Asebter amenzawi

Muludeyya n Lezzayer: Hendou yestenya leɛqed n sin n yiseggasen d USM Belɛebbas

LEZZAYER TAMANEɣT – Yestenya ulemmas n wenrar n Muludeyya n Lezzayer, Karim Hendou, ass n ssebt, leɛqed n sin n yiseggasen d USM Belɛebbas, ɣef wakken ay aɣ-d-tenna teɣlamt-a ay iɛeddan ɣer Temɣunt 1ut n Mobilis.

Naqal yella yetteddu umarir-a ad yuɣal ɣer teɣlamt-nnes taqburt n USM Lḥeṛṛac, maca yesmenyaf ad yeɛreḍ zzheṛ-nnes d USM Belɛebbas.

Taɣlamt n Belɛebbas tessadef-d yagi aṭas n yimariren imaynuten, gar-asen amenṭag Madani Meziane (USM Lḥeṛṛac), amḥaddi Redouane Bachiri (Muludeyya n Lezzayer) d yimidis ayeffus Mohamed Amrane (DRB Taǧnant).

Taɣlamt-a ǧǧan-tt daɣ yimariren am wemḥaddi Faycal Abdat ay yeddan ɣer USM Lḥeṛṛac.

Asleɣmay (mudarrib) amaynu n teɣlamt-a d Si Tahar Cherif El Ouezzani ay d-yuɣalen deg wemkan n Abdelkrim Benyelles umi ifuk leɛqed.

Cherif El Ouezzani yella yesleɣmay ilindi taɣlamt n Paradou AC (Tamɣunt tis 2, Lezzayer).