Asebter amenzawi

Teqfel tredsa n tuḍḍfa tisṛayilit tamdint n Lxalil

LXALIL (ikalen ifalesṭiniyen yettwaḍḍfen)– Teqfel tredsa (ǧayc) n tuḍḍfa tisṛayilit, ass n ssebt, tamdint n Lxalil yellan d tamdint tameqrant akk n Ugemmaḍ Utrim, am wakken ay teqfel iɣerman ay d-yezzin fell-as, ɣef wakken ay d-nnan ttawilat n yisalan.

Ttwamedlen wadafen n temdint n Lxalil yernu rsen yesfergen ay ireglen ibriden yettawin ɣer temdint-a, menɣir abrid n ugafa (camal) ay yettawin ɣer yeɣrem n Halhoul ay yettawḍen arma d tamdint n Lquds, ɣef wakken ay d-nnan ttawilat-a n yisalan.

Nnig waya, tebṭel tredsa tisṛayilit ttesriḥat n uxeddim n wakk imezdaɣen n yeɣrem-nni.

Menɣir aqfal n temdint n Lxalil aydeg zedɣen azal n 200.000 n Yifalesṭiniyen, sneqsen daɣ yiduba isṛayiliyen asɛeddi n yedrimen n leɣrama i udabu afalesṭini, ɣef wakken ay d-nnan ttawilat-a n yisalan.

Llan-d yiḥezziben-a n wemḥaq deffir ma tessuffeɣ-d Tesmilt Tagraɣlant n 4 n Yidisan i Wegmuḍ Alemmas tiɣri i Yisṛayiliyen akken ad ḥebsen assehres (istiɛmar).