Asebter amenzawi

Ṭṭfen sin n yimsettiyen deg Lwad akked yiwen n yiminig uffir deg Tlemsan

LEZZAYER TAMANEɣT – Teṭṭef tsensirt n Tredsa taɣelnawt taɣerfant (ANP), ass n ssebt deg Lwad, sin (2) n yimsettiyen i umi kksen ddeqs n tɣawsiwin n usetti, rnan ṭṭfen yiwen (1) n yiminig uffir amerruki deg Tlemsan, i d-yenna ass n lḥedd yiwen n welɣu n uɣlif n Temḥaddit taɣelnawt (MDN).

’Deg ukatar n umennuɣ mgal tinnɣi tuddist, yiwet n tsensirt n Tredsa taɣelnawt taɣerfant (ANP) teṭṭef deg Lwad (Tamnaḍt taserdasant tis 4), ass n 2 yulyu 2016, sin (2) yimsettiyen kksen-asen snat (2) tkerrusin akked 2.400 n yiḥerbiyen’’, i d-yesseddi uɣlif n Temḥaddit taɣelnawt (MDN).

’Deg Tbessa (Tamnaḍt taserdasant tis 5), iferdisen n tiḍaf n tlisa kksen 8500 n yikarṭucen n tmekḥelt n ṣyada’’, i d-tenna teɣbalut-nni, terna tenna-d dakken ’’ṭṭfent daɣen yiwen (1) n yiminig uffir amerruki deg umḍiq i umi ttinin Bâb El-Assa, deg twilayt n Tlemsan (Tamnaḍt taserdasant tis 2), seg yidis nniḍen iferdisen n temsetla taɣelnawt kksen ṭam (8) n yikilugramen n lkif.