⵀⵉⵛⵀⴰⵎ ⴷⴰⵧⵓⵉ ⴰⵢ ⴷ-ⵢⴻⵡⵡⵉⵏ ⴰⵔⵔⴰⵣ ⵡⵉⵙ ⵙⵉⵏ ⵏ ⵜⵖⵓⵔⵉ ⵏ ⵍⴻⵇⵔⴰⵏ

ⵏⵡⴰⵇⵛⵓⵟ– ⴷ ⵉⵎⵊⴻⵡⵡⴻⴷ ⴰⴷⵣⴰⵢⵔⵉ ⵀⵉⵛⵀⴰⵎ ⴷⴰⵧⵓⵉ ⴰⵢ ⴷ-ⵢⴻⵡⵡⵉⵏ ⴰⵔⵔⴰⵣ ⵡⵉⵙ ⵙⵉⵏ ⵏ ⵜⴻⵥⵔⵉⴳⵜ (ⵟⴰⴱⵄⴰ) ⵜⴰⵎⴻⵣⵡⴰⵔⵓⵜ ⵏ ⵡⴻⵎⵙⵉⵣⵡⴻⵔ ⴰⴷⵓⵎⵏⴰⴹⴰⵏ ⵏ ⵓⵊⴻⵡⵡⴻⴷ ⴷ ⵜⵖⵓⵔⵉ ⵏ ⵍⴻⵇⵔⴰⵏ, ⴰⵢ ⴷ-ⵢⴻⵍⵍⴰⵏ ⴷⴻⴳ ⵏⵡⴰⵇⵛⵓⵟ, ⵙ ⵓⵜⵜⴻⴽⴽⵉ ⵏ ⵢⴻⵎⵊⴻⵡⵡⴷⴻⵏ ⵙⴻⴳ ⵍⴻⵣⵣⴰⵢⴻⵔ, ⵜⵓⵏⴻⵙ, ⵎⴻⵕⵕⵓⴽ, ⵙⵉⵏⵉⴳⴰⵍ, ⴳⴰⵎⴱⵢⴰ, ⵎⴰⵍⵉ ⴷ ⵜⵎⵓⵔⵜ ⴰⵢⴷⴻⴳ ⴷ-ⵜⴻⵍⵍⴰ ⵜⴻⴷⵢⴰⵏⵜ-ⴰ, ⵎⵓⵔⵉⵟⴰⵏⵢⴰ.

ⵀⵉⵛⵀⴰⵎ ⴷⴰⵧⵓⵉ ⴰⵢ ⴷ-ⵢⴻⵡⵡⵉⵏ ⴰⵎⴽⴰⵏ ⵡⵉⵙ ⵙⵉⵏ ⵖⴻⵔ ⵢⵉⴷⵉⵙ ⵏ ⵢⴻⵎⵊⴻⵡⵡⴻⴷ ⴰⴳⴰⵎⴱⵉ ⵎⵧⴷⵧⵓ ⴷⵉⵧⴱ, ⵎⴰ ⴷ ⴰⵎⴽⴰⵏ ⴰⵎⴻⵣⵡⴰⵔⵓ ⵢⴻⵡⵡⵉ-ⵜ ⵓⵎⵓⵔⵉⵟⴰⵏⵉ ⴽⴰⵀ ⵧⵓⵍⴷ ⴱⴻⵉⵜⴰⵜ.

ⵜⴻⵍⵍⴰ-ⴷ ⵜⴼⵓⴳⵍⴰ ⵏ ⵜⵓⴽⵛⵉ ⵏ ⵡⴰⵔⵔⴰⵣⴻⵏ ⴷⴻⴳ ⵜⵙⴻⵀⵕⴰ ⵏ ⵡⴰⵙⵙ ⵏ ⵍⵊⴻⵎⵄⴰ ⴷⴻⴳ ⵡⴰⵎⵎⴰⵙ ⴰⴳⵔⴰⵖⵍⴰⵏ ⵏ ⵢⵉⵙⴰⵔⴰⴳⴻⵏ ⵏ ⵏⵡⴰⵇⵛⵓⵟ ⵙ ⵡⴻⵃⴷⴰⵕ ⵏ ⵓⵙⴻⵍⵡⴰⵢ ⴰⵎⵓⵔⵉⵟⴰⵏⵉ, ⵎⵧⵀⴰⵎⴻⴷ ⵧⵓⵍⴷ ⴰⴱⴷⴻⵍⴰⵣⵉⵣ.

ⴰⵎⴻⵣⵡⴰⵔⵓ ⴰⴷ ⵢⴰⵡⵉ ⴰⵔⵔⴰⵣ ⵏ 3 ⵏ ⵢⵉⵎⴻⵍⵢⵓⵏⴻⵏ ⵏ ⵜⵓⴳⵢⴰⵜⵉⵏ (8500 ⵏ ⵢⵉⴷⵓⵍⴰⵕⴻⵏ), ⵎⴰ ⴷ ⵡⵉⴷ ⴰⵢ ⵢⴻⵡⵡⵉⵏ ⴰⵔⵔⴰⵣ ⵡⵉⵙ ⵙⵉⵏ, ⴰⴷ ⴰⵡⵉⵏ 1,5 ⴷ ⴰⵎⴻⵍⵢⵓⵏ ⵏ ⵜⵓⴳⵢⴰⵜⵉⵏ (ⴰⵣⴰⵍ ⵏ 4200 ⵏ ⵢⵉⴷⵓⵍⴰⵕⴻⵏ).

ⵢⴻⵍⵍⴰ-ⴷ ⵡⴻⵎⵙⵉⵣⵡⴻⵔ-ⴰ ⵙ ⵕⵕⴰⵢ ⵏ ⵓⵏⴻⵖⵍⴰⴼ ⴰⵎⵓⵔⵉⵟⴰⵏⵉ ⵏ ⵜⵖⴰⵡⵙⵉⵡⵉⵏ ⵜⵉⵙⵍⴰⵎⴰⵏⵉⵏ, ⵢⴻⵔⵏⵓ ⵙⴰⴳⴳⴻⵏ-ⴷ ⴼⴻⵍⵍ-ⴰⵙ ⵢⵉⵏⴰⴼⵔⴰⵢⴻⵏ ⵢⴻⵍⵍⴰⵏ ⵙⴻⴳ ⴳⴰⵔ ⵢⵉⵎⴰⵣⵣⴰⴳⴻⵏ (ⵎⵓⵅⵜⴰⵚⵚⵉⵏ) ⵉⵎⵅⴻⵢⵢⵔⴻⵏ ⴷⴻⴳ ⵓⵊⴻⵡⵡⴻⴷ ⵏ ⵍⴻⵇⵔⴰⵏ, ⴳⴰⵔ-ⴰⵙⴻⵏ ⴰⴷⵣⴰⵢⵔⵉ ⴽⵀⴰⵍⴻⴷ ⴷⴻⵔⴱⴰⵏⵉ.

ⵎⴰ ⴷ ⴰⵏⴻⵖⵍⴰⴼ ⴰⵎⵓⵔⵉⵟⴰⵏⵉ ⵏ ⵜⵖⴰⵡⵙⵉⵡⵉⵏ ⵜⵉⵙⵍⴰⵎⴰⵏⵉⵏ, ⴰⵀⵎⴻⴷ ⵧⵓⵍⴷ ⴰⵀⵉⵍ ⴷⴰⵧⵓⴷ, ⵉⵡⴻⴽⴽⴻⴷ-ⴷ ⵖⴻⴼ ⵡⴰⵣⴰⵍ ⵏ ⵡⴻⵎⵙⵉⵣⵡⴻⵔ-ⴰ ⴰⵢ ⵢⴻⵜⵜⴻⴽⴽⴰⵢⴻⵏ ⴷⴻⴳ « ⵡⴻⵙⴱⵓⵖⴻⵔ (ⵉⵜⵔⴰ’) ⵏ ⵡⴻⵏⵔⴰⵔ ⵉⵙⵍⴰⵎⴰⵏ ⴷ ⵓⵙⵙⴻⵊⵀⴻⴷ ⵏ ⵜⵓⴷⴻⵔⵜ ⵜⵓⵛⵔⵉⴽⵜ ⴳⴰⵔ ⵢⵉⵍⴻⵎⵥⵉⵢⴻⵏ ⴷⴻⴳ ⵜⴻⵎⵏⴰⴹⵜ-ⴰ, ⵉⵎⵉ ⴰⵢⴰ ⴷ ⵛⵛⴻⵔⴹ ⴷⴻⴳ ⵓⵙⵙⴻⵊⵀⴻⴷ ⵏ ⵜⴻⴳⵎⴰⵜ ⵜⵉⵙⵍⴰⵎⴰⵏⵜ ⴷⴻⴳ ⵜⴰⵍⵍⵓⵏⵜ ⵏ ⵡⴻⵔⵥⴰⵎ ⴷ ⵡⴻⵎⵙⵓⵔⴻⴼ ».