ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵏⴰⵜ ⵏ ⵜⴻⵖⵙⴰⵔ ⵜⵉⵎⴻⵇⵔⴰⵏⵉⵏ ⵏ ⵜⵓⵎⴰⵙⵜ ⴷⴻⴳ ⵛⵛⵔⴰⴳⴰ ⴷ ⵔⵔⵖⴰⵢⴰ (ⴰⵎⴰⵙⴰⵢ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵙⵏⴰⵜ ⵏ ⵜⴻⵖⵙⴰⵔ (ⵎⴰⵃⴰⵟⵟⴰⵜ) ⵜⵉⵎⴻⵇⵔⴰⵏⵉⵏ ⵏ ⵜⵓⵎⴰⵙⵜ ⴰⵢ ⵍⴰ ⴱⴻⵏⵏⵓⵏ ⴷⴻⴳ ⵜⵎⴰⵏⴻⵖⵜ ⵖⴻⴼ ⵡⴻⴱⵔⵉⴷ ⴰⵎⴰⵣⵣⴰⵍ ⵢⴻⵍⵍⴰⵏ ⴳⴰⵔ ⵛⵛⵔⴰⴳⴰ (ⴰⵜⴰⵔⴰⵎ) ⴷ ⵔⵔⵖⴰⵢⴰ (ⴰⴳⵎⵓⴹ). ⴷ ⵜⴰⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵓⵙⵙⴻⵏⵣⵉ ⴷ ⵡⴻⴼⵔⴰⵇ ⵏ ⵢⵉⴼⴰⵔⵉⵙⴻⵏ ⵉⵒⵉⵜⵕⵓⵍⵉⵢⴻⵏ (ⵏⴰⴼⵜⴰⵍ) ⴰⵢ ⴷ-ⵢⴻⵍⵀⴰⵏ ⵢⴻⵙ-ⵙⴻⵏⵜ ⵉ ⵍⵎⴻⵏⴷ ⵏ ⵡⴻⴹⵎⴰⵏ ⵏ ⵡⴻⴼⵔⴰⵇ ⵏ ⵜⵓⵎⴰⵙⵜ ⴷ ⵓⵙⵙⴻⵏⵇⴻⵙ ⵏ ⵍⵃⴻⵕⵙ ⵖⴻⴼ ⵜⴻⵖⵙⴰⵔ ⵏⵉⴹⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵏⴰⴼⵜⴰⵍ, ⵀⵧⵛⵉⵏⴻ ⵔⵉⵣⵧⵓ.
« ⵙⴻⴳ ⴳⴰⵔ 30 ⵏ ⵜⴻⵖⵙⴰⵔ ⵏ ⵜⵓⵎⴰⵙⵜ (ⴱⵉⵏⵣⵉⵏ) ⴰⵢ ⵢⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, 20 ⵍⴰ ⵜⵜⵡⴰⵚⴻⴳⴳⴰⵎⴻⵏⵜ ⴰⴽⴽⴻⵏ ⴰⴷ ⴷ-ⵎⵢⴻⵣⴳⴻⵏⵜ ⴷ ⵜⴻⴳⵏⴰ (ⵎⴰⵄⴰⵢⵉⵔ) ⵜⵉⴳⵔⴰⵖⵍⴰⵏⵉⵏ ⵢⴻⵔⵏⵓ ⴰⴷ ⵓⵖⴰⵍⴻⵏⵜ ⴷ ⵜⵉⵖⵙⴰⵔ ⴰⵢ ⴷ-ⵢⴻⵜⵜⴰⴽⴼⴻⵏ ⵉⵎⴻⵥⵍⴰ ⵏ ⵜⵖⴰⵔⴰ ⵉ ⵢⴻⵎⵙⵓⴷⵔⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ ⵏ ⵏⴰⴼⵜⴰⵍ ⴷⴻⴳ ⵢⵉⵊⵉⴼⴻⵕ ⵏ ⵡⴻⵣⵡⵓⵔ ⵏ ⵜⴻⵎⵙⴻⵜⵍⴻⵍⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴻⵙⴱⵉⵟⴰⵔ ⵏ ⴱⵏⵉ ⵎⴻⵙⵙⵓⵙ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴻⵔⵖⵓ (ⵡⴰⵇⵓⴷ) ⴷ ⵍⴳⴰⵣ ⵏ ⵜⵇⴻⵔⵄⵓⵏⵜ ⴷⴻⴳ ⵡⵓⵙⵙⴰⵏ ⵏ ⵍⵄⵉⴷ ⵜⴰⵎⴻⵥⵢⴰⵏⵜ, ⵢⴻⵏⵏⴰ-ⴷ ⵎⴰⵙⵙ ⵔⵉⵣⵧⵓ ⴷⴰⴽⴽⴻⵏ ⵓⵔ ⴷ-ⵢⴻⵜⵜⵉⵍⵉ ⵍⴻⵅⵚⴰⵚ ⴷⴻⴳ ⵡⴰⵢⴰ, ⵢⴻⵔⵏⵓ ⴰⴷ ⵜⵜⵡⴰⴼⴻⵔⵇⴻⵏ ⵢⵉⴼⴰⵔⵉⵙⴻⵏ-ⴰ ⴰⵎ ⵍⴻⵄⵡⴰⵢⴻⴷ.
ⵜⴻⵜⵜⵡⴰⵊⵎⴻⵄ ⵍⵄⵓⵍⴰ ⴷ ⵜⴰⵎⴻⵇⵔⴰⵏⵜ ⵉ ⵡⴰⵙⵙ ⵏ ⵍⵄⵉⴷ, ⵢⴻⵔⵏⵓ ⴰⴼⵔⴰⵇ ⵏ ⵢⵉⴼⴰⵔⵉⵙⴻⵏ-ⴰ (ⵎⴰⵏⵜⵓⴵⴰⵜ) ⵖⴻⴼ ⵜⴻⵖⵙⴰⵔ ⵍⴰ ⴷ-ⵢⴻⵜⵜⵉⵍⵉ ⵙ ⵡⴻⴱⵔⵉⴷ ⴰⵏⵓⵎⴰⵏ.
ⵏⵏⵉⴳ ⵡⴰⵢⴰ, ⵓⵔ ⴷ-ⵢⴻⵜⵜⵉⵍⵉ ⵍⴻⵅⵚⴰⵚ ⴷⴻⴳ ⵡⴻⴼⵔⴰⵇ ⵏ ⵢⵉⴼⴰⵔⵉⵙⴻⵏ-ⴰ ⵓⵍⴰ ⴷⴻⴳ ⵜⴻⵎⵏⴰⴹⵉⵏ ⵏⵉⴹⴻⵏ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ.
