ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⵓⵎⴻⵍ ⵛⵧⵏⴰⵙⴰⴷⵀ ⵜⴰⵙⴻⵔⵜⵉⵜ ⵜⴰⵎⵀⴻⵔⵙⴰⵏⵜ ⵏ ⵢⵉⵎⵀⴰⵔⵙⴰⵏⴻⵏ ⵉⵎⴻⵔⵔⵓⴽⵉⵢⴻⵏ ⵎⴳⴰⵍ ⵏ ⵢⵉⵎⴻⵖⵏⴰⵙⴻⵏ ⵉⵚⴻⵃⵔⴰⵡⵉⵢⴻⵏ
ⴱⵉⵔ ⵍⴰⵀⵍⵧⵓ (ⵉⵎⴻⴹⵇⴰⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⵙⵍⴻⵍⵍⵉⵏ) – ⴰⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⵚⴻⵃⵔⴰⵡⵉ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ (ⵛⵧⵏⴰⵙⴰⴷⵀ) ⵢⴻⵙⵙⵓⵎⴻⵍ ⵜⴰⵙⴻⵔⵜⵉⵜ ⵏ ⵓⵙⴻⵃⵔⴻⵙ ⵏ ⵜⵍⴻⵍⵍⵉ ⵏ ⵡⴰⵡⴰⵍ ⵉ ⵢⴻⵙⵙⴻⵎⵔⴰⵙ ⵓⴷⴰⴱⵓ ⵏ ⵜⴻⵎⵀⴻⵔⵙⴰ ⵜⴰⵎⴻⵔⵔⵓⴽⵉⵜ ⵎⴳⴰⵍ ⵉⵎⴻⵖⵏⴰⵙⴻⵏ ⵉⵚⴻⵃⵔⴰⵡⵉⵢⴻⵏ ⴰⵍⵎⴻⵏⴷ ⵏ ⵡⴰⴷⴷⵓⴷ-ⵏⵙⴻⵏ ⴰⵙⴻⵔⵜⴰⵏ, ⵉ ⴷ-ⵜⴻⵏⵏⴰ ⴰⵙⵙ ⵏ ⵙⵙⴻⴱⵜ ⵜⵏⴻⴳⴳⴰ ⵏ ⵜⵖⴰⵎⵙⴰ ⵜⴰⵚⴻⵃⵔⴰⵡⵉⵜ ⵙⵒⵙ.
ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ, ⴰⵙⴻⵇⵇⴰⵎⵓ ⴰⵚⴻⵃⵔⴰⵡⵉ ⵢⴻⵏⵏⴰ-ⴷ ⴷⴰⴽⴽⴻⵏ ⵉⴷⵓⴱⴰ ⵉⵎⴻⵔⵔⵓⴽⵉⵢⴻⵏ ⴽⴽⵙⴻⵏ-ⴰⵙ ⵉ ⵜⵎⴻⵖⵏⴰⵙⵜ ⵜⴰⵚⴻⵃⵔⴰⵡⵉⵜ ⴰⵎⴱⴰⵔⴽⴰ ⴰⵍⵉⵏⴰ ⴰⵣⵔⴻⴼ-ⵉⵙ ⵏ ⵓⵙⵉⴽⴻⵍ ⴰⴽⴽⴻⴷ ⵢⵉⵎⵓⵔⴰⵙ ⵏ ⵓⵙⴻⴳⴳⴰⵙ ‘’ⴷ ⴰⵄⴼⴰⵙ ⵖⴻⴼ ⵢⵉⵍⵓⴳⴰⵏ ⴰⴽⴽⴻⴷ ⵢⵉⵎⴻⵏⵣⴰⵢⴻⵏ ⵏ ⵢⵉⵣⴻⵔⴼⴰⵏ ⵉⴳⵔⴰⵖⵍⴰⵏⴻⵏ’’, ⵢⴻⵙⵙⵓⵎⴻⵍ ⴷⴰⵖⴻⵏ ⵍⵉⵃⴰⵍⴰ ⵏ ⵡⴰⴷⴷⴰⴷ ⴰⵙⴻⵔⴷⴰⵙⴰⵏ ⵉ ⵢⴻⵍⵍⴰⵏ ⴷⴻⴳ ⵢⵉⵎⴻⴹⵇⴰⵏ ⵢⴻⵜⵜⵡⴰⵟⴼⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎⴰ ⴰⴽⴽⴻⴷ ⵓⴳⴷⴰⵍ ⵏ ⵜⵉⵔⵣⵉ ⵉ ⵢⵉⵎⴰⵏⴰⵢⴻⵏ.
ⴰⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⵚⴻⵃⵔⴰⵡⵉ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ (ⵛⵧⵏⴰⵙⴰⴷⵀ) ⵉⵣⴻⵔ ⴰⵙⴻⵃⴱⴻⵙ ⴰⵙⵙ ⵏ 28 ⵢⵓⵏⵢⵓ ⵢⴻⵣⵔⵉⵏ ⴷⴻⴳ ⵜⴻⵎⴷⵉⵏⵜ ⵏ ⵍⵄⵢⵓⵏ ⵏ ⵎⴰⵀⵊⵓⴱ ⵧⵓⵍⴰⴷ ⵛⵀⴻⵊ, ⴰⵎⴻⵖⵏⴰⵙ ⴰⵙⴻⵃⵔⴰⵡⵉ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ.
