ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵙⴻⵀⵡⴰ ⵏ ⵓⴱⵔⵉⴷ : ⵎⵎⵓⵜⴻⵏ 8 ⵏ ⵢⵉⵎⴷⴰⵏⴻⵏ ⴰⴽⴽⴻⴷ 25 ⵏⵏⵉⴹⴻⵏ ⴷ ⵉⵎⴻⵊⵔⴰⵃ ⴷⴻⴳ 24 ⵏ ⵜⵉⵎⴰⵔ-ⴰ ⵢⴻⵣⵔⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵎⵎⵓⵜⴻⵏ ⵟⴰⵎ (8) ⵏ ⵢⵉⵎⴷⴰⵏⴻⵏ ⴰⴽⴽⴻⴷ ⵙⵏⴰⵜ ⵜⵎⴻⵔⵡⵉⵏ ⴷ ⵙⴻⵎⵎⵓⵙ (25) ⵏⵏⵉⴹⴻⵏ ⴷ ⵉⵎⴻⵊⵔⴰⵃ ⴷⴻⴳ ⵜⵥⴰ (9) ⵏ ⵢⵉⵙⴻⵀⵡⴰ ⵏ ⵓⴱⵔⵉⴷ ⵉ ⴷ-ⵢⴻⴹⵔⴰⵏ ⴷⴻⴳ ⵙⵏⴰⵜ ⵜⵎⴻⵔⵡⵉⵏ ⴷ ⴽⵓⵥ (24ⵀ) ⵏ ⵜⵉⵎⴰⵔ ⵢⴻⵣⵔⵉⵏ ⴷⴻⴳ ⵓⵙⵡⵉⵔ ⴰⵖⴻⵍⵏⴰⵡ, ⵖⴻⴼ ⵍⴻⵃⵙⴰⴱ ⵏ ⵓⴹⵔⵉⵙ ⵉ ⴷ-ⵙⵙⵓⴼⵖⴻⵏ ⴰⵙⵙ ⵏ ⵍⵃⴻⴷⴷ ⵢⵉⵎⴻⵥⵍⴰ ⵏ ⵓⵎⴻⵙⵜⴻⵏ ⴰⵖⴰⵔⵉⵎ.

ⵓⵎⵓⵖ ⵖⴻⵣⵣⵉⴼⴻⵏ ⵙⴽⴻⵍⵙⴻⵏ-ⵜ ⴷⴻⴳ ⵜⵡⵉⵍⴰⵢⵜ ⵏ ⵄⵉⵏ ⴷⴻⴼⵍⴰ ⵉⴷⴻⴳ ⵎⵎⵓⵜⴻⵏ ⵙⵉⵏ (2) ⵏ ⵢⴻⵎⴷⴰⵏⴻⵏ ⴰⴽⴽⴻⴷ ⵙⴻⵎⵎⵓⵙ (5) ⵏⵏⵉⴹⴻⵏ ⴷ ⵉⵎⴻⵊⵔⴰⵃ, ⴷⴻⴳ ⵙⵉⵏ (2) ⵏ ⵢⵉⵙⴻⵀⵡⴰ ⵏ ⵓⴱⵔⵉⴷ, ⴰⵡⴻⵄⵔⴰⵏ ⴷⴻⴳ-ⵙⴻⵏ ⴷ ⵡⵉⵏ ⵉ ⴷ-ⵢⴻⴳⵍⴰⵏ ⵙ ⵜⵎⴻⵜⵜⴰⵏⵜ ⵏ ⵢⵉⵡⴻⵏ (1) ⵏ ⵓⵎⴷⴰⵏ, ⵎⴰ ⴷ ⴰⵙⴻⵀⵓ ⵏⵏⵉⴹⴻⵏ ⵢⴻⴹⵔⴰ-ⴷ ⴳⴰⵔ ⵙⵏⴰⵜ (2) ⵜⴽⴻⵔⵔⵓⵙⵉⵏ ⴷⴻⴳ ⵜⵖⵉⵡⴰⵏⵜ ⵏ ⵄⴱⴰⴷⵍⴰ, ⵢⴻⴳⵍⴰ-ⴷ ⵙ ⴽⵔⴰⴹ (3) ⵏ ⵢⵉⵎⴻⵊⵔⴰⵃ.

ⵙⴻⴳ ⵢⵉⴷⵉⵙ ⵏⵏⵉⴹⴻⵏ, ⵢⴻⵎⵎⵓⵜ ⵢⵉⵡⴻⵏ ⵏ ⵓⵎⴷⴰⵏ, ⵢⴻⵔⵖⴰ ⵙ ⵜⵎⴻⵙ ⵎⵉ ⵍⵍⴰⵏ ⵎⴻⴳⵔⴻⵏ-ⴷ ⵓⵔⵜⵉ ⴷⴻⴳ ⵜⵡⵉⵍⴰⵢⵜ ⵏ ⵇⵚⴻⵏⵟⵉⵏⴰ, ⵢⴻⵎⵎⵓⵜ ⵡⴰⵢⴻⴹ ⵙ ⵡⴻⵖⵔⴰⵇ ⴷⴻⴳ ⵡⵓⴳⴳⵓⴳ ⵏ ⵙⵉⴷⵉ ⵎⵃⴻⵎⵎⴻⴷ ⴱⴻⵏ ⴱⴻⵏ ⵟⴻⵢⴱⴰ, ⴷⴻⴳ ⵜⵡⵉⵍⴰⵢⵜ ⵏ ⵄⵉⵏ ⴷⴻⴼⵍⴰ.